Aiseya 59:16 - ALLALA KUMƐ

¹⁶ A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 59:16 ပူးပေါင်းရင်းမြစ်များ

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Yaburi 98:1

Wo ni bɛti-kurɛ bɔ Mari ye bawo a ara kabana-koenu kɛ ma ye. A kelen peta sɛnbɛ le ya a ma, a ya nɔ-ko sɔrɔn.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Aiseya 33:3

I wa mala kɛlɛ kɛ tuma-wo-tuma, i mankan si a ma, sibolo-gbɛrɛnu si anu buri kɛlɛ-sɔnkɔ kɔrɔ.

Aiseya 40:10

Ma Tigi Mari ye nala maralɛ-kɛla sɛnbɛ la. A ara mɔgɛ min kunyɛ bɔ birɛ rɔ, a si na wonu na.

Aiseya 41:28

Kɔnɔ bɛsɛnu mafɛlan n yarɔ anu do-wo-do ma ke punpɛn fɔla. N ba anu manyinika, anu ti ke kumala.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 51:5

A ko a si na tiriya ka wo lakisi. Lakiti-tumɛ ara gbɛrɛn a bolo. A ko ale nyɛrɛ si mansayɛ kɛ sibolenu kuma. Wula-yanna-nyamanɛnu bi a makɔnɔ tinɛ le. Anu bi a makɔnɔna anu kisi-koela ko la.

Aiseya 51:9

Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 64:7

Mɔgɔ-wo-mɔgɔ sa min bi i batola. Hali ka ma dɛnbɛ, mɔgɔ-wo-mɔgɔ sa min si i manyinika. Ni i ya a yen, wo dama ye mala ma la bawo i wara i kan-kɔ sɔ ma la. Ma dama ara kasara ka a tɛgɛ ma hakɛnu ma.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Isikiyɛli 22:30

Mɔgɛ min si ke tara-kerinɛ wo sɔla hali ka soe lakanan tara-kerinɛ wo dafɛ, n ya n ya lakalan wo do ma anu tɛma. Ni n ya wo mɔgɛ sɔrɔn nun, n ti soe wo kasara. Kɔnɔ n ma wo mɔgɛ sɔrɔn.

Maraka 6:6

A kawara anuna dɛnkɛninyabɛlitayɛ ma kati! Wo kɔma, so-mɛsɛ minnu bi nyɔla foolɛ rɔ, Yisa tagamanta wo bɛɛ rɔ ka mɔgɛnu karan.