Aiseya 62:1 - ALLALA KUMƐ

¹ Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Aiseya 62:1 ပူးပေါင်းရင်းမြစ်များ

Yaburi 137:6

Ni n yili ma to i ko, ka, ni n ma Yerusalɛm ma nta sewa-so-wɛ la ka tenbi kan tinɛ bɛɛ la, alamɛ n nagan nɔrɔta n naganagan la map! N kana sigi sa tun!

Yaburi 51:18

E, Alla, i ni ko-nyimɛ kɛ mata so-karantan ye, Yerusalɛm, kɔni. I ni a tarɛ sɔ kura kɛ tun.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Aiseya 26:2

Wo ni soe tarɛ-don-dɛ laka. I ni a ma, sibolo-telennɛ ni don, sibole minnuna mɔgɛnu bi ko-latelennɛ kɛla, kɔni.

Aiseya 46:13

A ko a ti mɛ tun a si ko-telennɛ labɔ gbɛ ma. A ti mɛ tun a si Yerusalɛm nakanan alako Isirɛla mɔgɛnu ni gbiliyɛ sɔrɔn nyɔ.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 54:14

Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

Aiseya 58:8

Mari ko ni wo ya ko-sufa kɛnu ma, ale Mari si ata waan raka wo ma ka to wo tanban-gbɛnu nakɛndɛyala. A ko a si sɔ wo yarɔ ka wo lakanan. A ko ata gbiliyɛ si bila wo fɛ alako yanba kana yalan wo ma.

Aiseya 60:1

Ile Yerusalɛm, i lasɔ, i silɛɛ ni tii i ma iko tele. Marita gbiliyɛ ye malanna i kuma.

Aiseya 60:2

Pinpi burunnɛ dugi kuma kaka. Sibolo-gbɛrɛ doinu bi pinpi-belebele-wɛ tɛma. Kɔnɔ Marita wan-takanɛ ara ile to gbɛ rɔ, ado mɔgɛnu si Marita gbiliyɛ yen ila foolɛ rɔ.

Yɛrɛmaya 33:9

Yerusalɛm si ale Mari lasewa. A si gbiliyɛ sɔrɔn ka a wasi soe wo la. Ale Mari ko a ara min kɛ Yerusalɛm ye, sibolo-gbɛrɛnu ba a lamɔɛn a ara anu nama-a-la nya min, anu si to yɛrɛyɛrɛnna kilan bolo.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Sakaraya 2:12

Mari si Yuda ma a halalɛ la tun ata dugu-sɛnimɛ rɔ. Yerusalɛm soe si diya a ye ka tenbi soe bɛɛ la.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Luka 10:2

A ya a fɔ wonu ye ko, “Fui-fan-tɛgɛtɛ kolo kɔnɔ a tɛgɛla ma siya. Wo ni sɛni-tigi madiya alako a ni wɔli-kɛlɛnu nata ala fui-fen tɛgɛ tinɛ.

2 Tɛsalonaika 3:1

Ala ban, ma na-kelen-nyɔgɛnu, wo ni Alla matara ma ye. Marita kumɛ ni to nyɛnsɛnna tiriya! Wo si a ma, mɔgɛnu ni ata kumɛ gbiliya iko a mara wo tɛma nya min.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ