Aiseya 58:3 - ALLALA KUMƐ

³ Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Aiseya 58:3 ပူးပေါင်းရင်းမြစ်များ

Ɛsira 8:21

Wo tumɛ ma ye Ahefa bɛ kɛ fɛ, n ya a fɔ mɔgɛ bɛɛ ye ko ma ni sunyɛ don ka ma nyɛrɛ famayigi mata Alla ye. N ko ma ni a matara ko a ni to ma fɛ mala tagama kɛ rɔ alako mabɛ mala dannu anubɛ ma bolo-fannu ma ni tanka.

Nihɛmaya 5:7

N ya n miri a kɔrɛ ma tumɛ min, n ya kun-tiginu anubɛ mɔgɔ-banu makuma. N ko, “Wo ara a lagbɛlɛya wo na-kelen-nyɔgɛnu kuma.” Wo le ya a ma, n ya nyama kundɛn kan-tina-kelen ka ko-rabɛn-kɛ.

Yobu 34:9

Yobu ye a fɔla ko ka Alla sako kɛ, wo ti tɔnɛ di mɔgɔ-wo-mɔgɔ ma.

Yaburi 69:10

N bi n famayigila i ye ka sunyɛ don kɔnɔ hali wo, mɔgɛnu bi n mamɔɛnna.

Hɛnkilimaya-Kumɛnu 28:9

Tɔn-birɛ ma di mɔgɛ min ye, hali wo ya Alla madiya, a ti a wɔlɔ matɔlɔ a la.

Aiseya 22:12

Wo wati rɔ, ma Tigi Mari Sɛnbɛ-Bɛɛ-Tigi ya a fɔ wo ye ko wo ni wo kunyɛnu gbana ka kasa-durukinu bila wo kan na di-kɛ-tinɛ

Aiseya 22:13

kɔnɔ wo ma wo ma. Wo ya wo nyɛrɛ ladiyɛ anubɛ tolon-minyɛ buta a ma. Wo ya kolo-fannu faga ka anu dɔn iko a di wo ye nya min. Wo ya wo min kolikoli! Wo ya a fɔ ko, “Min fisa, a bɛnnɛ ma ni fen dɔn ka ma min bawo ma ye nala fagala le sina.”

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Saraka-Masɔlɛnuta Tɔnnu 16:29

“Karɛ wɔrɔnfilɛ wo tele tan nyɛrɛ ma, Isirɛla mɔgɛnu anubɛ anuna sundannu ni sunyɛ don ka anu sulen anu halala-wɔlɛ ma wo tele nyɛrɛ ma.

Saraka-Masɔlɛnuta Tɔnnu 16:31

Tele wo si ma anu sɛninya-tele la, anu dama si sunyɛ don ka anuna wɔlɛnu to nyɔ wulɔn tele kelan. Wo si tɔn kɛnu bira ka a fɔlɔ bi ma ha tumɛ min di Alla ye.

Malakayi 3:14

A ko wo ya a fɔ ko, “Ka Alla bato, fufafuyi le wo la. Ni ma ya ala kumɛnu bira ka a yira ale Mari Sɛnbɛ-Bɛɛ-Tigi la ko ma ara nimisa mala ko-yogomɛnuna ko la, wo si nfen nyinya ma ma?”

Yilan-Yilan Koe 23:4

Mari tara a taran nyɔ. Belam ya a fɔ Mari ye ko, “N bara saraka-bɔ-tina wɔrɔnfila ladan. N bara tura kelen anubɛ saga-yigi kelen mintan saraka-bɔ-tina kelen-kelannu kuma i ye.”

Luka 15:29

A ya a fɔ a fa ye ko, ‘I yɛ lana. San mumɛ kɛ bɛɛ kɔrɔ, n bi wɔlila i kɔrɔ iko yɔɔn. N ma ila kumɛ tinya hali kelen. I ya nfen di nde ma? Hali baa, i ma a di nde ma alako mabɛ n diyana-mɔgɛnu ni sewa ma nyɔgɔn fɛ!