Aiseya 57:12 - ALLALA KUMƐ

¹² A ko wo miri ko wo ye min kun na, wo kin kɔnɔ a ko a si wo kɛ-nya labɔ gbɛ rɔ, ado wola bɛsɛnu ti ke wo kunyɛ bɔla wo rɔ mumɛ!

Aiseya 57:12 ပူးပေါင်းရင်းမြစ်များ

Aiseya 29:15

A sɔgɛ ye minnu na ka anu miriya dogon Mari ma, wonu si halaki. Anu bi pinpirɔ-koe minnu nadanna, anu miri ko mɔgɔ ya sa anu na. Anu ya a lɔn ko mɔgɔ ma a lɔn anu bi min kun na.

Aiseya 44:9

Mɔgɔ-fuyi le bɛsi-ladannɛnu na. Hali bɛsɛ di mɔgɛnu ye, fufafuyi le bɛsɛ wonu na. Minnu bi bɛsɛ wonu kɔla, fiyɔn anubɛ kun-takolɔn le wonu na. Anuna kun-takolonyɛ si a laban anu bolo yarabiyi ma.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Aiseya 64:5

Mɔgɛ min sewanɛ ko-telenni-kɛ la, i ye wonu dɛnbɛna. Minnu bi anu mirila ko anu ni ma iko i miriya ye anu ma nya min, i ye wonu fanan denkunna. Kɔnɔ i yisi kɔrɔtɔra ma ma bawo ma tora hakɛ kɛla nun, ado ita tɔn-tinyɛ ara ma ma kɛ-nya le la. Ma si kisi kama gbɛ?

Aiseya 65:7

Ka a tɛgɛ wo benbanu hakɛ anubɛ wo hakɛ ma, Mari ko a si wo tɔrɔ. Wo benbanu ya isɛnti mintan bɛsɛnu ye kɔnkɛnu kun tɛma. Anu ya a ma, a miliyara kɔnkɛnu ye. Woletɔ a ye anu tɔrɔla iko a bɛnta, anu ni tɔrɔ nya min.

Aiseya 66:18

Mari ko a ya anu miriya-yoge anubɛ anu kɛ-nya-yoge lɔn. Woletɔ a ko a ye nala anu tɔrɔla. A si kan-siyamɛ-mɔgɛnu nadɛn kan-tina-kelen ala gbiliyɛ yen-koe la.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 10:14

Hɛnkili sa bɛsi-ladannɛ do-wo-do la. Siyakinu bara miliya anuna bɛsɛ wonu na, anu denu ya minnu nadan, kɔni. Anuna bɛsi-fuyi wonu niyi sa anu tɔ.

Yɛrɛmaya 10:15

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Yɛrɛmaya 51:18

Fufafuyi le anu na. Anu ti ko-wo-ko nyinya. Yɛlɛnma-fan le anu na. Kiti-tɛgɛ-lunyɛ wa ke, bɛsɛ wonu si kasara.

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!