Aiseya 61:2 - ALLALA KUMƐ

² Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 61:2 ပူးပေါင်းရင်းမြစ်များ

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 2:12

Wo tele wa ke, wasintenu wo, nyɛrɛ-kɔrɔtanɛnu wo, anubɛ sɛnbɛ-tiginu, Mari Sɛnbɛ-Bɛɛ-Tigi si wonu famayigi.

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 34:2

Mari ara diminya sibole bɛɛ ma anubɛ anuna kɛlɛ-dannu. A ara anu dama kasara-koe latɛgɛ.

Aiseya 34:8

Mari si ata kɔnkɔ-sɛnimɛ lakanan wati kɛ le tɔ ka ala mɔgɛnuna yili sara anu yogenu na.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 40:1

Mari ya a fɔ nde, Aiseya ye ko n ni ata mɔgɛnu niyi radiya.

Aiseya 49:8

Mari ara a fɔ ala mɔgɛnu ye ko anu kisi-wati wa ke tumɛ min, a si ala duwɛ layigi anu kuma. A si anu dɛnbɛ iko anu ya a rakele nya min. A ko a si anu kandan ka anu natanka. Wo si ma sarama-kan misalɛ la Yerusalɛm kɛnu anubɛ mɔgɛ bɛɛ tɛma. A ko a si a ma, anu ni anu sigi nyamani-tinyani-kɔrɛ wo rɔ tun.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 58:5

A ko sun-donna-bɛrɛ si min ma, wo le kɛ la. A bɛnta, mɔgɛ ni nimisa nya min a sɔnla ko la, wo le kɛ la. A ko a ma di a ye wo ni to wo nyɛrɛ lakunbɛnna iko binyɛ. A ma di a ye, wo ni kasa-kurɛnu tasa ka gbangban don wo ma ka wo sa wonu kuma. A ko wo ara wonu denu ma wola sun-don-bole la. A ko wo le miri ko sun-don-bole le wo la, wa? A ko wo miri ko wo kɛ-nya si ale Mari hɛnɛ?

Aiseya 60:10

Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 66:14

Wo wa kɛ damasi rayen wo yɛ la tumɛ min, wo si sewa dɔgɔma-ma-de! Wo si to sabatila iko binyɛ. Marita wɔli-kɛlɛnu si ata sɛnbɛ yen kɔnɔ Mari yogenu si a diminya-nya yen anu ma.

Yɛrɛmaya 31:13

Sunkurɔnnu si anu dɔn sewa-wati wo rɔ. Kɛmɔgɛnu anubɛ kemini-mɛsɛnu fanani si anu dɔn anu fɛ. Mari ko a si anuna yisi-magboyɛ yɛlɛma anu ye, nyagalan la. A si anuna yisi-tinyɛ ma anu ye, kɔntɔ-diyɛ la.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Maika 3:8

“Kɔnɔ nde, Maika sa iko nɛbi doinu bawo Mari ya ata niyi anubɛ ata sɛnbɛ di nde ma fanan. A ya latelen-hɛnkili di n ma. A ara n yisi gbɛlɛya ka wole, Isirɛla mɔgɛnuna hakɛ yira wo la.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Luka 4:19

Mɔgɛnu bi hɔrɔyala san min ma, Mari ya n sɔ ka wo wara-koe fɔ anu ye.”

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

2 Kɔrɛnti 6:2

Alla ya kɛ le fɔ, a ko, “A wati-latɛgɛnɛ le, n ya n tole masɔ i la. I kisi-tele kera lunyɛ min, n ya i dɛnbɛ.” Nba, Allata wati-latɛgɛnɛ le kɛ la! Kisi-tele le bi la!

1 Tɛsalonaika 2:16

Anu bi anu tayala nun ka male lakala alako ma kana kisi-ko-kuma-kawandili bɔ sibolo-gbɛrɛnu ye. Anu bi hakɛ min kɛla tumɛ bɛɛ, wo dan-natenbi le, ado Allala fondo-bɔɛ ara a laban anu kuma!