Aiseya 57:14 - ALLALA KUMƐ

¹⁴ Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Aiseya 57:14 ပူးပေါင်းရင်းမြစ်များ

Yaburi 68:4

Wo ni sigi sa Alla ye ka a tɔgɛ tanto. Wo ni kilɛ laka a ye, ale min siginɛ banda-fin-gbɛ rɔ. A bɛnnɛ, wo ni sewa a yala bawo Mari le ale la.

Aiseya 35:8

Kila-gbonkan-bɛ si taran nyɔ anu bi min kelela ko, “Allata Sɛninya Kilɛ.” Hakɛ-tigi fenfen ti tenbi nyɔ. Mɔgɔ-nyimɛ minnu bi tagamana kilɛ wo fɛ, kun-takolon wo kun-takolon ti ke wonu kɔndɔfilila.

Aiseya 40:3

Mɔgɛ do gbele-gbelen kan ye bɔla, a ko, “Wo ni kilɛ rabɛn Mari ye wula-da-rakolɔn rɔ. Wo ni tagama-kilɛ bɛɛ matelen mata Alla ye.

Aiseya 49:11

A ko a si kila-wɛ sa kɔnkɔ-layan-bɛ kuma ka kila-fongban-bɛ rabɛn ata mɔgɛnu ye.

Aiseya 62:10

Wole Yerusalɛm kɛnu, wo bɔ soe burɔ. Minnu bi sɛgila ka bɔ biralɛ rɔ, wo ni kilɛ rabɛn wonu ye yɔnyɔn! Wo ni kurinu bɔ kila-kole la. Wo ni falafalɛ layɛlɛ san ma tamasereyɛ la sibolenu ye.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

1 Kɔrɛnti 1:23

Kɔnɔ Kirasiti gbangban-koe kɔlɔma ma, male ye wo le dɔrɔn fɔ tinɛ. Yahudiyanuna tanama-koe le wo la. Yuwaya-koe le wo la sibolo-gbɛrɛ wonu yala.

1 Kɔrɛnti 8:13

Nba, ni dɔn-fan si a ma, n na-kelen-nyɔgɛ ni hakɛ kɛ, nde nyɛrɛ ti soge dɔn tun wo rɔ mumɛ! N kana n na-kelen-nyɔgɛnu nabui hakɛ rɔ.

1 Kɔrɛnti 8:9

Wo ni a ma wo fɛrɛma. Minnu sɔndɔmɛ rafaganɛ, wola hɔrɔyɛ kɛ kana na a ma, wonu ni bui hakɛ rɔ.

2 Kɔrɛnti 6:3

Ma sa a fɛ, mɔgɔ-wo-mɔgɔ ni fɛɛ yen mala wɔlɛ la. Woletɔ ma ye ma rayala ko ma kana kin-natugu-fan sa kilɛ la mɔgɛnu ye.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.