Aiseya 63:12 - ALLALA KUMƐ

¹² Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Aiseya 63:12 ပူးပေါင်းရင်းမြစ်များ

Nihɛmaya 9:10

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 15:16

Kilan si wara anu tɔ. Anu ta si faga kuluba! Anu bi ita sɛnbɛ yenna min kɛ, anu si to anu gbɛ rɔ iko kuru-kundi ha ma ni ban tenbila, i wara male minnu kunka yɔɔnyɛ rɔ kɛ la, kɔni.

Bɔ-Koe-Iyipiti 15:6

“E, Mari, i wara ko-makawani-belebele kɛ ma ye i kɔɛn-nyimɛ la. I kɔɛn-nyimɛ ara i yogenu bunden ma ye.

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 43:16

Bi ko ma, Mari ya kilɛ laka kɔgɔ-yi rɔ. A ya kinna-kilɛ sa yi-makawanɛ tɛma.

Aiseya 44:27

A ko a wa a karɛ laka ka a fɔ ko a ni gbala kɔgɔ-yi ma, wo si gbala todo!

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 55:13

Wɔnɔ-firɛnu si yɛlɛma kɔlɔma-hakikɛnu na. Kala-dugi si ma firɛ la. Kɛ wa ma tumɛ min, wo hɛnkili ni to bilala Marita lanyiri ko. Kɛ si ma habadan-misalɛ la min ti tinya muk!

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Yɛrɛmaya 32:21

I wara anu yogenu kumakɔ ita kabana-koenu na. I ya ma benbanu nabɔ ita fanka le la Iyipiti nyamanɛ rɔ.

Romu 9:17

Alla ya a fɔ Iyipiti mansɛ ye ala kitabu rɔ ko a ara a ma mansɛ la alako a si ata sɛnbɛ yira a la nya min. A ya wo ma fanan alako duninya-mɔgɛ bɛɛ ni ale Alla mankan lamɔɛn.

Yasowa 3:16

Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.