Aiseya 60:12 - ALLALA KUMƐ

¹² A ko ni sibole min ma wɔli i ye, wonu si kasara pɔ!

Aiseya 60:12 ပူးပေါင်းရင်းမြစ်များ

Ko-Dabirɛnu 27:29

Alamɛ bɔnsɔn siyaman wɔlita i ye. Mɔgɛnu ni anu famayigi i kɔrɔ. Alamɛ i mara kun-tigi la i na-kelen-nyɔgɛnu kuma. Anu ni anu famayigi i kɔrɔ. Ni min ya i danka, wo si dankɛ sɔrɔn. Ni min duwara i ye, wo si duwɛ sɔrɔn.”

Yaburi 108:13

Ni ile Alla ye ma fɛ, fɔ ma wa nɔ-ko sɔrɔn. Ma si ma yogenu nɔ le worɔ feu!

Yaburi 2:12

Wo yɛrɛyɛrɛnmatoe ni wo madu a kɔrɔ. Ni wo ma, a fonde si bɔ. Wo si firan dugu-kole kɛ kuma feu! Mɔgɔ-sewanɛ le wo tigi la min bi tala Mari wara kanan-koe rɔ.

Aiseya 14:2

Mɔgɔ-siyaman si Isirɛla mɔgɛnu dɛnbɛ alako Mari ya anu barɛ min di anu ma nun, anu ni sɛgi nyɔ tun. Mɔgɔ-sibolo-siyaman si taran Isirɛla mɔgɛnu bolo yɔɔnyɛ la. Minnu bi Isirɛla mɔgɛnu birala kɔrɔma la nun, anu denu fanan si wonu bira. Minnu bara Isirɛla mɔgɛnu niyi ragbɛrɛn anu ma nun, Isirɛla mɔgɛnu fanan si wonu mara.

Aiseya 41:11

Minnu kɔrɔtɔnɛ wo ma, a ko wonu si a lɔn miliyɛ ye min na. Mɔgɔ-wo-mɔgɔ ya wo kɛlɛ, wo si faga.

Aiseya 54:15

A ko a ti mɔgɛ latugu i kan ma tun. Min ba na a kɛ i ma, i si wo sɔnsɔn.

Yɛrɛmaya 12:17

Kɔnɔ sibole minnu ti sɔn anu tole sigila a kan kɔrɔ ka ala kumɛ bira, a si wonu wurun burutu ka anu kasara pɔ!

Daniyɛli 2:34

A ye kɛ mafɛlɛnna tumɛ min, a ya a yen, farɛ ara keri a la a nyɛrɛ ma kɔnkɛ kun tɛma. Wo yigira kurukurunna ka fɛrɛn mɔgɔla muninyɛ kin-farɛ wo la. Bɔnkɛ anubɛ nɛgɛ wo rabundenta.

Daniyɛli 2:35

Tiriyante wo rɔ, a bɔnku wo, a nɛgɛ wo, a sila wo, a wodi-gbɛ wo, a sɛnɛ wo, wo damasi ranyɛnsɛnta ka ma gbangban la iko gbere-kole si ma gbangban la nya min telemɛ rɔ. Fɔnyɔ tara gbangban wo dama la a yala. Fenfen ma to. Kɔnɔ farɛ wo min kerita a la wo la, wo koloyara ka ma kɔnkɛ la. Kɔnkɛ wo kera duninya tonke bɛɛ rɔ.”

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Sakaraya 9:10

Mari ko ale mansɛ si kɛlɛ-kɛ-kirindinu wara-koe ka-a-la Isirɛla nyamanɛ rɔ. A mako ti taran soeenu na min tabɛnnɛ kɛlɛ-kɛ-koe la Yerusalɛm. A si kalabɛn-kalɛnu takerikeri. A si yisi-kimɛ lana sibolenu tɛma. Ka a bi kɔgɔ-yi-dan doi ma ka a sigi a dan doi la, a si mansayɛ kɛ wo dama rɔ. Ala mansayɛ dan da si bira Yufereti bɛ ma ha duninya dan.

Matiyu 21:44

Min ba bui kuri kɛ kuma, wo kolenu ta si kerikeri, ado ni kuri kɛ buira min ma fanan, a si wo ramɔsɔkɔn.”]

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”