Aiseya 60:7 - ALLALA KUMƐ

⁷ Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Aiseya 60:7 ပူးပေါင်းရင်းမြစ်များ

Ko-Dabirɛnu 25:13

Sumanyilala den-keinu tɔgɛ le kɛnu na iko anu sɔrɔnta nya min. Ala den-kei-sarɛ tɔgɛ le Nebayɔti. Nebayɔti dɔgɛ le kɛnu na, Kedari wo, Adibɛli wo, Mibisan wo,

Yobu 42:8

Wo ni ta tura wɔrɔnfila anubɛ saga-yigi wɔrɔnfila la Yobu ma alako wo ni anu ma sarakɛ la wo nyɛrɛ ye. Yobu si madiyali kɛ wo ye. N si ata madiyalɛ lamɔɛn alako n kana wo layarabi iko a bɛnta, wo ni yarabi nya min. Wo ma tonya fɔ n bara-koe rɔ iko ale Yobu ya tonyɛ fɔ n bara-koe rɔ nya min.”

Yaburi 120:5

Ka to wole fɛ, wo mani de iko mɔgɛ tenbi karagbɛlɛnu tɛma.

Keninteya-Siginu 1:5

N ta-nyɔgɛ Yerusalɛm musinu, hali n fɛrɛ ara yɛlɛma ka fin n ma kɔnɔ n kin. N finnɛ iko Kɛdarila fani-bɔnnu. N kin iko yorolan minnu bi Silamɛnita bolɔn la.

Aiseya 19:19

Wo wati wa na, Marita saraka-mintan-tinɛ do si taran Iyipiti nyamanɛ tɛma. Anu si kuru-lɛsɛnɛ dantɛgɛ Mari ma. Wo si taran anuna nyamani-dan la.

Aiseya 19:21

Mari si a nyɛrɛ yira Iyipiti mɔgɛnu na. Wo si a ma, anu ni a bato ka sarakɛ bɔ a ye ka kɔ-fannu di ale Mari ma. Anu si lanyirinu kiri a ye ka wonu natɔnbagaya.

Aiseya 21:16

Wo kɔma, Mari ya a fɔ n ye tun ko yanni san kɛ ni tenbi, Kedari kɛ minnu makawanɛ, wonu wara-koe si ka-a-la.

Aiseya 42:11

Kɛn-dugi nyamanita-mɔgɛ bɛɛ ni Alla matɔgɔ! Wole Kida kɛnu, wo ni a matɔgɔ! Wole minnu siginɛ Sela soe burɔ, wo ni wo dɛ sa-a-rɔ sewɛ bolo kɔnkɛnu kuma!

Aiseya 56:7

a si ta wonu na ata kɔnkɔ-sɛnimɛ kuma. A si sewɛ di anu ma a madiya tinɛ, ado a si sɔn anuna sarakɛnu na anu bi minnu bɔla ata saraka-mintan-tinɛ kuma. Ata Bato-Bɔn si ma madiyali-bɔn la sibole bɛɛ ye.

Aiseya 60:13

Lɛbanan kɔlɔma-kuru-wɛnu si ma itɛ la. Nyɔ-kɔlɔma-nyimɛnu si anu kun sa ile soe ma. A ko ila mɔgɛnu si ale Mari Bato-Bɔn lakinya wonu na. Ale Mari ye a tɔntɛ sɔla ile Yerusalɛm min tɔ, a ko gbiliyɛ ti dasa nyɔ ma.

Isikiyɛli 20:40

A bɛnta, Isirɛla mɔgɛ bɛɛ ni n bato nta kɔnkɔ-sɛnimɛ kuma min tenbira Isirɛla kɔnkɛ bɛɛ la. Anu ba n bato nyɔ, n si sɔn anu ye nyɔ. Anuna saraka wo, anuna kɔ-fen-nyima wo, anu niyinu wo, n si nyini wonu ma anu bolo nyɔ rɔ.

Isikiyɛli 27:21

Arebiyanu anubɛ Kedari mɔgɔ-banu ya yilayɛ kɛ Taya kɛnu ma. Anu ya sagɛnu anubɛ saga-dannu anubɛ baanu felen Taya kɛnu ma.

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Sakaraya 2:8

Mɔgɔ-wo-mɔgɔ ya wole gbesi, a ara fan gbesi min di ale Mari ye iko a yɛ.” Mari Sɛnbɛ-Bɛɛ-Tigi ya sarakanɛ kɛ don n bolo sibolo-gbɛrɛnuna ko la minnu ya ala mɔgɛnu bira.

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Hiburunu 13:10

Saraka-bɔ-tinɛ ye nyɔ Kirasiti ara sarakɛ bɔ min kuma Alla ye mala ko la. Hali saraka-masɔlɛ minnu bi wɔlila Alla-Bato-Bɔn la, dɔn-fan minnu bɔra saraka-bɔ-tinɛ wo kuma, a ma bɛn wo ni wonu dɔn.