Aiseya 58:7 - ALLALA KUMƐ

⁷ Wo ni kɔnkɔtoenu kɔ dɔn-fan rɔ. Bon sa minnu bolo, wo ni wonu nadon wo kuma. Wo ni kurɛ di fɛrɛyatoenu ma. Wo kana wo ban wo na-kelen-nyɔgɛnu dɛnbɛn-koe ma.

Aiseya 58:7 ပူးပေါင်းရင်းမြစ်များ

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Ko-Dabirɛnu 19:2

Lɔti ya a fɔ anu ye ko, “N tiginu, n bi wo madiyala. Wo yandi, wo ni yiya n barɛ bi. Wo si wo kian maku ka ki nyɔ. Wo wa wo lasɔ sɔgɔma, ni wo ye tala kan min, wo si ta nyɔ.” Anu ko, “Ade, ma si ki luyi tɛma barɛ rɔ.”

2 Ko-Kɔrɔta-Karan 28:15

Mɔgɔ-ba nanɛ kɛnu ya mɔgɔ-biranɛ kɛnuna kurɛnu tatala mɔgɔ-biranɛ kɛnu na. Wonu ya kurɛnu anubɛ sanbarɛnu di anu ma. Anu tora dɔn-fannu dila anu ma ka tuli kɛ anuna tɛlɛnu ma. Minnu ti ke tagamana, anu ya sofɛlɛ di wonu ma. Anu ya mɔgɔ-biranɛ wonu bi ka anu nasɛgi anu barɛ Yuda nyamanɛ rɔ ka ta anu boloka Yɛrikɔ, anu bi soe min kelela ko Tin-Kuriya. Isirɛla kɛnu sɛgira anu kɔma Samariya soe burɔ.

Nihɛmaya 5:5

Yanni ma ni duti wonu yili-sarɛ sɔrɔn, fɔ ma wa mala dannu denu mayira ka wonu ma yɔɔnnu na, ado male donu bara ban mala dunmusinu mayirala. Ma ti ke ko-wo-ko nɔla tun yigi-tɛgɛ bolo bawo mala wɔli-kɛ-tinɛnu bi gbaran rɔ. Yele kelen de male Yahudiyanu na wona. Anuna dannu kin matɛnu ko, wa?”

Yobu 22:7

E, Yobu, i ya mɔgɔ-bandannɛnu bɛn yi la. I ya i ban dɔn-fan dila kɔnkɔtoenu ma.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Hɛnkilimaya-Kumɛnu 11:17

Mɔgɛ min si hina mɔgɛ la, a si tɔnɛ sɔrɔn ala hinanteyɛ rɔ kɔnɔ kinikinibɛlɛ si bɔnɔ ala karagbɛlɛyɛ rɔ.

Hɛnkilimaya-Kumɛnu 22:9

Mɔgɔ-kɔlɛ anubɛ duwɛ le bawo a ye dɔn-fan dila bolo-kolɔnnu ma.

Hɛnkilimaya-Kumɛnu 24:11

Anu bara tɔgɛ sa mɔgɛ min na, i kana kilan ka wo bɔ sayɛ kɔrɔ.

Hɛnkilimaya-Kumɛnu 25:21

Ni kɔnkɛ ye i yoge la, a lafa. Ni a kan lagbalanɛ, i ni yi di a ma.

Hɛnkilimaya-Kumɛnu 28:27

Mɔgɛ min bi hinala bolo-kolɔn la ka anu kɔ, fenfen ti dasa wo tigi la. Kɔnɔ mɔgɛ min bi a yɛ firindila bolo-kolɔnnu ma, wo tigi anubɛ danka ti fara.

Aiseya 58:10

Wo ni kɔnkɔtoenu de-nyini. Minnu bi nanparan rɔ, wo ni hina wonu na. A ko ni wo ya wonu ma, wo ye pinpi min tɛma, wo si yɛlɛma wo bolo tele la.

Yɛrɛmaya 22:3

Mari ko wo ni ko-latelennɛ kɛ. A ko mɔgɛ min kensunnɛ, wo ni wo tanka a kensunte ma. A ko a sundan wo, a kelenni wo, a kɛɛ-musu wo, wo kana anu bira boloko-yogomɛ-kɛ. Min ma ko-yogomɛ kɛ, wo kana wonu faga kan-tinɛ kɛ rɔ.

Isikiyɛli 18:16

A sa mɔgɔ-niyi ragbɛrɛnna a ma anubɛ a ti a kankan. Ni min ya tulumɛ sigi a ma, a ti balan a ma. A ye kɔnkɔtoenu de-nyinina ka fɛrɛyatoenu fɛrɛya-bɔ.

Isikiyɛli 18:7

A ti mɔgɔ-niyi ragbɛrɛn a ma anubɛ a ti kankanyɛ kɛ. Ni min ya tulumɛ sigi a ma, a ti balan a ma. A ye kɔnkɔtoenu de-nyinina. A ye fɛrɛyatoenu fɛrɛya-bɔla.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 19:8

Sakiyasi ya a lasɔ ka a fɔ Mari ye ko, “N tigi, i wɔlɔ matɔlɔ! N si nna nɔnfulu-talɛ di bolo-kolɔnnu ma. N bara fen bɔ minnu bolo kensunteyɛ la, n si wo nyɔgɔn nani lasɛgi wo tiginu ma tun.”

Luka 3:11

A ya anu yabi ko, “Duruku fila ye min bolo, fen sa min bolo, a ni kelen di wo ma. Dɔn-fan ye min bolo, a ni mɔgɛnu kɔ.”

Kɛwɔlɛnu 16:15

Wobɛ ala bonna-mɔgɛ bɛɛ batasira. Wo kɔma, a nɔrɔta a fɔla ma ye ko, “Ni wo lara a la ko n bara dɛnkɛninya Mari Yisa ma, wo na yiya n barɛ.” A kirita ma ma ha ma sɔnta.

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Tɔn-Fɔɛ-Fila-Nyɔgɛ 22:1

“Ni Isirɛla mɔgɛ do ya a ta-nyɔgɛ dola kolo-fan yen tala a kun fɛ, a ni a bira ka na a don a ta-nyɔgɛ wo bolo.

1 Timoti 5:10

Ni mɔgɛnu bi musi wo matɔgɔla ala kɛwɔli-nyimɛnuna ko la, anu ni a tɔgɛ sɛbɛ. A ni ma musi la min bara ala dannu makolo a kin na ka sundannu yiya a warɛ. A ni famayigiya-wɔlɛ kɛ a ta-nyɔgɛ dɛnkɛninya-mɔgɛnu ye ka mɔgɔ-tɔrɔnɛnu fanan dɛnbɛ. A ni a nyɛrɛ di kɛwɔli-nyimɛ-sufa-bɛɛ ma.

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Kɛlɛ-Kurugbɛnu 9:2

“Wo ni Sɛkɛm so-burɔ-mɔgɛnu manyinika ko Kidiyɔnla den mɔgɔ bi-wɔrɔnfilɛ wonuta mansayɛ wo, mɔgɔ kelanta mansayɛ wo, anu ni anuta bi wo rɔ. Kɔnɔ min sanɛ wo kuma, anu ni a lɔn ko anuna den-bɛrɛbɛrɛ le nde, Abimɛlɛki la.”