Aiseya 57:7 - ALLALA KUMƐ

⁷ Wo ye tala sarakɛnu bɔla kɔnkɔ-layan-bɛnu kuma ka wola sɔn-yogoyɛ kɛ nyɔnu tɔ.

Aiseya 57:7 ပူးပေါင်းရင်းမြစ်များ

Aiseya 57:3

Mari ko wole bolo-tafɛlɛnnɛnu, wo na yan wole yɛlɛn-dannu, wole kenita-dannu,

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Isikiyɛli 16:16

I ya ila fɛrɛya-bɔɛ do bi ka a ma ila kɔnkɛ-kuma-bɛsi-kɔ-tinɛ rabɛn-fan la. I wara i nyɛrɛ latenbi kei bɛɛ ma iko musi-yɛlan. Kɛ ko-sufanu ma bɛn mumɛ!

Isikiyɛli 16:25

I wara ila kinyɛ sa bore rɔ. Kei minnu bi tenbi-tenbila, i ye i mawuranna ka i kiannu tansa wonu ye. Ila yɛlɛnya-wuyan sa bɔla a la. A nya le a ma ile bolo tolon!

Isikiyɛli 23:17

Wonu fanan dama nara anu sa a fɛ. Wonu ya anu sa a fɛ ha a laban, mɔgɔ-ba wonu sɔgɔ labɔra ale Oholiba la lass!

Isikiyɛli 23:41

Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.