Aiseya 63:14 - ALLALA KUMƐ

¹⁴ Marita Ni-Sɛnima sɔra anu yarɔ ka ta anu na anu sulen tinɛ iko ninkinu tenbi kɔnkɛ yigila ka ta bin nɔrɔnnɛ magbenna. Mari, i sɔra ila mɔgɛnu yarɔ wo nya na le. Ko-sufa kɛnu denu ya a ma, i mankan tara wuu!

Aiseya 63:14 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

1 Ko-Kɔrɔta-Karan 29:13

Woletɔ male ye baraka birala i ye ka tantolɛ di ile mata Alla ma.

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Aiseya 55:13

Wɔnɔ-firɛnu si yɛlɛma kɔlɔma-hakikɛnu na. Kala-dugi si ma firɛ la. Kɛ wa ma tumɛ min, wo hɛnkili ni to bilala Marita lanyiri ko. Kɛ si ma habadan-misalɛ la min ti tinya muk!

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,

Luka 2:14

“Gbiliyɛ ni ke Alla ye san-kole rɔ pon! Minnu ya Alla hɛnɛ, yisi-kimɛ ni to wonu fɛ!”

Ɛfɛsa 1:12

Nba, male Isirɛla mɔgɛ minnu fɔlɔn ya Kirasiti ma ma yigi la, male fɔlɔn ni Alla tanto wona ata gbiliyɛla ko la!

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Tɔn-Fɔɛ-Fila-Nyɔgɛ 32:12

Mari kelen pe le sɔra wole, ata mɔgɛnu yarɔ. Bɛsi-wo-bɛsi ma ale dɛnbɛ wole fɛ-birala.

Yasowa 21:44

Mari ya yisi-kimɛ di anu ma iko a ya lanyiri kiri anu benbanu ye nya min fɔlɔn. Hali sibolo-kelen-bɛrɛn ma nɔ-ko sɔrɔn anu ma bawo Mari ya sɛnbɛ di Isirɛla mɔgɛnu ma anu yogenu kuma kɛlɛ-kɛ-tinɛ.

Yasowa 22:4

Wota Mari Alla ya lafɛrɛ di wo na-kelen-nyɔgɛ Isirɛla mɔgɛnu ma iko a ya lanyiri kiri anu ye nya min. Woletɔ wo ni sɛgi wola nyamanɛ rɔ Yorodan bɛ kɔma tele-bɔɛ wara la Nɛbi Musa ya min di wo ma.

Yasowa 23:1

Wati siyaman tenbira tumɛ min, Mari ya lafɛrɛ di Isirɛla mɔgɛnu ma anu yogenuna ko la, ado Yasowa ara kɔrɔya kati!