Aiseya 55:3 - ALLALA KUMƐ

³ A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Aiseya 55:3 ပူးပေါင်းရင်းမြစ်များ

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

2 Samuwɛli 7:29

N bi i madiyala, i ni duwɛ kɛ n kegeyɛnu ye. Wo si a ma, anu ni to ila duwɛ kɔrɔ tuma-wo-tuma. Ile, n Tigi Mari ara sarama-kan kɛ kiri, ado n kegeyɛnu ti foo ila sarama-kan kɛ la mumɛ!”

2 Ko-Kɔrɔta-Karan 6:42

Mari, ile ara mansɛ min yabɔ, i kana i ban wo la. I miri ita keninteyɛ ma i ya min yira ila wɔli-kɛla Mansa Dawuda la.”

Yaburi 119:112

N bara ban a latɛgɛla, n ko, “Fenfen ti n bɔ ila tɔnnu kɔrɔ fɔ saya.”

Yaburi 119:175

Niyi keni n ye woletɔ n si i matɔgɔ, alamɛ ita karan ya ko nyinya n ma.

Yaburi 78:1

Wole nta Isirɛla mɔgɛnu, wo ni wo tole masɔ nna karan la. Wo ni wo tole masɔ yiri!

Yaburi 89:28

Ile Alla si ila lanyiri latɔnbagaya a ye habadan! I si ila sarama-kan to a gbɛ rɔ ala ko la tɛban!

Yaburi 89:29

Fananta san-kole ye nyɔ, mansayɛ ti bɔ ala bɔn la. Tuma-wo-tuma, a kegeyɛ do si to mala mansɛ la.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Hɛnkilimaya-Kumɛnu 4:20

nna den, i hɛnkili ni to nna kumɛ kɛnu ko.

Hɛnkilimaya-Kumɛnu 7:2

Ni i ya a ma iko n bara a fɔ i ye nya min, i siyi-fɛ si yanya. I ni a ma i fɛrɛma. I ni nna kumɛnu bira iko i si i yɛ fɛ-bira nya min.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Yɛrɛmaya 30:9

A ko wo si ale wota Mari Alla sako kɛ. A ye mansɛ min sigila ka bɔ Mansa Dawudata kebilɛ la, wo si to wɔlila wo ye.

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 38:20

N ya a fɔ a ye ko, “Anu ti i don anu bolo. I yandi, Mari kan kɛ bira. Ni i ya wo ma, i wara-koe bɛɛ si ta a kilɛ fɛ. I si to i niyi la.

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Isikiyɛli 16:60

Kɔnɔ kebi i dennɛ, ma ya sarama-kan min kiri ma nyɔgɔn tɛma, n si n baralɛ latɔnbagaya. Sarama-kan wo ti yɛlɛma muk!

Isikiyɛli 34:24

Nde si ma anuta Alla la. Anuna mansɛ wo si taran anu kun na iko nta wɔli-kɛla Dawuda taranta anu kun na nya min. Nde, Mari ara ban wo fɔla.

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Saraka-Masɔlɛnuta Tɔnnu 18:5

Wo ni nta tɔnnu bira ka a ma iko n ya a fɔ wo ye nya min. Ni wo ya wo ma, wo si kisi. Nde le wota Mari la min bi kɛ fɔla wo ye.”

Emɔsi 5:4

Nɛbi Emɔsi ya Mari kuman-kan latenbi Isirɛla mɔgɛnu ma ko, “Ni wole si wo gbɛrɛn ale Mari ma, wo si kisi.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Matiyu 11:28

“Min bɛɛ ara bandan ala dunu-gbilimɛ kɔrɔ, wo ni na nde wara. N si sulen di wo tigi ma.

Matiyu 13:16

“Kɔnɔ hɛrɛ ye wole fɛ bɛrɛkɛ! Wo yɛnu bi fan yenna. Wo tolenu bi ko lamɔɛnna.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Yɔni 6:37

N fa ara mɔgɛ min bɛɛ di n ma, wonu si ma n gba-fɛ-bilalɛnu na. Min ba ma n gba-fɛ-bilalɛ la, n ti wo gben mumɛ!

Yɔni 7:37

Ladiya-tele wola ban, min bi a bɛrɛbɛrɛ-wɛ la, Yisa ya a lasɔ. A kumara a kulu-mayɛlɛnɛ la ko, “Ni min kan lagbalanɛ, a ni na nde wara ka a min.

Yɔni 8:47

Ni min bɔnɛ Alla warɛ, wo si a tole masɔ Allala kumɛ la. Nba, wole ma bɔ Alla warɛ, woletɔ wo sa wo tole masɔla n na.”

Kɛwɔlɛnu 13:34

Alla ya a bɔ furinu tɛma alako a furi kana na tuli. Iko Alla ya a fɔ nya min, a ko, ‘N ya lanyiri-sɛnimɛ minnu kiri Dawuda ye, n si wonu kiri wole ye.’

Romu 10:5

Nɛbi Musa ya kɛ le sɛbɛ ka a bɛn telen-koe ma Alla yala tɔn-birɛ fɛ. A ko, “Ni min bi a fɛ ka to a niyi la, fɔ a ni tɔn-kitabu bɛɛ bira minnu sɛbɛnɛ Allala kitabu rɔ.”

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,