Aiseya 55:2 - ALLALA KUMƐ

² I si wodi labɔ fan dola ko rɔ min ti i fa? I si i sara-kunyɛ lagbana, kɔnkɛ ni to i niginigila? Ni wo ya wo tole masɔ ale Mari la, wo si to fen-diyamɛnu dɔnna. Dɔn-fan min bi i sɔndɔmɛ wasala, i si to wo dɔnna.

Aiseya 55:2 ပူးပေါင်းရင်းမြစ်များ

Yaburi 22:26

Bolo-kolɔnnu si fa iko a di anu ye nya min. Minnu bi nala Mari bato tinɛ, wonu si a tanto. Alamɛ anu taranta anu diya anu siyi-tele-bɛɛ rɔ.

Yaburi 34:11

Wole nna dannu, wo ni wo tole masɔ n na. N si wo labila Mari gbiliya-nya la.

Yaburi 36:8

Ma tenbi ladiyɛ rɔ i warɛ bɔn la, ma ti dɔn-fan ban ile bolo. Ita ko-nyimɛ mani de ma ye iko ba-belebele, ma si ma min kan min.

Yaburi 63:5

N sɔndɔmɛ la si fa iko mɔgɔ wa fa ladiyɛ kuma. N si sewa-bɛtinu bɔ i ye ka i tanto wonu na.

Bɔ-Koe-Iyipiti 15:26

Mari ko, “Wo ni wo tole masɔ n kuman-kan la a kin na! Koe minnu telennɛ nde, Mari Alla yala, wo ni wonu ma ka nta tɔn bɛɛ bira. Ni wo ya wo ma, n ya kirayɛ minnu sigi Iyipiti kɛnu ma nun, n ti wo fenfen sigi wole ma bawo nde, Mari le wo rakɛndɛyalɛ la.”

Hɛnkilimaya-Kumɛnu 1:33

Ni mɔgɛ min ya a tole masɔ nna hɛnkilimaya-kumɛ kɛ la ka a bira, wo tigi la si feri. Hɔn ti taran wo la. Wo ko-wo-ko sa nyɔ a si kilan min na.”

Hɛnkilimaya-Kumɛnu 7:23

Anu bi a taranna nyɔ rɔ ka a sɔn-kole sɔgɔ kalabɛn la. A manɛ le fanan iko kona ye tala birala kose la nya min bawo a ma a lɔn ko a ye nala fagala nyɔ le.

Hɛnkilimaya-Kumɛnu 8:32

“Kɔnɔ fonikenu, wo ni wo tole masɔ n na kaka. Ni wo ya nna kumɛ bira, wo si sewa.

Hɛnkilimaya-Kumɛnu 9:5

Wo na fen-dɔn-tinɛ ka wo min.

Makawandili Kumɛnu 6:2

Alla si nɔnfulu-tigiyɛ anubɛ gbiliyɛ latɛgɛ mɔgɛ do ma, ado a nyinita fenfen ma, a si wo sɔrɔn. Kɔnɔ Alla ti a ma, mɔgɛ wo ni ala nɔnfuli wo diya bɔ fɔ mɔgɔ-gbɛrɛkɛ! Wo ragbɛlɛ, ado a ma telen.

Aiseya 1:19

A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Aiseya 10:27

Mari ko wati wo wa ke, a ko a si wo bɔ Asiriyanu bolo la. Wo ti ma yɔɔnnu na anu kɔrɔ tun.

Aiseya 25:6

Mari Sɛnbɛ-Bɛɛ-Tigi si ladiyɛ rabɛn duninya-mɔgɛ bɛɛ ye ata kɔnkɔ-sɛnimɛ kuma. Dɔn-fen-hakikɛ anubɛ minni-fen-diyamɛ su bɛɛ si taran nyɔ.

Aiseya 44:20

Hɛnkilimaya-sufa kɛ mani de iko mɔgɛ tenbi ta-gbangban muganna. Ala kun-takolon-miriya wo mani de iko mɔgɛ tenbi donna gbofɛ la. Dɛnbɛni-wo-dɛnbɛni sa a bolo tun. A ti ke a fɔla ko bɛsɛ min bi a bolo kɛ la, Alla ma.

Aiseya 46:6

Mɔgɛnu si anuna wodi-bɔrɛnu dɛ laka ka sɛnɛ rawuya. Anu bi wodi-gbɛnu sumanna ka anu gbiliyɛ dan lɔn. Anu bi siyaki sarala alako wo ni anuta bɛsɛ ladan anu ye. Wo kɔma, anu bi anu nyɛnkinna bɛsɛ wo kɔrɔ ka a kɔ.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Aiseya 51:4

Mari ko wole, ala mɔgɛnu, wo ni wo tole masɔ. A ko a si ala karan di sibolo-gbɛrɛnu ma. Ala tɔnnu si a waan lana.

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Aiseya 62:9

Min bi tɔrɔla dɔn-fan min na, wo le ye wo dɔnna, ado wo le si to Alla tantola. Min bi tɔrɔla minni-fan-sɔrɔn la, wo le ye a yi minna. Wo si wo min Bato-Bɔn lu-kole ma.

Aiseya 65:23

Mɔgɛnuna wɔlɛ ti to anu ma tun fu! Anuna dannu ti to tɛgɛla a ma tun. Marita mɔgɛ bɛɛ si to duwɛ kɔrɔ. Marita mɔgɛnu anubɛ anuta dannu si to duwɛ sɔrɔnna.

Yɛrɛmaya 12:13

Mɔgɛnu si fui-fan fui kɔnɔ anu ti fenfen tɛgɛ binyɛ kɔma. Anu si wusi tirindi kɔnɔ ko-wo-ko ti bɔ anu tɔrɔ-gbɛ wo rɔ. Anu si miliya anuna dɔn-fen-sɔrɔnbɛlitayɛla ko la kɔgɔrɔyɔlɔ! N yisi-bɔɛ le ye a mala, kɛ dama ye nala sigila anu ma.”

Yɛrɛmaya 17:24

Mari ko wo ni a ma wo fɛrɛma ka ata kumɛ bira a kilɛ fɛ. Wo kana na dunu-wo-dunu la Yerusalɛm don-dɛnu na Sulen-Tele ma. Wo ni Sulen-Tele bira wo bolo filɛ la ka a to sɛninyɛ rɔ. Wo kana wɔli-wo-wɔli kɛ wulɔn.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 31:14

Sarakɛ ti dasa saraka-masɔlɛnu bolo. Ala mɔgɛnu si fa fen-diyamɛnu na, ale Mari ye minnu dila anu ma, kɔni. Mari kan le kɛ la.

Hoseya 12:1

“Ka a bi sɔgɔmɛ ma ha wurɛ la, wole Isirɛla mɔgɛnu sa ko-wo-ko kun na fɔ ko-fuyinu anubɛ tinyalɛ. Karagbɛlɛyɛ ara wara wo tɛma. Wo ara dogonta-fannu di Iyipiti kɛnu anubɛ Asiriyanu ma wo dɛnbɛn-koe la.”

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Habakuku 2:13

Wo ya mɔgɛ minnu bira kɛlɛ rɔ, wo ya anu fɛrɛ tinya wɔli-fufafui kɛla wo ye. Wonu ya fan min bɛɛsi ladan wo ye, tɛ si wonu ban fegba! Mari Sɛnbɛ-Bɛɛ-Tigi le ye wo mala.

Matiyu 15:9

Anu bi n batola fu bawo anu bi mɔgɛnu nabilala anuta tɔnnu na iko ndeta tɔn le!’ ”

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Matiyu 5:6

Mɔgɔ-sewanɛ le wo mɔgɛ la Alla sako-kɛ-koe di min ye bawo Alla si wo tigi wasa feu!

Maraka 7:14

Wo kɔma, Yisa ya nyama kele a wara tun ka a fɔ anu ye ko, “Wo ni wo tole masɔ ka koe kɛ nya-yen a kilɛ fɛ!

Luka 15:23

Wo ta ninki-den-tɔlɔnɛ faga. Ma ni ladiyɛ ladan ka sewa

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Romu 10:17

Woletɔ fɔ mɔgɛnu ba sarakanɛ lamɔɛn ka a bɛn Yisa ma, yanni anu ni dɛnkɛninya a ma. Fɔ mɔgɛnu ba Kirasitila ko fɔ anu ye alako anu si a lamɔɛn nya min.

Romu 9:31

Kɔnɔ male, ata mɔgɔ-yabɔnɛ minnu tayanɛ ka telen Alla ye tɔn-birɛ fɛ nun, male ma telen Alla ye.

Tɔn-Fɔɛ-Fila-Nyɔgɛ 11:13

“Min sanɛ wo kuma, n bara Marita tɔn minnu di wo ma bi, wo ni wonu bira. Wo ni Mari Alla keni ka ata wɔlɛ kɛ wo yisi bɛɛ la.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.