Aiseya 59:11 - ALLALA KUMƐ

¹¹ Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Aiseya 59:11 ပူးပေါင်းရင်းမြစ်များ

Yaburi 119:150

N yoge minnu bara a lagbɛlɛya n kuma, wonu denu bi anu gbɛrɛnna n ma. Wonu ti sɔn ila tɔnnu bira-koe ma mumɛ!

Yaburi 119:155

Karagbɛlɛnu ti kisi bawo anu sa ita tɔnnu birala.

Yaburi 38:8

N sɛnbɛ ara tɛgɛ yisi-tinya bolo yadi! N tora kurunna yisi-tinya bolo.

Yaburi 55:2

I ya-lamunun n na ka nta madiyali-kan lamɔɛn. Hɛnkili-lamiri ara a ma, n fɛrɛ ara ban.

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Aiseya 59:14

Anu ko ma ara ko-telennɛ gben. Koe min bɛnnɛ, ma ara ma masɛgi wo la. Ma ye ma kian latugula tonyɛ la kila-kolenu na soe tɛma. Ma sa sɔnna ko-telennɛ-ladon-koe ma soe burɔ.

Aiseya 59:8

Anu ma a lɔn anu si to yisi-kimɛ rɔ nya min. Anu kɛ-nya fenfen ma telen. Anu tadunɛ kɔnkɔrɔntɔn! Mɔgɔ-wo-mɔgɔ bilara kɛnu fɛ, wo tigi ti yisi-kima sɔrɔn.

Aiseya 59:9

Mɔgɛnu bi a fɔla ko, “Ko-telennɛ fɛ-yan ma la pon! Telenbagayɛ, wo ma ma masɔrɔn. Ma ye waan makɔnɔna kɔnɔ pinpi burunnɛ ma kuma bɛff! Yaga, ma ye tagamana pinpi-dɛgbɛ le tɔ.

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Nimisa Koe 3:17

Kɛndɛyɛ wo, yisi-kimɛ wo, anubɛ sewɛ, n miriya ma ke wonu ma tɔrɔyɛ bolo.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Hoseya 7:14

Wo ma n matara wo yisi la fɔ ka wo nyɛrɛ gbesi dugi la ka belenna dila iko Alla-lɔnbɛlɛnu bi a mala nya min. Wo tenbi n matarala dɔn-fen-koe la, wo ye belenna wo mafarafarala iko kafirinu. Mɔgɔ-murutiyani-bɛrɛbɛrɛ le wo la.

Nehami 2:7

Anu ya wola mansɛla musi bira ka a makolɔn labɔ luyi ma. A fɛ-biralɛnu bi dila a fɛ iko purulannu. Anu bi anu kɔgɛ magbesila yisi-tinya bolo.

Nehami 2:8

Wole Ninɛfa kɛnu bi wo burila wo yogenu kɔrɔ iko balan wa keri, wo yi ye a burila yigila nya min. Wola kɛlɛ-den-kunyɛnu bi a fɔla ko, “Wo ni wo sɔ. Wo kana ta.” Kɔnɔ hali mɔgɔ-den-kelen ma a yɛ lasɛgi anu ma.