Aiseya 60:22 - ALLALA KUMƐ

²² Kebilɛ min madɔgɔyanɛ i rɔ, wo yatɛ si ke le waga kelan tɔ. Kebilɛ min madɔgɔyanɛ i rɔ korekore, wo ma si kawa mɔgɛnu tɛma. A ko Mari le ale la. Ni kɛnu wati ara kɛ, a si a ma, a kan kɛ ni bɔ-a-la tiriya!

Aiseya 60:22 ပူးပေါင်းရင်းမြစ်များ

Aiseya 10:22

Isirɛla mɔgɛnu siya iko kɛnkɛn kɔnɔ anu kolo-dande-nɛ le sɛgila dɔrɔn. Kasarɛ lamaranɛ bondɔn la Isirɛla mɔgɛnu ye, ado a bɛnta, anu ni a sɔrɔn de, yɔ!

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 51:2

Wo ni wo miri wo benba Iburayima bɔnsɔn ma, anubɛ ala musi, Sira min ya wo sɔrɔn. A ye Iburayima kelela tumɛ min, den-wo-den sa a bolo nun kɔnɔ a ko a duwara a ye ka a bɔnsɔnnu nasiyaya duk! A ya a ma, a kebilɛnu siyayara.

Aiseya 66:8

Ha bi, mɔgɔ ma wo sufa lamɔɛn bɛ, ado ha bi, mɔgɔ ma wo rayen bɛ. A ye wo nya na le fanan ko ha bi, mɔgɔ ma nyamanɛ yen bɛ a lasɔla tele-kelen-kirikiri! Ha bi, mɔgɔ ma wo lamɔɛn bɛ fanan ko nyamanɛ ara a lasɔ tele-kelen-kirikiri! Kɔnɔ Yerusalɛm buyi wa a lamaga nya min wo, a si ala dan sɔrɔn.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Maika 4:7

Anu toe minnu bi tola, minnu manɛ iko namarɛnu, a si wonu ma bɔnsɔn-kurɛ dabirɛ la. Wonu si yiri boi! Hali anu bi wula-yannu na pon, a si anu nana anuna nyamanɛ rɔ tun. Mari ko ale le si ma wonuna mansɛ la ata Bon-Sɛnimɛ la Yerusalɛm kɔnkɛ kuma.

Habakuku 2:3

A sɛbɛ bawo koe min bi nala mala, wo wati ma ke wɛ. Kɔnɔ a ti mɛ tun, wati wo si ke. N bi nala koe minnu yirala i la, wonu si ma, yɔ! A si ma i yala iko a sa mala tiriya kɔnɔ a makɔnɔ tun!

Luka 18:7

Allata mɔgɛ minnu bi anu kan nabɔla a ma su-ni-tele, wonu don, a ti wonuna kiti tɛgɛ a kilɛ fɛ, wa? A ti anu dɛnbɛ tiriya, wa?

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Kɛwɔlɛnu 5:14

Keinubɛ musi min bɛɛ dɛnkɛninyara Mari ma, wonu tora kofula anu ma dɛɛ!

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

2 Pita 3:8

Kɔnɔ n diyana-mɔgɛnu, wo kana nyina ko kelan kɛ ko! Mari yala, dan-nafara mumɛ sa tele kelan anubɛ san waga kelan tɛma. Wo filɛ bɛɛ rakɛn de ale yala.

Lankɛnimayɛ 7:9

Wo kɔma, n ya nyama-wɛ yen, mɔgɔ ti ke minnu yatɛ lɔnna mumɛ! Anu bɔnɛ mɔgɔ-su bɛɛ anubɛ sibole bɛɛ rɔ anubɛ bɔnsɔn bɛɛ rɔ iko anu kan faranɛ nya min. Anu sɔra mansaya-sigi-fan anubɛ saga-dan yakɔrɔ. Duruku-yan-gbɛ ye anu kan na. Tin-yanbɛnu biranɛ anu bolo tɔ.