Aiseya 59:9 - ALLALA KUMƐ

⁹ Mɔgɛnu bi a fɔla ko, “Ko-telennɛ fɛ-yan ma la pon! Telenbagayɛ, wo ma ma masɔrɔn. Ma ye waan makɔnɔna kɔnɔ pinpi burunnɛ ma kuma bɛff! Yaga, ma ye tagamana pinpi-dɛgbɛ le tɔ.

Aiseya 59:9 ပူးပေါင်းရင်းမြစ်များ

Yobu 19:8

A ara kilɛ tɛgɛ n ma alako n kana tenbi. A ara pinpi burun nna kilɛ la bɛff!

Yobu 30:26

Nde ye sewɛ anubɛ wan-takanɛ le nyinina nun. Kɔnɔ yanni wo ni ma, fɔ n ya tɔrɔyɛ anubɛ pinpi min sɔrɔn.

Yaburi 82:5

Karagbɛlɛ wonu hɛnkili sa, ado anu ti ko nya-yen. Anu wunduyogo kosɛbɛ! Ka tenbi wo la, telenbagayɛ ara tuni duninya rɔ.

Hɛnkilimaya-Kumɛnu 4:19

Mɔgɔ-yogomɛnuta kilɛ mani de iko pinpi. Ni anu buira, anu ti a lɔn anu ya anu kiannu natugu min na.

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Aiseya 59:11

Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Aiseya 59:14

Anu ko ma ara ko-telennɛ gben. Koe min bɛnnɛ, ma ara ma masɛgi wo la. Ma ye ma kian latugula tonyɛ la kila-kolenu na soe tɛma. Ma sa sɔnna ko-telennɛ-ladon-koe ma soe burɔ.

Aiseya 59:8

Anu ma a lɔn anu si to yisi-kimɛ rɔ nya min. Anu kɛ-nya fenfen ma telen. Anu tadunɛ kɔnkɔrɔntɔn! Mɔgɔ-wo-mɔgɔ bilara kɛnu fɛ, wo tigi ti yisi-kima sɔrɔn.

Aiseya 8:21

Mɔgɛnu si to yilan-yilanna nyamanɛ rɔ bawo anu kɔnkɔtoe, anu yigi la ara tɛgɛ. Wo si a ma, anu ni anuta mansɛ anubɛ anuna bɛsɛnu danka yisi-bɔɛ bolo. Hali anu ya anu yɛ sigi san-kole kɔrɔ

Aiseya 8:22

anubɛ ka anu yɛ gbala dugi la, anu ti fenfen yen fɔ tɔrɔyɛ anubɛ pinpi. Anu bi tala kan min, anu ti fenfen taran nyɔ fɔ pinpi-makilanni-bɛ.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Nimisa Koe 3:2

Ale le ya n nata pinpi-makilanni-bɛ rɔ alako n ni nyɔ ratagama.

Nimisa Koe 4:14

Kaka, anu bi anu bole mɛmɛla soe burɔ iko fiyɔnnu. Anuna durukinu tatinyanta mɔgɔ-yele la ha a ma di mɔgɔ-wo-mɔgɔ ye anu ni anu bole bila saraka-masɔlɛ wonu tɔ.

Emɔsi 8:9

Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Maika 1:12

“Maroti soe wo tɔgɔ-kɔrɛ mani de iko ‘a kuna.’ Soe wo mɔgɛnu bi kun-nadiya-tele makɔnɔna bawo Mari ara nyankankantan gbɛrɛn Yerusalɛm soe ma.

Habakuku 1:13

Kɔnɔ Mari, ile si ke i munyuna karagbɛlɛ wonu kɔrɔ kama? I kolan sɛnima karagbɛlɛ wonu mafɛlan ma. I ti to i kolan bɛnna karagbɛlɛ wonu ma. Anu tenbi mɔgɔ-latelennɛnu kasarala wati min, nfenna i si i made, i ti kuma? Anu bi min kasarala, wonu telenta ka tenbi anu denu na.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.