Aiseya 56:10 - ALLALA KUMƐ

¹⁰ Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 56:10 ပူးပေါင်းရင်းမြစ်များ

2 Mansɛnu 12:6

Kɔnɔ hali wo, ka a bi Mansa Yohasila mansayɛ ma ha ala mansayɛ san mogan-ni-sawa nyɔgɔn ma, saraka-masɔlɛ wonu ma ke ko-wo-ko ladanna Bato-Bɔn fɛ-bira-koe rɔ.

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 29:9

Nba, i raya, i ni ma iko kuntan. I nyɛrɛ ma fiyɔn la alako i kana fen yen. Hali i ma i min, i ni to tonko-tankanna iko gbɛɛtoe.

Aiseya 52:8

Wo ni wo tole masɔ. So-makandannɛnu bi a lawɔyɔla anu kulu-mayɛlɛnɛ la. Anu bi Mari yenna sɛgila Yerusalɛm anu nyɛrɛ yɛ la.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Nimisa Koe 4:14

Kaka, anu bi anu bole mɛmɛla soe burɔ iko fiyɔnnu. Anuna durukinu tatinyanta mɔgɔ-yele la ha a ma di mɔgɔ-wo-mɔgɔ ye anu ni anu bole bila saraka-masɔlɛ wonu tɔ.

Isikiyɛli 13:16

Foninya-nɛbi minnu bi a fɔla nun ko yisi-kimɛ ye yan, ado yisi-kima sa kan-tinɛ wo rɔ, n bi wonu denu ma.” Ma Tigi Mari kan le kɛ la.

Isikiyɛli 33:6

Kɔnɔ ni kila-kandannɛ wo ya anu yogenu yen nala, a ma sɔn buri fɛla, ni anu yoge nara mɔgɛ do faga, ala mɔgɛnu si a bira ka a tɛgɛ a hakɛ wola ko ma. N fanan si a bira wo yili la.

Hoseya 4:6

Gbalo ye nta mɔgɛnu kuma bawo anu ma nde, Alla lɔn wole, saraka-masɔlɛnu bolo. N lɔn-sɔgɔ sa wole, saraka-masɔlɛnu na. Wo ara wo kan-kɔ sɔ nta karan la. Woletɔ wo ye wo banna a la. Hali wota dannu, n ti wonu yatɛ saraka-masɔla la.

Nehami 3:18

Ile Asiriya mansɛ, ila kun-tiginu bara faga don! Ila nyamanita-mɔgɛnu ta ara nyɛnsɛn kɔnkɛnu kuma iko sagɛ minnu kandanna sa. Kun-tigi wo kun-tigi sa anu bolo min si anu kundɛn soe burɔ tun.

Matiyu 15:14

Wo kana hɔn Farisi wonuna ko la! Fiyɔn le anu na, ado anu bi fiyɔn bole birala. Fiyɔn wa fiyɔn bolo bira, anu filɛ bɛɛ si bui denkɛ rɔ.”

Filipai 3:2

Wo ni a ma wo fɛrɛma ko-yogoma-kɛlɛnuna ko la. Minnu bara nɔrɔ fɛrɛ-tɛgɛ-koe ma, wuli le wonu na,