Aiseya 56:6 - ALLALA KUMƐ

⁶ Sibolo-gbɛrɛ minnu bara kofu Marita mɔgɛnu ma, minnu bi a batola ka a gbiliya, ado anu bi Sulen-Tele gbiliyala a kilɛ fɛ, ka ata tɔnnu bira, Mari ye a fɔla mɔgɛ wonu ma ko

Aiseya 56:6 ပူးပေါင်းရင်းမြစ်များ

1 Mansɛnu 8:41

“Sibolo-gbɛrɛ minnu siginɛ wula-yan la, ni wo do ya i tɔgɔ-wɛ wo lamɔɛn anubɛ kabana-ko-wɛ, i wara minnu kɛ ila mɔgɛnu ye, ni wo mɔgɔ-sufa nara ka matarali-kɛ bɔn kɛ telen tɔ,

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 44:5

A ko mɔgɛnu si to a fɔla kelen-kelenyɛ ma ko Marita mɔgɛ le anu denu na. Anu si kofu male Isirɛla mɔgɛnu ma. Anu kelen-kelennamɛ-bɛɛ si Mari tɔgɛ sɛbɛ anu bole ma ka anu nyɛrɛ kele ko Allata mɔgɛ donu.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Aiseya 60:10

Ile Yerusalɛm, sundannu si i tarɛ sɔ-kurɛ-kɛ tun. Anuna mansɛnu si to wɔlila i kɔrɔ. Mari ko a fonde bɔnɛ wati min, a ya i tɔrɔ kɔnɔ kaka, a si kinikini i ma ka ko-nyimɛ kɛ i ye.

Aiseya 61:5

Wole ata mɔgɛnu, sundannu si na ka wola kolo-fannu fɛ-bira wo ye. Nyamani-gbɛrɛkɛ-mɔgɛnu fanan si na wola ki-fannu fɛ-bira.

Aiseya 61:6

Anu si wo kele ko Marita saraka-masɔlɛnu. Mɔgɛnu si wo lɔn Allata wɔli-kɛlɛnu na. Duninya-sibole bɛɛ si na fen-kolomɛnu na wo ye. Wo si a ma, wo wasa ma ni ka.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 47:22

A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Kɛwɔlɛnu 2:41

Mɔgɔ-siyaman lara kumɛ kɛ la ka batasi. Anu mɔgɔ waga sawa nyɔgɔn (3,000) kofura anu ma tele wo nyɛrɛ kɔrɔ.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

2 Kɔrɛnti 8:5

ado anu ya nilɛ kɛ ka tenbi ma miriya la pon! Kɔnɔ min tenbira wo bɛɛ la, anu ya anu nyɛrɛ di Mari ma. Wo kɔma, anu ya anu nyɛrɛ di male fanan ma iko a di Alla ye nya min.

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.