Aiseya 60:6 - ALLALA KUMƐ

⁶ Nyomɛnu ta si ka wola nyamanɛ rɔ baraki! Wonu si na ka bɔ Midiya anubɛ Ifa nyamanɛ rɔ. Mɔgɛnu si na i sanbala sɛnɛ anubɛ isɛnti la ka bɔ Siba nyamanɛ rɔ. Anu si to Mari-tanto-sigi sala.

Aiseya 60:6 ပူးပေါင်းရင်းမြစ်များ

Ko-Dabirɛnu 10:7

Hamala den Kusi wo ya den mɔgɔ loli sɔrɔn, Siba wo, Hafila wo, Sabata wo, Reyama wo, anubɛ Sabiteka. Kusila den Reyama wo ya den mɔgɔ fila sɔrɔn, Siba anubɛ Didan.

Ko-Dabirɛnu 25:13

Sumanyilala den-keinu tɔgɛ le kɛnu na iko anu sɔrɔnta nya min. Ala den-kei-sarɛ tɔgɛ le Nebayɔti. Nebayɔti dɔgɛ le kɛnu na, Kedari wo, Adibɛli wo, Mibisan wo,

1 Mansɛnu 10:2

A nara a gba-fɛ-bilala-siyaman na. Wo kɔma, a ya kɛnɛ-dunɛnu anubɛ sɛnɛ-dunɛnu anubɛ dugu-kɔrɔ-nɔnfulu siyaman-dunɛnu kiri nyomɛnu kɔ tɛma. Ale musu-mansɛ ya Mansa Silamɛni taran min kɛ Yerusalɛm soe burɔ, a ara a miri nyinikalɛ min bɛɛ ma, a ya mansɛ manyinika wonu ma.

2 Mansɛnu 8:9

Hasiyɛli ya Damasika fen-koloma-hakika-siyaman bi ka wonu kiri nyomo bi-nani kɔ tɛma. A tara fen-kolomɛ wonu ma Nɛbi Ilaisala fandɛ la. A ban a fandala, a ya a fɔ a ye ko, “Ila wɔli-kɛlɛ Siriya Mansa Bɛnhedadi, wo le ya n sɔ i wara ko n ni i manyinika ni a si beli, ka, ni a ti beli.”

1 Ko-Kɔrɔta-Karan 1:33

Iburayimala den Midiyan ya den-kei mɔgɔ loli sɔrɔn, Ɛfa wo, Ɛferi wo, Hanoki wo, Abida wo, anubɛ Ɛlida.

2 Ko-Kɔrɔta-Karan 9:1

Mansa Silamɛni ya hɛnkili sɔrɔn nya min Mari bolo, Siba musu-mansɛ ya ala hɛnkilimayɛ wo mankan lamɔɛn. Wo le ya a ma, ale nara mansɛ hɛnkili kɔrɔbɔ tinɛ. A nara a gba-fɛ-bilala-siyaman na. Wo kɔma, a ya kɛnɛ-dunɛnu anubɛ sɛnɛ-dunɛnu anubɛ dugu-kɔrɔ-nɔnfulu-siyaman dunɛnu kiri nyomɛnu kɔ tɛma. Ale musu-mansɛ ya Mansa Silamɛni taran min kɛ Yerusalɛm soe burɔ, a ara a miri nyinikalɛ min bɛɛ ma, a ya ale mansɛ manyinika wonu na.

Yaburi 67:4

Sibole bɛɛ ni nyagalen ka sewa-bɛtinu bɔ i ye bawo ile le si sibolenuna kiti tɛgɛ a kilɛ fɛ ka kila-latelennɛ yira anu na.

Yaburi 72:10

Mansɛ minnu bi Sipeni nyamanɛ pon anubɛ yi-tɛma-duginu tɔ, wonu si kɔ-fannu di a ma. Mansɛ minnu bi Siba nyamanɛ anubɛ Seba nyamanɛnu tɔ, wonu si sanbɛnu di a ma.

Yaburi 72:15

Alamɛ mansɛ siyi-fɛ yanyara! I ni a ma, anu ni sɛnɛ di a ma ka bɔ Arabu nyamanɛ rɔ. I ni a ma, anu ni to Alla matarala a ye tuma-wo-tuma. Alamɛ Allata duwɛ tora a kuma habadan!

Aiseya 30:6

Marita sarakanɛ le kɛ la sogenu bara-koe rɔ dugula wula-da-rakolɔn ma. A ko Yuda nyamani-yɛnu bi tagamana nyamanɛ min tɔ, masiba tinɛ le nyɔ la. Yarɛnu bi nyɔ. Duguma-fen-maralamɛnu bi nyɔ anubɛ ninkinanka-kanbannamɛnu. Nyamani-yɛnu bi fen-kolomɛ dunɛnu sala anuna sofɛlɛ anubɛ nyomɛnu kɔ tɛma ka ta anu kun madiya sibolo-gbɛrɛnu na anu dɛnbɛn-koe rɔ.

Aiseya 42:10

Wo ni bɛti-kurɛ bɔ Mari ye. Duninya mumɛ bɛɛ ni a matɔgɔ-bɛti bɔ! Min bɛɛ ye kulɔn laburila yi kuma, wo bɛɛ ni a matɔgɔ! Nima-fan min bɛɛ ye kɔgɔ-yi rɔ, wo bɛɛ ni Mari matɔgɔ! Mɔgɔ min bɛɛsi ye nyamani-yannu tɔ, wo ni a matɔgɔ-bɛti bɔ!

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 60:9

Mɔgɛnu bi bɔla wula-yan-bɛ la ka na Allata mɔgɛnu na a ma. Anu si na kulɔnnu tɔ ka bɔ Tasisi nyamanɛ rɔ. Wonu si i sanba sɛnɛ anubɛ wodi-gbɛ la. Kɛ dama ye nala mala le alako ita Mari Alla ni gbiliyɛ sɔrɔn. Isirɛlata Alla-sɛnimɛ le. A ye kabana-koenu mala ile Yerusalɛm ye.

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Yɛrɛmaya 6:20

Mari ko nfenna wole, Yuda kɛnu bi Siba nyamanita isɛnti mala sarakɛ la a ye? Nfenna wo ye nala fɔrɔnyakalɛ la ka bɔ wulɛ rɔ pon? A ko a ti sɔn wola saraka-mintantɛnu na. Wola sarakɛnu sa a hɛnɛna hali!

Isikiyɛli 27:22

Siba kɛnu anubɛ Reyama kɛnu ya kuru-da-gbɛlɛnu anubɛ sɛnɛ anubɛ kɛnɛ-hakikɛnu felen Taya kɛnu ma.

Sɛfanaya 3:10

Ala mɔgɛ minnu bi nyamani-gbɛrɛnu tɔ wula-yan la, a ko a si na wonu na a bato-tinɛ. Hali Sudan kɛ minnu fɛ-yan, wonu fanan si na.

Sakaraya 14:16

Sibolo-gbɛrɛ-toe minnu bi tola anu niyi la, san-bo-san, wonu si ta Yerusalɛm Mari Sɛnbɛ-Bɛɛ-Tigi bato-tinɛ ka a gbiliya iko mansɛ. Anu si Lele-Sɔɛ-Ladɛn kɛ anu nyɔgɔn fɛ.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Romu 15:9

A ya wo ma fanan alako sibolo-gbɛrɛnu ni Alla tanto ala kinikinɛla ko la. Iko a sɛbɛnɛ kitabu kan tinɛ donu tɔ nya min ko, “E, Alla, n si i matɔgɔ sibolo-gbɛrɛnu yala. N bi tantoli-bɛti bɔla i ye.”

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Filipai 2:17

Wola dɛnkɛninyɛ fanan manɛ iko sarakɛ min bi bɔla Alla ye. Tumado, n nyɛrɛ yele ye nala bonna wola sarakɛ kuma gbɛ! Wo si ma iko kɔ-fan min dinɛ Alla ma. Ni a ye wo nya le, n sewanɛ worɔ. Ma ni nyagalen ma nyɔgɔn fɛ wona.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.