Aiseya 6:9 - ALLALA KUMƐ

⁹ A ya a fɔ n ye ko n ni ta kilayɛ kɛ fɔ mɔgɛnu ye. N ni a fɔ anu ye ko hali anu ya anu tole masɔ nya-wo-nya, anu ti a nya-yen. Hali anu ya a mafɛlɛn nya-wo-nya, anu ti a lɔn ni min bi mala.

Aiseya 6:9 ပူးပေါင်းရင်းမြစ်များ

Hɛnkilimaya-Kumɛnu 28:5

Karagbɛlɛnu ma telenbagayɛ lɔn. Kɔnɔ mɔgɛ minnu bi Mari batola, wonu ya telenbagayɛ lɔn.

Aiseya 28:13

Wo le ya a to, Mari nyɛrɛ si to wo raforongbanna doni-doninyɛ ma. Wo wati rɔ, min ba kin-fa-kelen bi, wo si tonko-tanka. Wonu si wo tanban ka ta wo la pon!

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 42:20

Wole Isirɛla mɔgɛnu, wo ara ko-siyaman tayen wo yɛ la kɔnɔ wo sa anu nya-yenna, wa? Ko-lamɔɛn-tole ye wo bolo kɔnɔ wo ara wo tengberenya.”

Aiseya 43:8

Alla ko ata mɔgɛ bɛɛ ni kundɛn kan-tina-kelen. Anu yɛ makanɛ kɔnɔ anu ti fen yen. Tole ye anu bolo kɔnɔ anu ti ko lamɔɛn.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Hoseya 1:9

Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’ bawo nta ma Isirɛla mɔgɛnu na, ado anuta Alla ma nde la.”

Maraka 4:12

Woletɔ (iko a sɛbɛnɛ Allata kitabu rɔ nya min), ‘Anu si to fan yenna kɔnɔ anu ti a ragbɛ. Anu si to anu tole masɔla kɔnɔ anu ti a nya-yen. Bawo ni anu ya ko ragbɛ ka a nya-yen, anu si yɛlɛma Alla wara la. A si anu makoto worɔ.’ ”

Luka 8:10

A ya anu yabi ko, “N bara Allala mansaya-hɛnkilimayɛ gbundu-koenu di wole ma. Kɔnɔ n si a fɔ doinu ye tilinu tɔ. Ni n ma wo ma iko Nɛbi Aiseya ya a fɔ nya min, ‘Anu bi fan mafɛlɛnna kɔnɔ anu sa a yenna. Anu bi anu tole masɔla kɔnɔ anu sa ko lamɔɛnna.’

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Romu 11:8

Iko a sɛbɛnɛ Allala kitabu rɔ nya min ko, “Alla ya anu yisi anubɛ anu hɛnkili rafaga. Ha bi, anu ti ke fen yenna anu yɛ la. Anu ti ke ko lamɔɛnna anu tole la.”

Tɔn-Fɔɛ-Fila-Nyɔgɛ 29:4

Kɔnɔ ka a dabira wo wati ma ha ka a sigi kaka la, wo ma ban a lɔnna wɛ Mari ya min ma wo ye.