Aiseya 59:12 - ALLALA KUMƐ

¹² “Ma ara ko-yogoma-siyaman ma mata Alla la. Ma hakɛ ye a yirala ma la ko ma ye kila-yogomɛ le fɛ. Ma ya a lɔn ko ma ara ma kan-kɔ sɔ Alla la. Male ya a lɔn ma ara karagbɛlɛya-koe minnu ma.

Aiseya 59:12 ပူးပေါင်းရင်းမြစ်များ

Ɛsira 9:13

Hali tɔrɔyɛ min bɛɛ ara sigi ma la ka a tɛgɛ mala hakɛla ko ma, wo ma a bɔ iko a bɛnta, ma ni tɔrɔ nya min. I wara sɔn alako do ni to anu niyi la ma tɛma.

Ɛsira 9:6

N ya a matara, n ko, “E, nta Alla, n bara miliya n kunyɛ kɔrɔbila i ye. Ni ma ya mala hakɛnu nadɛn, wonu kun ta si yanya ma ko iko san-kole fɛ-yan ma la nya min.

Nihɛmaya 9:33

Ma tɔrɛ i bolo, wo bɛnta le, yɔ! Hali male ara hakɛ kɛ duk, ile telennɛ ma ye.

Yaburi 51:3

N ya nta yulumunu lɔn. N hakɛ ye n yakɔrɔ tolon!

Aiseya 1:4

Wole Isirɛla mɔgɛnu, hakɛ-tigi anubɛ ko-yogoma-kɛlɛnu le wole la. Gbalo ye wo kuma. Wola hakɛ ye tala wo lasɛgila wo kɔma. Wo ara wo ban Mari la, Isirɛlata Alla-sɛnimɛ, kɔni. Wo ara wo kan-kɔ sɔ a la.

Aiseya 3:9

Hali anu yala-yen si a yira ko anu yilikinɛ. Anu hakɛ sanɛ gbɛ rɔ iko Sɔdɔm kɛnutɛ mara nya min. Anu tinya-koe ara to a ma, ado anu nyɛrɛ gbɛ le wo la, yɔ!

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Yɛrɛmaya 14:7

Mari, ma ara a lɔn ko ma hakɛ le ye ma tɔrɔ-tinɛ. Ma dɛnbɛ alako i kana tɔgɔ-tinya sɔrɔn. Ma ara i magboya-siyaman kɛ ka bila ile nyɛrɛ la yati!

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Isikiyɛli 7:23

“Kɔndɔfili ye kan-tinɛ bɛɛ rɔ. Fagalɛ dɔrɔn, wo le nyamanɛ rɔ. Soenu nafanɛ karagbɛlɛyɛnu denu na.

Hoseya 4:2

A ko wo ye mɔgɛnu dankala. Wo sa wola lanyirinu natɔnbagayala. Wo ye mɔgɔ-fagɛ kɛla, wo ye kankanyɛ kɛla, wo ye yɛlɛnyɛ kɛla. Wo ara wunduyogoyɛ dan-natenbi. Yanni do ni kimɛ, wo ara do faga.

Hoseya 5:5

Wola wasinteyɛ ye sereyɛ bɔla wo kan ma. Wo hakɛ si wo kiannu burundu wo kɔrɔ ka wo laburun pi! Yuda kɛnu fanan si bui wo fɛ.

Hoseya 7:10

Wole Isirɛla mɔgɛnu, wola wasinteyɛ ye sereyɛ bɔla wo kan ma. Hali koe min bara tenbi nun, wo ma wo miri wonu ma ka sɛgi nde, Mari Alla ma.

Habakuku 1:4

Mɔgɔ-wo-mɔgɔla ko sa tɔn wara-koe rɔ tun bawo sɛnbɛ sa a rɔ. Kiti-tɛgɛlɛnu sa kiti tɛgɛla a kilɛ fɛ tun. Tuma-wo-tuma, mɔgɔ-telenbɛlɛnu kɛnɛna mɔgɔ-telennɛnu nɔla kiti rɔ. Anu bi tonyɛ yɛlɛmana foninyɛ la.

Yilan-Yilan Koe 32:23

N bi wo makawandila, ni wo ya lanyiri kɛ tinya, wo ara hakɛ kɛ Mari la worɔ. Wo la a la serr, ko wo hakɛ-yulumu si wo bira gben!