Aiseya 55:7 - ALLALA KUMƐ

⁷ Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 55:7 ပူးပေါင်းရင်းမြစ်များ

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 15:4

Kɔnɔ tɔrɔyɛ nara wo kuma tumɛ min, wo sɛgira wota Mari Alla ma. Wo ya a nyini ha wo ya a yen.

2 Ko-Kɔrɔta-Karan 30:6

Kilayɛ wonu tara Yuda nyamanɛ anubɛ Yerusalɛm soe rɔ iko mansɛ anubɛ ala mɔgɔ-banu ya a fɔ nya min. Min sɛbɛnɛ kɛdi wo rɔ, a ko, “Wole Isirɛla mɔgɛ toe minnu tora wo niyi la Asiriyanuna kɛlɛ rɔ, wo ni wo ya-lamunun ma benbanu Iburayima anubɛ Isiyaka anubɛ Yakobata Mari Alla la. Ni wo ya wo ma, ale fanan si a ya-lamunun wo la.

2 Ko-Kɔrɔta-Karan 33:13

Alla ya ala matarali-kan wo lamɔɛn. A ya a ma, a sɛgira a warɛ Yerusalɛm ka ma mansɛ la tun. Wo ya a yira Mansa Manasa la ko Mari le Alla la.

2 Ko-Kɔrɔta-Karan 7:14

ni anu ya anu sɔ anu hakɛ la ka n matara ka anu kan-kɔ sɔ anuna karagbɛlɛyɛ la, n si a lamɔɛn Arinyɛni tɔ ka anu makoto anu hakɛ la. N si a ma, anuna nyamanɛ ni diya tun.

Yobu 22:23

Nba, kaka gbɛ, i ni i sɛgi Alla Sɛnbɛ-Bɛɛ-Tigi ma famayigi rɔ. I ye ko-yogomɛ min kun na nun, i ni tɔn sigi wo la ila bɔn la.

Yaburi 130:4

Kɔnɔ i ye ma makotola alako ma kawanɛ ni to i ma.

Yaburi 130:7

Isirɛla mɔgɛnu, wo ni la Mari la gben! Bawo ala keninteyɛ ti wo baya, ado tumɛ bɛɛ, a rabɛnnɛ wo kisi-koe la.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 66:18

Ni n ma nna ko-yogomɛnu nabɔ gbɛ rɔ n tigi ye nun, a ti a wɔlɔ matɔlɔ n na nun muk!

Hɛnkilimaya-Kumɛnu 28:13

Mɔgɛ min si a hakɛ dogon, wo tigi ti ta yarɔ. Kɔnɔ mɔgɛ min bi a hakɛ bɛɛ labɔla gbɛ ma ka anu boloka, Mari si kinikini wo tigi ma.

Aiseya 1:19

A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 21:12

N ya wo yabi, n ko, “Bandɛ sa mɛla kala tun kɔnɔ suyi bilanɛ wo kɔma. Ni nyinikali-sa-soge ye i la, tana ma, nyinikalɛ sa tun.”

Aiseya 31:6

Mari ya a fɔ n ye ko wole Isirɛla mɔgɛnu bara hakɛ kɛ a la ka anu kan-kɔ sɔ a la. Kɔnɔ a ko wo ni sɛgi a ma kaka.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 3:3

Ka a tɛgɛ wo sɔn wonu ma, banda ma na wɛ fɔlɔn de, ado hali banda-yi-kun-fɔlɛ, wo ma na. Wo ya-lakalan-nya manɛ iko yɛlantɛ. Mɔgɛ ti miliya-sumɛ yen wo yakɔrɛ ma.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Nimisa Koe 3:40

Ma ni ma tagama-nya fɛsɛfɛsɛ a kila-bɛrɛbɛrɛ fɛ, wo kɔma, ma ni ma sɔ ma hakɛ la Mari ye.

Isikiyɛli 14:6

“Woletɔ nde, wo Tigi Mari ye min fɔla i ye, i ni wo latenbi Isirɛla mɔgɛ wonu ma. Anu ni anu nyɛrɛ yiliki ka anu kan-kɔ sɔ anuna kisimiriya-bɛsɛnu na ka sɛgi n ma.

Isikiyɛli 33:11

A fɔ anu ye ko nde, anu Tigi Mari min bi n niyi la, n bara n keli n nyɛrɛ rɔ ko n ti sewa hakɛ-tigila fagɛ la. Yanni wo ni ma, a ni fara ala hakɛ-kɛ la ka to a niyi la. Wole Isirɛla mɔgɛnu, wo ni wo fara ko-yogomɛnu na wo ye minnu da kun tɔ. Nfenna fagali-sɔgɛ ye wo la?

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Sakaraya 8:17

A ko wo kana wo miri ko-yogomɛ ma wo nyɔgɔn tɔgɔ rɔ. A ko wo kana foninyɛ fɔ gboroli-kɛ-tinɛ bawo foninya-fɔɛ wo, telenbɛlitayɛ wo, wunduyogoyɛ wo, a ko wonu gbo a ye.

Matiyu 9:13

Wo ta kumɛ kɛ kɔrɛ nyini Allata kitabu rɔ ko, ‘A sa nyinina saraka-soge ma ma bolo fɔ kinikinɛ,’ bawo n ma na mɔgɔ-telennɛnu kele tinɛ fɔ hakɛ-tiginu alako wonu ni bila n fɛ.”

Maraka 7:21

Miriya-yogomɛ minnu si mɔgɔ don kisimiriya-koe rɔ, wo le kankanyɛ wo, mɔgɔ-fagɛ wo, yɛlɛnyɛ wo, nata-yogomɛ wo, ko-yogoma-su bɛɛ wo, yanfɛ wo, ko-kɔsɔnɛ wo, keliyɛ wo, mɔgɔ-rafɔɛ wo, wasinteyɛ wo, anubɛ kalokalonteyɛ. Wonu denu si bɔ mɔgɔ yisi rɔ.

Maraka 7:23

Ko-yogomɛ wo bɛɛ ye bɔla mɔgɔ yisi le tɔ, ado wonu denu si a latinya.”

Luka 15:10

N bi a fɔla wo ye, hakɛ-tigi kelen ba tubi, Allala melikanu si sewa wo nya na le.”

Luka 15:24

bawo nna dan kɛ ara faga nun kɔnɔ kaka, a ye a niyi la. A tonɛ-a-rɔ nun kɔnɔ kaka, n bara a yen.’ Nba, anu ya ladiyɛ kɛ a kilɛ fɛ.

Luka 7:47

N bi a fɔla i ye ko musi kɛ ara keninteyɛ min yira, wo ara bɔ gbɛ rɔ ko ala hakɛ siyamɛnu ma ara koto. Kɔnɔ minna hakɛ-nɛ makotora, wo si keninteyɛ dɔgɔmanɛ yira.”

Kɛwɔlɛnu 26:20

Ka a dabira Damasika ha ka ke Yerusalɛm anubɛ Yudiya nyamanɛ bɛɛ ha sibolo-gbɛrɛnu tɛma, n ya kawandili bɔ wo bɛɛ rɔ. N ya a fɔ anu ye ko anu ni fara hakɛ kɛla ko anu ni na Alla wara. N ko anu ni kɛwɔlɛ wonu kɛ min si a yira ko anu bara yɛlɛma.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Yemesi 1:15

Ata ko-yogomɛ min bi a yisi rɔ, wo si buyi bi ka mui hakɛ la. Hakɛ wa tagbaya a kuma tumɛ min, a si a laban sayɛ ma.