Aiseya 60:4 - ALLALA KUMƐ

⁴ Yerusalɛm, i fɛlɛ bɛɛ mafɛlɛn. Mɔgɛnu bi anu kundɛnna ka na i wara. Ila den-keinu bi nala ka bɔ wula-yan la pon! Ila dunmusinu fanan bi nala wonu fɛ.

Aiseya 60:4 ပူးပေါင်းရင်းမြစ်များ

Aiseya 11:12

Mari tenbi Isirɛla mɔgɛnu anubɛ Yuda mɔgɛnu kundɛnna ka bɔ duninya-tonko-nanɛ bɛɛ rɔ, a si falafalɛ layɛlɛ tamasereyɛ la ka wo yira duninya bɛɛ la.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 42:6

ale Mari le ya a kele ka sɛnbɛ di a ma alako telenbagayɛ ni wara dugu-kole kuma. A ko ka a tɛgɛ ata wɔli-kɛlɛ ma, sarama-kan si kiri anubɛ mɔgɛ bɛɛ tɛma. Ka a tɛgɛ ale ma, Mari si waan raka sibole bɛɛ ma.

Aiseya 43:6

A si a fɔ kantɔ-nyamanɛnu ye ko anu ni mala mɔgɛnu boloka. A si a fɔ dugula-mɔgɛnu fanan ye ko mala mɔgɛnu kana na to birɛ rɔ anu bolo. A ko mala mɔgɛnu ni sɛgi ka bɔ nyamani-yannu tɔ duninya-tonko-nanɛ bɛɛ rɔ.

Aiseya 49:12

A ko ata mɔgɛnu si na ka bɔ wula-yan la. Anu si bɔ kantɔ anubɛ tele-yigi wara la ka bɔ Asuwan soe fanan dugula wara la.

Aiseya 49:17

Minnu bi nala soe wo sɔ-kurɛ kɛla, a ko wonu natoe le kaka. Minnu bara nyɔ tinya, wonu si bɔ nyɔ.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.

Maika 7:12

Wo na-kelen-nyɔgɛnu si na ka bɔ Asiriya nyamanɛ rɔ anubɛ Iyipiti nyamanɛ rɔ ha ka ta ke Yufereti bɛ ma ka anu sigi wo tɛma. Anu si na ka bɔ duninya-tonko-nanɛ bɛɛ rɔ.

Hegayi 2:7

A si duninya-mɔgɛnu tamaga ka anuna fen-kolomɛnu nana Bato-Bɔn kɛ la. Ata gbiliyɛ si taran nyɔ.

Matiyu 8:11

Wo ni wo hɛnkili to kɛ ko! Mɔgɔ siyaman si na ka bɔ duninya fan bɛɛ rɔ ka ladiyɛ kɛ Iburayima anubɛ Isiyaka anubɛ Yakoba fɛ Allata mansayɛ rɔ min bi Arinyɛni tɔ.

Yɔni 4:35

“Wo kɛnɛna a fɔla ko a ara to karɛ nani, fui-fan-tɛgɛ ni ke kɔnɔ n bi a fɔla wo ye ko wo ni sɛnɛnu mafɛlɛn a kin na! Fui-fannu bara ban mɔla, a tɛgɛ-tumɛ ara ke!

Kɛwɔlɛnu 13:44

Sulen-Tele wo kun-sɛgi, soe wo mumɛ nara fɔ donu. Anu nara ka anu tole masɔ Mari wara-koe la.