Aiseya 60:10 - ALLALA KUMƐ

¹⁰ Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 60:10 ပူးပေါင်းရင်းမြစ်များ

Yaburi 102:13

I si i lakɔɛnma ka kinikini Yerusalɛm soe ma. A wati ara ke ka kinikini a ma. Wati-yabɔnɛ ara ke, yɔ!

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 56:6

Sibolo-gbɛrɛ minnu bara kofu Marita mɔgɛnu ma, minnu bi a batola ka a gbiliya, ado anu bi Sulen-Tele gbiliyala a kilɛ fɛ, ka ata tɔnnu bira, Mari ye a fɔla mɔgɛ wonu ma ko

Aiseya 60:3

Sibolenu si na ita wan-takanɛ wo kɔrɔ. Mansɛnu si na ita banda-ka-da-kurɛ mafɛlɛn tinɛ.

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 61:5

Wole ata mɔgɛnu, sundannu si na ka wola kolo-fannu fɛ-bira wo ye. Nyamani-gbɛrɛkɛ-mɔgɛnu fanan si na wola ki-fannu fɛ-bira.

Aiseya 64:9

E, Mari, i kana diminya-belebele kɛ ma ma, ado i yili kana to ma hakɛnu ko mumɛ! I yandi, i kolan lasɛgi ma ma bawo i halalɛ le male la.

Aiseya 66:21

Mari ko anu si mɔgɛ wo donu yabɔ ko wonu ni ma saraka-masɔlɛ la anubɛ Lifayi bɔnsɔnnu na.

Yowɛli 2:18

Wo wa ban tubila, Mari si a miri ala mɔgɛnuta nyamanɛ ma tun ka kinikini ala mɔgɛnu ma.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Lankɛnimayɛ 21:24

Sibolenu si tagama ata waan rɔ. Duninya-mansɛnu si na a sanba ka bɔ anuta nɔnfulinu tɔ.

Lankɛnimayɛ 21:26

Sibolenu si na anuna gbiliyɛ anubɛ anuna nɔnfulinu na soe wo burɔ.