Aiseya 57:5 - ALLALA KUMƐ

⁵ Wo si wola bɛsɛnu hɛnɛ sɔn-yogoyɛ le la kɔlɔma-kuru-wɛnu kɔrɔ. Wo ye wola dannu fagala ka anu ma sarakɛnu na fara-gbaran anubɛ farannu na.

Aiseya 57:5 ပူးပေါင်းရင်းမြစ်များ

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

2 Mansɛnu 17:10

Anu ya kuri anubɛ kɔlɔmanu lɛsɛ ka wonu sigi kɔnkɔ-kolo-wɛnu kuma anubɛ kɔlɔma-kuru-wɛnu kɔrɔ. Anu ya kɔlɔma wo lɛsɛ musila muninyɛ la ka wo kele ko Asura.

2 Mansɛnu 17:7

Samariya soe kasarata bawo Isirɛla mɔgɛnu ya hakɛ kɛ anuta Mari Alla la min ya anu nabɔ yɔɔnyɛ rɔ nun Iyipiti mansɛ bolo. Alla ara Kenan kɛ minnu gben anu yarɔ nun, anu tora wonuna bɛsɛnu kɔla. Anu ya anu sanka wonu ma ka wonu sɔn bi, ado Isirɛla mansɛnu fanan tora sɔn wo le la anu bolo.

2 Mansɛnu 23:10

Alla-batobɛlɛnuna kɔ tinɛ min tɔgɛ Tofɛti, ale Mansa Yosaya tara wo latinya Hinom lɛɛ rɔ. A ya wo ma alako mɔgɛnu kana na anuna dannu mintan anuna bɛsi Molɛki ye nyɔ.

2 Ko-Kɔrɔta-Karan 28:3

A ya sarakɛnu bɔ Hinom lɛɛ rɔ. A ya a halala-den-keinu mintan sarakayɛ la bɛsɛnu ye. Wo le ya a ma, Mari ya mɔgɛ minnu gben nyamanɛ wo rɔ nyɔ nun, wonu taranta milibɛlitaya-koe kɛ sufa mala nun.

Bɔ-Koe-Iyipiti 32:6

Bandɛ kanɛ, anu suruta nala saraka-mintantɛnu anubɛ yisi-kima-sarakɛnu na. Anu ya anu de-nyini ka anu min. Wo kɔma, musi wo, kei wo, anu ya bolola-tolɔn dabira.

Aiseya 1:29

Wole makinikininɛ si wo kan-kɔ sɔ wo hakɛ la bawo wo ara kɔlɔmanu kɔ nun ka nakɔɛnu nadan bɛsɛnu ye.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 50:38

Alamɛ tɔn sigira bandɛla nɛ la. Bɛnu ni gbala anu worɔn la todo! Babilɔn nyamanɛ lafanɛ bɛsi-makilannɛnu na, ado anu bara mɔgɔ siyaman nayuwaya.

Yɛrɛmaya 51:7

A ko Babilɔn mani de Mari bolo iko sɛnɛ-yi-lafɛ min bi duninya bɛɛ laminna. Sibolo-wo-sibolo wa a min, wo kunyɛ si wuli.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Isikiyɛli 16:20

Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 20:26

N sɔnta anu ni anuna den-keinu ma saraka-mintantɛ la alako n si anu tɔrɔ nya min, ado wo wa ma, wo si a yira anu na nun ko Mari le nde la.

Isikiyɛli 20:28

N ya anu yili-madiya nyamanɛ minna ko la, n tara anu na nyɔ rɔ. Anu ya kɔnkɔ-layan-bɛnu anubɛ kɔlɔma-kuru-wɛnu yen nyɔ min kɛ, anu ya sarakɛnu bɔ wonu ye. Anu ya sarakɛ minnu mintan, anu ya baan minnu ma kɔ-fan la nyɔnu tɔ, wonu ya a ma, n diminyara kosɛbɛ!

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Yilan-Yilan Koe 25:6

Anu banta mɔgɛ wonu fagala tumɛ min, anu donta diyi-kɛ rɔ. Isirɛla kei do nara Midiyan musi do la a bolo.

Tɔn-Fɔɛ-Fila-Nyɔgɛ 12:2

Wo wa ta nyamanɛ wo rɔ, wo ni nyɔ-mɔgɛnuna bɛsi-kɔ-tinɛnu tinya feufeu! Ni anu bi kɔnkɛ denu kuma, wo ni ta anu tinya. Ni anu bi gbɔngbɔn denu kɔrɔ, wo ni ta anu tinya fanan.

Lankɛnimayɛ 18:3

Wo mara bawo a ya ala yɛlɛnyɛ-nata-baan-kunayanɛ di mɔgɛ bɛɛ ma alako anu ni a min. Mansɛnu bara yɛlɛnyɛ kɛ a fɛ. Yilanu mara nɔnfulu-tiginu na ala nata-dan-natenbinɛ fɛ.”