Aiseya 59:4 - ALLALA KUMƐ

⁴ Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 59:4 ပူးပေါင်းရင်းမြစ်များ

Yobu 15:31

Mɔgɛ min bi a yigi sala ko-fufafuyinu tɔ, wo sarɛ si ma ko fuyi la.

Yobu 15:35

Mɔgɛ wola miriya si buri ko-yogoma-kɛ rɔ tiriya! Anu yisi lafanɛ yanfanteyɛ la.

Yaburi 12:3

Mari, a ma, anu ni anu tade don! Anu bi anu nyɛrɛ matɔgɔla anu dɛ min na ka a fɔ ko, “Ma ara fan min bɛɛ sɔrɔn, ma ara wonu sɔrɔn ma darɔ-kan le la. Min bi ma kunyɛ anubɛ ma kannu tɛma, ma si wo fɔ. Mɔgɔ-wo-mɔgɔ sa nyɔ min si tɔn sigi ma ma.” Mari, anu dɛ wonu natogon.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Yaburi 62:4

Wole, a yogenu bi nyɔ dɔrɔn ka a mankan layigi. Foninyɛ di wo ye. Hali wo ye duwala kɔnɔ wo ye dankali-kɛla wo yisi rɔ.

Yaburi 7:15

Kɔnɔ anu bi gbɛrɛ min nasigila mɔgɛnu ye, anu denu denu bi birala wo la.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Aiseya 10:1

Gbalo ye wole sereya-radunɛ nadannɛnu ma minnu bi nna mɔgɛnu tɔrɔla.

Aiseya 26:18

Hali ma ye dumɛ wo rɔ, ma ma fenfen sɔrɔn nyɔ fɔ fɔnyɔ. Ma ma ke mala nyamani-kunyɛ bɔla gbaran rɔ. Fenfen ma ma munanfaga nyɔ.

Aiseya 28:15

Wo ko wobɛ sayɛ ara sarama-kan kiri, ko wobɛ lakira ara sarama-kan kiri. Wole miri ko kasarɛ wa na wo kunyɛ si bɔ a rɔ. Wo lanɛ foninyɛ anubɛ yanfanteyɛ le la ko wonu si anu kankan wole ya ma.

Aiseya 29:20

Minnu si mɔgɔ niyi ragbɛrɛn wo, minnu si Alla rasɛ wo, wonu wara-koe si ka-a-la feu! Hakɛ-tigi bɛɛ si kasara pɔ!

Aiseya 30:12

Isirɛlata Alla-sɛnimɛ ye a fɔla ko wo ye wo banna ata kumɛnu na ka la karagbɛlɛyɛ anubɛ yanfanteyɛ dɔrɔn na.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 33:11

Anu miriya bɛnnɛ min ma wo, anu bi min kun na wo, a ko fufafuyi le wonu na. A ko ata Sɛnbɛ mani de iko tɛ min bi anu halakila.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 47:10

Mari ko ile Babilɔn min bara la i nyɛrɛta karagbɛlɛyɛ la, i miri ko mɔgɔ-wo-mɔgɔ ya sa i la. Ila hɛnkilimayɛ anubɛ ila ko-lɔn ara i lasama kilɛ ma. I ye a fɔla ko Alla le ile la. I ko i nyɔgɔn sa.

Aiseya 5:18

Gbalo ye wo ma bawo wo ti ke wo nyɛrɛ purukulula hakɛ kɔrɔ.

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Aiseya 59:15

Hali tonyɛ nyantaranɛ, a ti yen kan-bo-kan, ado ni mɔgɛ ya a fara ko-yogoma-kɛ la, anu si wo bira boloko-yogomɛ-kɛ.” Mari ya a kolan lakalan, a ma ke telenbagaya fenfen yenna mɔgɛnu tɛma. Wo ya a ma, a kɔrɔtɔra.

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 59:3

Wo ara mɔgɛnu faga wo bole la. Wo bole pagasɛ mɔgɔ-yele la. Wo dɛ lamunnɛ foninyɛ la. Karagbɛlɛya-kumɛnu bi wo nagan-sungban la.

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Aiseya 9:15

Kina anubɛ mɔgɔ-ba minnu gbiliyanɛ anu bolo, anu kunyɛ le wonu na. Anu kɔɛ le nɛbi-foninya-fɔlɛnu na.

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Yɛrɛmaya 7:4

Wo ka la mɔgɛnuna foninya-kumɛnu na minnu bi a yonkanna a la ka to a fɔla ko, “Mari nyɛrɛta Bato-Bɔn le kɛ la min si ma kisi.”

Yɛrɛmaya 7:8

Kɔnɔ i ma a yen, wo lanɛ foninyɛnu na, ado lanaya-fuyi le wonu na.

Hoseya 4:1

Mari ko a ye Isirɛla mɔgɛnu sɔn fɛrɛnna anu na. Wole Isirɛla mɔgɛnu, wo ni wo tole masɔ a la. A ko telenbagayɛ anubɛ keninteya fenfen sa wola nyamanɛ rɔ tun. Min sanɛ wo kuma, a ko mɔgɔ-wo-mɔgɔ ma ale lɔn Alla la tun.

Maika 2:1

“Gbalo si taran wo mɔgɛnu ma minnu si anu miri ko-yogomɛ ma anu ta-nyɔgɛnuna ko ma suyi rɔ. Anu bi duwala le ko banda ni ka. Bandɛ wa ka tumɛ min, anu si anu nawuli anuna karagbɛlɛyɛnu na anu bolo iko anu ya anu miri a ma suyi rɔ nya min.

Kɛwɔlɛnu 24:9

A ban wo fɔla, Yahudiyanu fanan donta maburilɛ rɔ. Anu ko tonyɛ le kɛ bɛɛ la.

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.