Aiseya 63:11 - ALLALA KUMƐ

¹¹ Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Aiseya 63:11 ပူးပေါင်းရင်းမြစ်များ

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yaburi 106:44

Kɔnɔ hali wo, Mari ya anu di-kɛ-kan lamɔɛn. A ya a fonde lamiri anuna tɔrɔyɛ ma.

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 106:9

A kumara Kɔgɔ-Yi-Wulan ma, wo gbalata a worɔn la todo! A sɔra ala mɔgɛnu yarɔ ka dugu-gbalanɛ wo ratɛgɛ.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 25:6

E, Mari, i wara ila keninteyɛ anubɛ ila kinikinɛ min kɛ ma ye nun kebi fɔlɔ, i ni i hɛnkili to wo ko.

Yaburi 51:11

I kana n gben i fɛ. I kana ita niyi bɔ n tɔ.

Yaburi 77:12

I wara min bɛɛ kɛ, n bi n mirila wonu ma. N bi n hɛnkili lamirila ila kabana-koenu ma.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Yaburi 78:52

Wo kɔma, a sɔra ala mɔgɛnu yarɔ iko saga-fɛ-biralɛ. A ya anu kandan wula-da-rakolɔn rɔ.

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Bɔ-Koe-Iyipiti 14:30

Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna.

Aiseya 43:16

Bi ko ma, Mari ya kilɛ laka kɔgɔ-yi rɔ. A ya kinna-kilɛ sa yi-makawanɛ tɛma.

Aiseya 63:10

Kɔnɔ anu kan-kɔ-sɔɛ Mari la, anu ya a ma, ata Ni-Sɛnimɛ yisi tinyanta. Woletɔ Mari mara anu yoge la, ado ka a tɛgɛ wo ma, a ya anu kɛlɛ.

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Daniyɛli 4:8

Wo kɔma, Daniyɛli nara. (N kɛnɛna a kelela ko Bɛlitisasa bawo nna bɛsi-tɔgɔma le ale la, ado ale Allata sɛnbɛ anubɛ nyinɛnutɛ ye a fɛ fanan.) N ya nna kiyo kɛ rakaran ale ye. N ya a fɔ a ye ko

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Hegayi 2:5

Wo bɔra Iyipiti tumɛ min, n ya a fɔ ko n bi wo fɛ, ado n bi wo fɛ wo nya na le fanan, yɔ! N ti bɔ wo fɛ. Wo kana kilan.”

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Yilan-Yilan Koe 11:17

N si ile Musa taran nyɔ. N ya nta Sɛnbɛ min di ile Musa ma, n si wo nyɔgɔn di mɔgɔ-ba wonu fanan ma. N ba ban nna Sɛnbɛ wo dila anu ma tumɛ min, anu si ke worɔ ka i dɛnbɛ dunɛ kɛnu bila. Wo le si a ma, ile kelan ti sɔ mɔgɔ-siyamɛ kɛnu yarɔ tun fɔ wobɛ mɔgɔ-ba kɛnu.”

Yilan-Yilan Koe 11:25

Mari nyɛrɛ yigira ata banda-fin-gbɛ rɔ ka kuma Musa ye. Marita Sɛnbɛ min nyɛrɛ ye Musa rɔ, a ya wo nyɔgɔ di mɔgɔ-ba wonu ma. Anu ya Marita Sɛnbɛ sɔrɔn nya min kawo, anu wulita kumala iko nɛbinu. Kɔnɔ anu ma mɛ wo kun na.

Yilan-Yilan Koe 11:29

Musa ya a fɔ Yasowa ye ko, “Ile le ye nna keliyɛ kɛla n ye, wa? Nba, a si diya nde nyɛrɛ ye ni Isirɛla mɔgɛ bɛɛ si Marita Sɛnbɛ kɛ sɔrɔn. A si diya nde ye gbuyɛ, ni bɛɛ si bɛti bɔ ka Mari wɔlɔbɔ!”

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”