Aiseya 60:14 - ALLALA KUMƐ

¹⁴ Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Aiseya 60:14 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Ko-Dabirɛnu 42:6

Wo wati rɔ, Yusufu le kandayɛ la Iyipiti nyamanɛ rɔ. Ale le ye dɔn-fan mayirala mɔgɛnu ma. Yusufu-kɔrɔnu tara ka anu naburun a ma dugi ma a kɔrɔ.

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 87:3

Ile Allata so-kunbɛ, i tole masɔ kabana-ko-kumɛnu na anu bi min fɔla i wara-koe rɔ.

Hɛnkilimaya-Kumɛnu 14:19

Tɔ-a-la, karagbɛlɛnu si to anu madula mɔgɔ-latelennɛnu ye. Mɔgɔ-yogomɛnu si na anu madu mɔgɔ-nyimɛnu ye.

Aiseya 1:26

A ko a si mɔgɔ-banu anubɛ hɛnkili-kɔlɛnu di wo ma iko fɔlɔ. Wo kɔma, bɛɛ si Yerusalɛm lɔn telenbaga-soe anubɛ lanaya-soe la.

Aiseya 45:14

Mari ye a fɔla Isirɛla ye ko, “Iyipiti anubɛ Itiyopiya fen-kolomɛnu si ma wole Isirɛla halalɛ la. Sabiya kemini-ferengben-bɛnu si ma wola yɔɔnnu na. Anu kirinɛ si bila wo fɛ yɔlɔkɛ la. Anu si anu du wo ye ka a fɔ anu dɛ la ko, ‘Alla ye wo fɛ. Ale le kelen pe ye Alla la.’ ”

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Isikiyɛli 39:7

N si a ma serr, nta Isirɛla mɔgɛnu si a lɔn ko n tɔgɛ sɛninyanɛ. N ti sɔn n tɔgɔ-lafɛya-koe ma tun. Wo wa ma tumɛ min, sibolenu si a lɔn wo rɔ ko nde, Mari le Isirɛlata Alla-sɛnimɛ la.”

Yowɛli 3:8

A ko ale nyɛrɛ si a ma, Yuda nyamanita-mɔgɛnu ni wola dannu san ka ta anu mayira Sabiya kɛnu ma pon! Ale Mari kan le kɛ la.

Sɛfanaya 3:19

A ko a na-wati ma fɛ-yan tun. A ko minnu bara wo rasɛ nun, a si wonu tɔrɔ. Fɛɛ ye minnu kian la, a ko a si wonu nakanan. Kɛlɛ tara min damasi la, a ko a si na wonu damasi la tun. A ko a si anuna miliyɛ yɛlɛma anu ye gbiliyɛ la. Duninya mumɛ bɛɛ si anu gbiliya.

Sakaraya 8:23

Mari Sɛnbɛ-Bɛɛ-Tigi ko wo wati wa ke, sibolo-gbɛrɛ mɔgɔ tan si Yahudiya mɔgɔ kelen madiya ko, “Ma ye a fɛ ka ta i fɛ bawo ma ya a lamɔɛn ko Alla ye Isirɛla mɔgɛnu fɛ.”

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.

Lankɛnimayɛ 3:12

Minnu ba nɔlɛ kɛ, n si wonu ma sɛnbɛrɛn-kɔn la n fa Alla-Bato-Bɔn la. Anu ti bɔ nyɔ mumɛ! N si n fa Alla tɔgɛ anubɛ ata so-kurɛ tɔgɛ sɛbɛ anu ma, Yerusalɛm so kurɛ, kɔni. Soe wo si yigi ka bɔ Arinyɛni tɔ nta Alla bolo. N si n nyɛrɛ tɔgɔ-kurɛ fanan sɛbɛ anu ma.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.