Aiseya 62:5 - ALLALA KUMƐ

⁵ Iko keminɛ ye a wasila kɔɛn-kura-biyi la nya min, Mari ye a wasila wo biyi la wo nya na le. Iko kei ye sewala ala musu-kurɛ la nya min, ale Mari fanan bi sewala wo la wo nya na le.

Aiseya 62:5 ပူးပေါင်းရင်းမြစ်များ

Keninteya-Siginu 3:11

Wole Yerusalɛm sunkurɔnnu, wo na Mansa Silamɛni yen. A na le ya mansaya-fulɛ don a salɛ la. A ya mansaya-fulɛ kɛ di a ma ala kɔnyɔ-masɔ-ladiyɛla ko la, a nyagalen-tele rɔ, kɔni.

Keninteya-Siginu 4:8

N sisirɔ-musi, na, ma ni bɔ Lɛbanan kɔnkɛnu kɔrɔ yan. Ma ni bɔ Amana anubɛ Hɛrɔman kɔnkɛnu kɔrɔ yarɛnu anubɛ kulinu bi kan min.

Aiseya 62:4

Mɔgɛnu ti wo kele tun ko, “Allata Mɔgɔ-Bolokanɛnu.” Mɔgɛnu ti wola nyamanɛ kele tun ko, “Allata Nyamani-Halakini-Kɔrɛ.” Anu si wo kele ko, “Alla Diyana-Mɔgɛnu.” Wola nyamanɛ si kele ko, “Allata Kɔɛn-Kurɛ.” Wo dama ye mala le bawo wo di Mari ye. Wola nyamanɛ si taran a bolo iko musi ye taranna ala kei bolo nya min.

Aiseya 65:19

Ale fanan si sewa Yerusalɛm na. A si sewa ala mɔgɛnu na. Mɔgɔ-wo-mɔgɔ ti yisi-magboyɛ anubɛ di-kɛ-kan lamɔɛn nyɔ rɔ tun.

Yɛrɛmaya 32:41

A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Hoseya 2:19

Nde, Mari si i ma n halala-musi la tɛban! N si ma telenbaga la i ye. N si nna hinɛ anubɛ kinikinɛ yira i la.

Hoseya 2:21

Ni ile Isirɛla ya n matara ko-wo-ko rɔ wo wati rɔ, n si wo lamɔɛn. N si a ma, bandɛ ni bui dugi ma. Wo si a ma, Yɛsɛreli lɛɛ ni dɔn-fan labɔ, a fui-fen wo, a ki-fen wo.

Sɛfanaya 3:17

Wota Mari Alla ye wo fɛ. Ata sɛnbɛ si nɔlɛ di wo ma. Mari si nyagalen wo la. A si ni-kurɛ di wo ma bawo wo di a ye. A si nyagalen wo la ka sigi sa.

Malakayi 3:12

Wo kɔma, a ko duninya sibole bɛɛ si wo kele ko mɔgɔ-sewanɛnu bawo wola nyamanɛ si ma sigi-tina-hakikɛ la.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.