Aiseya 6:10 - ALLALA KUMƐ

¹⁰ Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Aiseya 6:10 ပူးပေါင်းရင်းမြစ်များ

Yaburi 119:70

Wunduyogoyɛ ye tugula mɔgɛ kɛnu yisi rɔ kɔnɔ ila tɔnnu ya nde hɛnɛ.

Yaburi 17:10

Anu ti kinikini mɔgɛ ma, ado nyɛrɛ-matɔgɛ di anu ye.

Yaburi 69:23

Alamɛ anu fiyonyara. Alamɛ anu tora yɛrɛyɛrɛnna anu kin kun na.

Bɔ-Koe-Iyipiti 10:27

Kɔnɔ Mari ya ale mansɛ yisi gbɛlɛya. A ma sɔn anu boloka-koe ma.

Bɔ-Koe-Iyipiti 11:10

Musa anubɛ Aruna ya kabana-koe kɛ bɛɛ kɛ mansɛ yakɔrɔ. Mari ya ale mansɛ yisi gbɛlɛya. A ma sɔn Isirɛla mɔgɛnu boloka-koe ma muk!

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 7:3

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

Hɛnkilimaya-Kumɛnu 16:30

Karagbɛlɛ si yanfɛ don a ya-lakalan-bole fɛ ko-yogomɛ rabɛn-tinɛ. A tenbi ko-yogomɛ mala, a si a dɛ don a kɔrɔ.

Makawandili Kumɛnu 3:3

Mɔgɔ-faga-wati ye nyɔ, a dandan-wati ye nyɔ. Fen-wayan-wati ye nyɔ, a sɔ-wati ye nyɔ.

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Aiseya 28:13

Wo le ya a to, Mari nyɛrɛ si to wo raforongbanna doni-doninyɛ ma. Wo wati rɔ, min ba kin-fa-kelen bi, wo si tonko-tanka. Wonu si wo tanban ka ta wo la pon!

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 29:14

Woletɔ a ko a si to anu mabanna fitina-gbesili la. Minnu hɛnkili kolo, a ko wonu si ma kun-takolɔn la. Anuna kɛwuyɛ bɛɛ si ma fufafuyi la.

Aiseya 29:9

Nba, i raya, i ni ma iko kuntan. I nyɛrɛ ma fiyɔn la alako i kana fen yen. Hali i ma i min, i ni to tonko-tankanna iko gbɛɛtoe.

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Aiseya 63:17

Mari, nfenna i ye a mala, ma ye yilan-yilanna ka bɔ i fɛ? Nfenna i ye a mala, ma tole ye gbɛlɛyala, ma sa i gbiliyala? I yandi, sɛgi ma ma. I halalɛ le male la minnu bi wɔlila i ye buda!

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Yɛrɛmaya 6:10

N si kuma yon na? N si yon makawandi? Yon si a tole masɔ n na? Wole Yuda mɔgɛnu bara wo tole gbere. Wo ti sɔn wo tole masɔla nna makawandili-kumɛnu na. Marita kumɛ ma di wo ye. Wo ti sɔn wo tole masɔla a la muk!

Nimisa Koe 3:65

Ko-yogomɛ sigi anu na alako anu yisi ni tinya pɔ!

Sakaraya 11:15

Wo kɔma, Mari ya a fɔ n ye tun ko n ni don saga-fɛ-biralayɛ la iko saga-fɛ-birala-kuntan

Sakaraya 7:11

A ko kɔnɔ wo ma sɔn wo tole masɔla a kuman-kan wo la. A ko wo ya wo tole gbere

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Kɛwɔlɛnu 28:27

Fan do sanɛ mɔgɛnu miriya-ya ma alako anu kana ko nya-yen. Anu tole gberenɛ alako anu kana na ko lamɔɛn. Fen sanɛ anu yɛ ma alako anu kana na ko ragbɛ. Ni anu ya fen yen ka ko lamɔɛn nun, tumado fɔ anu ba anu ya-lamunun n na anu nakɛndɛya-koe la.’ ”

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

2 Kɔrɛnti 2:16

A ara ma saya-sumɛ la wonu ye minnu bi nala halakila. Kɔnɔ a ara ma nimaya-sumɛ la wonu ye minnu bi nala kisila. Wo mɔgɔ sa min si ke wonu kɛla a nyɛrɛ ma.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Tɔn-Fɔɛ-Fila-Nyɔgɛ 29:3

Mari ya ko-makilannɛnu anubɛ kabana-koenu kɛ wo nyɛrɛ yala le serr!

Tɔn-Fɔɛ-Fila-Nyɔgɛ 29:4

Kɔnɔ ka a dabira wo wati ma ha ka a sigi kaka la, wo ma ban a lɔnna wɛ Mari ya min ma wo ye.

Tɔn-Fɔɛ-Fila-Nyɔgɛ 31:20

N bara anu benbanu yili-madiya nyamani-hakikɛ min na, n si anu bi ka ta anu na nyɔ rɔ. Anu bi nyinina dɔn-fan min bɛɛsi ma, anu si wo bɛɛsi sɔrɔn nyɔ rɔ. Anu si taran anu diya nyɔ. Kɔnɔ hali wo, anu si anu kan-kɔ sɔ n na ka don bɛsi-kɔ-koenu tɔ. Anu si anu ban n na ka ma-tɛma-sarama-kan tinya.

Tɔn-Fɔɛ-Fila-Nyɔgɛ 32:15

“Wole Marita mɔgɛnu mara nɔnfulu-tiginu na kɔnɔ hali wo, wo murutiyara a ma. Wo ara tɔlɔ ha wo bu-dagɛnu bara sigi kɔnɔ hali wo, wo ya ale Dali-Mari boloka. Wota Fara-Kole min ya wo lakisi, wo ya wo ban wo la.