Aiseya 59:15 - ALLALA KUMƐ

¹⁵ Hali tonyɛ nyantaranɛ, a ti yen kan-bo-kan, ado ni mɔgɛ ya a fara ko-yogoma-kɛ la, anu si wo bira boloko-yogomɛ-kɛ.” Mari ya a kolan lakalan, a ma ke telenbagaya fenfen yenna mɔgɛnu tɛma. Wo ya a ma, a kɔrɔtɔra.

Aiseya 59:15 ပူးပေါင်းရင်းမြစ်များ

Ko-Dabirɛnu 38:10

Mari ya ale fanan faga ala karagbɛlɛyɛ wola ko la.

2 Samuwɛli 11:27

Ala kei saya-koe makimanɛ, Mansa Dawuda ya musi wo bi ka na a la ata bɔn la. A mara ala musi la. Musi wo muira den-kei. Kɔnɔ Mansa Dawuda ara min ma wo la, Mari ma sewa wola ko la.

2 Mansɛnu 9:11

Yehu fanan bɔra ka ta a ta-nyɔgɛnu tɛma ladɛn wo rɔ. Wonu ya a manyinika ko, “Yuwɛ kɛ ya i kele nfen yuwaya-kuma ma nun? Tana ma bɔ nyɔ, nyɛ?” Yehu ya a fɔ anu ye ko, “Wo ya mɔgɔ-sufa kɛla kuma-bole lɔn.”

2 Ko-Kɔrɔta-Karan 21:7

kɔnɔ hali wo, Mari ma sɔn Yuda nyamanɛ halakila a sɔn-yogomɛ wola ko la bawo Mari ara sarama-kan kiri Mansa Dawuda ye ko a kegeyɛnu si to mansayɛ la Yuda nyamanɛ kun na burubukai!

Yaburi 5:9

Tonya-kuma-wo-kuma sa n yoge wonu da rɔ, fɔ kasarɛ gbansan! Fenfen sa anu da rɔ fɔ yanfanteya-kuma-teleka-telekɛnu. Anuna darɔ-diya-kumɛ wonu si mɔgɛnu natuntun lakira.

Aiseya 1:21

Yerusalɛm soe min telennɛ nun fɔlɔ, wo ara wo nyɛrɛ ma iko yɛlan. Fɔlɔ nun, a lafanɛ wole mɔgɔ-telennɛ gbansan denu na kɔnɔ kaka, wole mɔgɔ-fagalɛnu denu bi a rɔ.

Aiseya 10:2

Wo kɛ-nya le wo la alako bolo-kolɔnnu kana na yo sɔrɔn, ado wo ye kɛɛ-musinu anubɛ kelennɛnu kankanna wo nya na le.

Aiseya 29:21

Mɔgɔ-tɔgɔ-tinyanɛnu wo, minnu bi yo dila ko-yogoma-kɛlɛnu ma wo, minnu bi foninyɛ fɔla alako mɔgɔ-telennɛnu kana yo sɔrɔn wo, Alla si wonu dama halaki.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 46:12

Wole tolo-gberenu, a ko wo ni wo tole masɔ, wole min fɛ-yan ko-telennɛ la, kɔni.

Aiseya 48:1

Wole Isirɛla mɔgɛ minnu bɔra Yuda kebilɛ rɔ, wo ni wo tole masɔ de! Mari ko wole ye wo gborola a rɔ ka ale Isirɛlata Alla tɔgɛ ratɛgɛ a la, ado tonya sa wola kumɛ fenfen tɔ.

Aiseya 5:23

Dogonta-fan min bi dila wo ma mɔgɔ-yilikinɛla ko la, wo le ye a mala, wo ye a bolokala, a ni ta a ye fɛlɛlɛ! Wo ye kilɛ tɛgɛla mɔgɔ-magbalanɛnuna ko-latelenni-sɔrɔn ma.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Aiseya 66:4

Woletɔ a ko fɔ a wa anu tɔrɔ serr! Anu bi kilanna min na wɛ kɛ, a si anu tɔrɔ wo la. A ya anu takele kɔnɔ mɔgɔ-wo-mɔgɔ ma a denkun. A kumara anu ye kɔnɔ mɔgɔ-wo-mɔgɔ ma a tole masɔ a la. Ale ara a fɔ koe minnu ma ko anu yogo, anu denu bi tola wonu mala. Koe minnu ma di Mari ye, anu denu tora wonu denu mala.

Yɛrɛmaya 29:26

Sɛmaya ko Mari ya Sɛfanaya sɔ Saraka-Masɔla Yɛhoyada gbɛ le tɔ Bato-Bon-kun-tigiyɛ la. A ko ata wɔlɛ le ko mɔgɔ-rakolɔn fenfen min si a nyɛrɛ ma nɛbi la, ale Sɛfanaya ni wo bole anubɛ wo kian sa banban la ka yɔlɔkɛ sɔ wo kan la.

Yɛrɛmaya 7:28

Woletɔ a ko n ni a fɔ wo ye ko sibole le wole la min ti sɔn wo nyɛrɛta Mari Alla kan tola a gbɛ rɔ. A ko a tenbi wo latelenna, ko ti bɔ a rɔ. Wo tole gbɛlɛ dɔgɔma-ma-de! A ko wo sa tonya-wo-tonya fɔla. A ko tonyɛ ara sama wo ma yen!

Nimisa Koe 3:36

Anu ba mɔgɔla tonyɛ radu kiti-sa-tinɛ, wo ma di n Tigi Mari ye, ado a kolan sɔnɛ wo bɛɛ la.

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Emɔsi 5:10

“Minnu bi ko-latelennɛnu kɛla kiti-sa-tinɛ, wonubɛ tonya-fɔlɛnu sɔgɔ-labɔnɛ wo la lass!

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Maraka 3:21

A warɛ-mɔgɛnu ya wo lamɔɛn tumɛ min, anu tara a bi tinɛ bawo anu miri ko a ara yuwaya!

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Kɛwɔlɛnu 26:24

Pɔli ye a nyɛrɛ fɛkala tumɛ min, Sigisɔn-Mansa Fɛsitasi kumara a ma kan-mayɛlɛnɛ la ko, “Pɔli, i wara yuwaya. Ila karan-wɛ kɛ ye i layuwayala.”

Kɛwɔlɛnu 9:1

Wo wati rɔ, Sɔli tora a kɔnkɔnna Marila karan-dannu ma anu faga-koe la. A tara saraka-masɔla-kun-tigi-wɛ wara

Kɛwɔlɛnu 9:23

Tele siyaman tenbinɛ, Yahudiyanu ya anu nadɛn ka ale Sɔli faga-koe rabɛn.

Romu 8:36

Iko a sɛbɛnɛ Allala kitabu rɔ nya min ko, “Nta Alla, ma ye saya-masibɛ rɔ ila ko la tuma-wo-tuma. Anu bi ma bira boloko-yogomɛ-kɛla iko saga kan-natɛgɛtɛ.”

2 Kɔrɛnti 5:13

Ni ma mara iko yuwɛnu, wo mara Alla lela ko la. Ni ma mara hɛnkilimɛnu na, wo mara wo munanfaga-koe lela ko la.