Aiseya 59:6 - ALLALA KUMƐ

⁶ Anu bi bila-bilala anu nyɔgɔn tɔ wo nya na le, mɔgɔ ti wo ma kurɛ la. Anu sa fenfen kun na fɔ ko-yogoma-kɛ. Anu bi mɔgɛnu matanbanna anu bole la.

Aiseya 59:6 ပူးပေါင်းရင်းမြစ်များ

Yobu 16:17

Hali wo, nde ma karagbɛlɛya-ko-wo-ko ma. N bi Alla madiyala n yisi bɛɛ la.

Yaburi 55:11

Kasarɛ ye soe kan tinɛ bɛɛ rɔ. Anu bi sɛnbɛ sala mɔgɛnu kuma kiti tɛgɛ tinɛ foninyɛ la.

Yaburi 58:2

Ade! Wo miriya bɛɛ bɛnnɛ wola ko-yogoma-kɛnu ma tolon! Wo ye karagbɛlɛyɛ kɛla da-wo-da nyamanɛ rɔ.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 57:12

A ko wo miri ko wo ye min kun na, wo kin kɔnɔ a ko a si wo kɛ-nya labɔ gbɛ rɔ, ado wola bɛsɛnu ti ke wo kunyɛ bɔla wo rɔ mumɛ!

Aiseya 58:4

Wo tenbi sunyɛ wonu tɔ, wo ye sɔsɔli-sɛ anubɛ kɛlɛ-kɛ le la. Wo ye wo nyɔgɔn tatugula. A ko wo ti to ko-su kɛnu kun na, a ni wola madiyalɛnu yabi.

Aiseya 64:6

Ma dama latinyanɛ hakɛ bolo. Ma ya ko-telennɛ min bɛɛ kɛ, wonu manɛ i ya la iko kura-koro-nɔgɔnɛ. Ma dama mani de iko yanba-kun-gbalɛ. Ma hakɛ ara ta ma la fulufele, iko fɔnyɔ ye tala yanba-kun-gbalɛ wonu na nya min.

Yɛrɛmaya 6:7

Iko yi si bɔ tenke rɔ nya min, karagbɛlɛnuna wunduyogoyɛ si bɔ Yerusalɛm soe burɔ wo nya na le.” Mari ko a ye karagbɛlɛyɛ anubɛ kasara-kan lamɔɛnna soe kɛ rɔ. A ko a sa fenfen yenna kirayɛ anubɛ dumɛ kɔma soe kɛ burɔ.

Isikiyɛli 18:12

A kɛnɛna bolo-kolɔnnu bolo labirala ka kankanyɛ kɛ fanan. A ye balanna tulumɛnu ma. A ye tala Alla-lɔnbɛlɛnuna bɛsɛnu kɔla ka kisimiriya-koenu nadan.

Isikiyɛli 7:11

Wola karagbɛlɛyɛ ara sɛgi wo ma iko gbeleka-kundi. Wola fen-kolomɛ wo, wola kinyɛ wo, wola gbiliyɛ wo, wo bɛɛ si tunu yen!

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 6:3

Wo miriya ko wo kɛ-nya ara wo tɔrɔya-tele wo masɛgi wo la pon kɔnɔ wo kɛ-nya ye wo yogenu kelela wo kan ma ka wo kasara.

Maika 2:8

Maika ya Mari kuman-kan latenbi kensuntenu ma ko, “Wole Isirɛla mɔgɛnu, wo ye wo ta-nyɔgɛ mɔgɔ-tɔrɔnɛnu kɛlɛla iko wo yogenu. Mari ko mɔgɔ-tɔrɔnɛ wonu mani de iko kɛlɛ-dannu ba sɛgi ka bɔ kɛlɛ rɔ tumɛ min, anu bi anu mirila ko anu bara kanan anuna bɔnnu na kɔnɔ yaga, wole kensunte-kɔrɛnu siginɛ ka anu makɔni anu bolo-fannu ko-latɛgɛ koe rɔ.

Maika 6:12

A ko nɔnfulu-tiginu bi bolo-kolɔnnu bolo labirala. Wonu damasi ye foninyɛ fɔla.

Sɛfanaya 1:9

Minnu si sibolo-gbɛrɛnuta namunyɛ bi bɛsi-kɔ-tinɛ, wonubɛ minnu bi mɔgɔ-fagɛ anubɛ kankanyɛ kun na alako anu ni anu tiginuna bɔnnu nafa, Mari ko a si wonu tɔrɔ.

Sɛfanaya 3:1

Yerusalɛm soe kɛ lafanɛ mɔgɔ-murutiyanɛnu anubɛ karagbɛlɛnu na. Yan-mɔgɔ-banu bi anuna mɔgɛnu nyagbala. Wola ko la, fɔ soe kɛ wa kasara serr!

Malakayi 2:16

Isirɛlata Mari Alla ye a fɔla ko furu-tinya ma di a ye! A ko ni wole do ya kɛ sufa ma wola musi la, wo gbo a ye. Wo ni wo telen wola musinu ye ka to wola lanyiri latɔnbagayala. Wo kana anu boloka mumɛ!