Aiseya 56:2 - ALLALA KUMƐ

² Mɔgɔ-sewanɛ le wo tigi la min bi a Sulen-Tele gbiliyala iko tɔn ya a fɔ nya min. Mari ko a si duwa wo tigi ye min ti ko-yogomɛ ma.

Aiseya 56:2 ပူးပေါင်းရင်းမြစ်များ

Nihɛmaya 13:17

N ya Yuda kun-tiginu makuma wola ko la ka a fɔ anu ye ko, “I yɛ lata wo ye ko-yogoma-sufa min kun na. Wo ara a ma, Sulen-Tele sɛninyani ma ma bolo tun.

Yaburi 106:3

Mɔgɔ-sewanɛ le wo tigi la min bi ata kumɛ birala ka to ko-latelennɛ kɛla tolon!

Yaburi 112:1

N si Mari tanto! Mɔgɔ-sewanɛ le wo tigi la min bi Mari gbiliyala ka ata tɔnnu bira sewɛ la.

Yaburi 119:101

N ya n masɛgi ko-yogoma-kɛ bɛɛ la bawo a sɔgɛ ye n na, n ni ita kumɛnu bira.

Yaburi 128:1

Marita kuma-biralɛnu sewani de, minnu bi tagamana ata kilɛ fɛ, kɔni.

Yaburi 34:14

Wo ni wo bole bɔ ko-yogoma-kɛ rɔ ka ko-nyimɛnu kɛ. Wo ni wo raya ka sigi yisi-kimɛ rɔ.

Yaburi 37:27

I fara ko-yogoma-kɛ la ka ko-nyimɛ kɛ. Wo si a ma, nyamanɛ kɛ ni ma wo kegeyɛnu halalɛ la

Bɔ-Koe-Iyipiti 20:10

kɔnɔ a tele wɔrɔnfila nyɔgɛ si ma Sulen-Tele la nde, Mari Alla ye. Wo kana wɔli-wo-wɔli kɛ wulɔn tele ma. Wola dannu wo, wola yɔɔnnu wo, wola kolo-fannu wo, anubɛ wola sundannu, wonu fenfen kana wɔli kɛ.

Bɔ-Koe-Iyipiti 20:8

“Wo ni wo hɛnkili to Sulen-Tele ko ka tele-sɛnimɛ wo bira gben!

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 16:17

Mɔgɔ-nyimɛ ye bilala kila-telennɛ min fɛ, wo kanɛ le ko-yogoma-kilɛ ma. Ni min ya a tagama-tinɛ yabɔ, wo si simayɛ sɔrɔn.

Hɛnkilimaya-Kumɛnu 16:6

Keninteyɛ anubɛ tonyɛ si a ma, mɔgɔ hakɛ ma si koto. Mɔgɛ min bi kilanna Mari la, wo si fara le ko-yogoma-kɛ la.

Hɛnkilimaya-Kumɛnu 4:13

I wara minnu karan kɔrɔma la, i ni to i mirila wonu ma. I niyi-kole le ila karan la.

Hɛnkilimaya-Kumɛnu 4:27

I ni ko-yogoma-kilɛ masangba ka ta kila-telennɛ fɛ. Hali kin-fa-nya kelan, i kana a bɔ telenbagaya-kilɛ fɛ.

Makawandili Kumɛnu 7:18

I kana nyimayɛ anubɛ wunduyogoyɛ matuntun anu nyɔgɔn ye. A bɛɛ ra ni kɛnya i bolo bɛrɛtɛ! Ni i kilanta Alla la, i bɔra fenfen wara-koe rɔ, i si ta yarɔ ma.

Aiseya 56:4

Mari ya kɛ le fɔ ko ni tɛgan min ya ala Sulen-Tele gbiliya ka ala tɔn bira a kilɛ fɛ ka a hɛnɛ koenu kɛ,

Aiseya 56:6

Sibolo-gbɛrɛ minnu bara kofu Marita mɔgɛnu ma, minnu bi a batola ka a gbiliya, ado anu bi Sulen-Tele gbiliyala a kilɛ fɛ, ka ata tɔnnu bira, Mari ye a fɔla mɔgɛ wonu ma ko

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Isikiyɛli 20:12

Ma sarama-kan-tamasere do le Sulen-Tele-birɛ la alako anu ni a lɔn ko nde, Mari le ye a mala, anu ni sɛninya.

Isikiyɛli 20:20

N ko anu ni Sulen-Tele ma tele-sɛninyanɛ la alako Sulen-Tele wo birɛ ni ma sarama-kan-tamasere la mabɛ tɛma. Wo ni ma anu hɛnkili-birɛ la nun ko anuta Mari Alla le nde la.

Saraka-Masɔlɛnuta Tɔnnu 19:30

“Wo ni Sulen-Tele gbiliya. Wo ni n bato tinɛ fanan gbiliya. Nde, wota Mari Alla ya kɛ le fɔ wo ye.

Luka 11:28

Kɔnɔ Yisa ya a fɔ a ye ko, “Minnu sewanɛ ka tenbi wo la, wo le, minnu bi Allala kumɛ lamɔɛnna ka a bira gben!”

Luka 12:43

Bon-tigi wa sɛgi a warɛ tumɛ min, ni a ya ala wɔli-kɛlɛ taran wɔlila, a si sewa wɔli-kɛlɛ wo la.

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.