Aiseya 56:11 - ALLALA KUMƐ

¹¹ Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Aiseya 56:11 ပူးပေါင်းရင်းမြစ်များ

Bɔ-Koe-Iyipiti 23:3

Wo kana kinikini bolo-kolɔnnu ma ka anu yilikiyi ma anu yoe la kuma tinɛ bawo fen sa anu bolo.

Makawandili Kumɛnu 5:10

Ni nɔnfuli diyara mɔgɔ-wo-mɔgɔ ye bɛrɛkɛ, nɔnfuli ti wo wasa mumɛ! Nɔnfulu-tigiyɛ diyara mɔgɛ min ye wɛ kɛ, hali wo ya nɔnfuli sɔrɔn duk, wo ti a wasa. Kɛ bɛrɛn tagbɛlɛ.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 28:7

A nɛbi wo, a saraka-masɔla wo, wo bɛɛ ye tonko-tankanna gbɛɛ-minyɛ bolo. Anu bara baan-su bɛɛ min ha anu bi tola anu nyɛrɛ mabondanna. Alla ye ko-rayirɛ minnu nanala, anu ti ke wonu nya-yenna gbɛɛ bolo. Saraka-masɔlɛnu ti ke kiti tɛgɛla yalafinyɛ bolo.

Aiseya 57:17

A ko a kɔrɔtɔnɛ wo ma ka a tɛgɛ wola kin-kɔrɔla-fasɛ ma. A ko a ya a kan-kɔ sɔ wo la ka wo tɔrɔ ala fondo-bɔɛ la. A ko hali wo, wo ma wo bɔ wo gbɛ da la. Wo ye ko-yogomɛ kun na tolon!

Yɛrɛmaya 22:17

Kɔnɔ a ko ale Mansa Yahoyakim, kensunya-fen-sɔrɔn, wo le dɔrɔn bi a hɛnɛna. Ka to hɔnna a nyɛrɛ la tolon, wo di a ye kosɛbɛ! Mɔgɛ min ma ko-yogomɛ ma tele-kelen-bɛrɛni, a si wo faga. A ye a lagbɛlɛyala mɔgɛnu kuma.

Yɛrɛmaya 6:13

A mɔgɔ-ba wo, a fɛlɛteni wo, wo bɛɛ sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Yɛrɛmaya 8:10

Mari ko a si anuna musinu di kei-gbɛrɛkɛnu ma. A si anuna wɔli-kɛ-tinɛnu di mɔgɔ-gbɛrɛkɛnu ma. A mɔgɔ-ba wo, a fɛlɛteni wo, anu dama sokesoke wodi-sɔrɔn-koe rɔ. A nɛbi wo, a saraka-masɔla wo, wo bɛɛ siginɛ foninyɛ le ma.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Hoseya 4:8

Wo ye tɔnɛ sɔrɔnna ka a tɛgɛ nta mɔgɛnuna hakɛ-kɛ-koe ma. Woletɔ wo ye tola anu natuntunna hakɛ rɔ tolon!

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Yilan-Yilan Koe 22:7

Mohabu anubɛ Midiyan mɔgɔ-banu tara dankali-kɛlɛta sarɛ la. Anu ya wo don Belam bolo ka Balakita sarakanɛ fɔ a ye.

Yɔni 8:43

N bi min fɔla, nfenna wo sa wo nya-yenna? Ado nfan, wo ti ke wo nya-yenna bawo wo sa sɔnna nna kumɛ lamɔɛnna.

Kɛwɔlɛnu 20:29

N ya a lɔn ko n ba ta tumɛ min, mɔgɛ donu si kɛ wo ma iko suluku-feremɛnu si kɛ saga-kurɔn ma nya min.

Kɛwɔlɛnu 20:33

N ma n niyi sa mɔgɔ-wo-mɔgɔla wodi-gbɛ anubɛ ala sɛnɛ kuma, hali ala kurɛ.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Timoti 3:8

Chɔchi-dɛnbɛni-kɛlɛnu fanan ni ma sɔn-nyima-tiginu na. Anu ni ma kan-kelen-tiginu na. Anu kana ma baan-minnɛnu na, ni wo ma, tɔnɔ-yogo-nyininɛnu.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

Taita 1:7

Fɛɛ kana taran chɔchi-mɔgɔ-ba la bawo Allala wɔlɛ kerifanɛ ale le la. A kana ma nyɛrɛ-sako-kɛlɛ la. A yisi kana bɔ tiriya! A kana ma baan-minnɛ la anubɛ kɛlɛ-tɛgɛlɛ anubɛ tɔnɔ-yogo-nyininɛ.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Yude 1:11

Gbalo ye anu ma! Anu bara bila Kenta kilɛ fɛ. Anu bara anu nyɛrɛ di ko-yogomɛ ma wodila ko la iko Belam ya a ma nya min. Anu bara halaki murutiyɛ rɔ iko Kora murutiyara nya min.

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.

Kɛlɛ-Kurugbɛnu 18:20

Kumɛ wo ya a diya don keminɛ wo rɔ. A sewara. Ale nyɛrɛ ya bɛsɛ wonu bira a bolo tɔ. A bilara anu fɛ.

1 Samuwɛli 2:29

Mari ko ale ye ata sarakɛ minnu makelela ata mɔgɛnu bolo, nfenna wo ye a lafɛyala wonu bɔ tinɛ worɔ? A ko ile Ilayi, i wara sɔn ila dannu bara ata saraka tɔnɔma tinɛnu dɔn ata mɔgɛnu bi nala minnu na a ye ha anu bara kunbaya. A ko nfenna i ye ila dannu gbiliyala ka tenbi ale la?