Aiseya 55:1 - ALLALA KUMƐ

¹ Mari ko ni minnu kan lagbalanɛ, wonu ni na anu min. Ni wodi sa minnu bolo, wonu ni na dɔn-fen bi tinɛ. Wo ni na nonɛ anubɛ min-kɛ-fan min, wo ti fenfen bɔ.

Aiseya 55:1 ပူးပေါင်းရင်းမြစ်များ

Yaburi 143:6

N bi n bole sigila i ye ka i madiya bawo i sɔgɛ ara n tabɔ kosɛbɛ, iko yi-sɔgɛ si dugu-ragbalanɛ bira nya min!

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Hɛnkilimaya-Kumɛnu 8:4

A ko, “Hadama-dan min bɛɛsi ye dugu-kole kuma, n bi wo damasi rakelela.

Hɛnkilimaya-Kumɛnu 9:1

Hɛnkilimayɛ ya ala bɔn sɔ ka sɛnbɛrɛn-kɔn wɔrɔnfila sɔ a kɔrɔ minnu si bɔn wo bira gben!

Hɛnkilimaya-Kumɛnu 9:5

Wo na fen-dɔn-tinɛ ka wo min.

Keninteya-Siginu 1:2

I ni to n sunbula ha bawo ila diyanayɛ tenbira n ye liyi la pirr!

Keninteya-Siginu 1:4

N bi! Ma ni ta ma kun fɛ pon! I ni ma nna mansɛ la ka ta n na i bolo konko la. Ma si ma nyɔgɔn-diya bɔ. Ma ni tunu keninteyɛ rɔ pɔɛ! Ni i diyara musi bɛɛ ye, i kana tɛrɛna wo la.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Aiseya 1:19

A ko ni wo ya ala tɔnnu bira dɔrɔn, a si a ma, wo ni to wola sɛnita-fannu dɔnna wo fanbolo.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 52:3

Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Nimisa Koe 5:4

Hali mala min-kɛ-yi, ma ye a sanna le, ado fɔ ni ma ya mala sɔgɛnu san.

Isikiyɛli 47:1

Ko-rayirɛ wo rɔ, kei wo sɛgira n na Bato-Bɔn don-dɛ la. Yi ye bɔla don-dɛ kɔrɔ ka yigi tele-bɔɛ wara la, Bato-Bɔn yɛ lamununnɛ kan min, kɔni. Yi wo kunyɛ ye Bato-Bɔn dugula wara la le. A ye tenbila saraka-mintan-tinɛ dugu la wara la.

Isikiyɛli 47:9

A ko, “Yi kɛ tara kan-bo-kan, i si yɛgɛ anubɛ sogo-su bɛɛ taran nyɔ. Yi wo si Dalɛ Faganɛ ma yi-nyimɛ la. A tara kan-bo-kan, a si fan bɛɛ lakanan.

Hoseya 14:4

Mari ko, “N si wole nta mɔgɛnu gbɛrɛn n ma tun ka wo makoto wola lanayabɛlitayɛla ko la. N si wo keni n yisi bɛɛ la, ado n ti kɔrɔtɔ wo ma tun!

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Sakaraya 10:7

A ko Isirɛla mɔgɛnu ta si gbɛlɛya iko kɛlɛ-kurugba-bananu. Anu si sewa iko baantoenu. Anu kegeyɛnu fanan si anu miri nɔ-ko-sɔrɔn-koe kɛ ma. Anu si sewa ka a tɛgɛ ale ara min ma.

Sakaraya 2:6

Wo kɔma, nde, Sakaraya ya Mari kuman-kan latenbi ala mɔgɛnu ma ko, “Mari ko a ara wo ranyɛnsɛn duninya-tonko-nanɛ bɛɛ rɔ kɔnɔ wo ni wo buri bɔla Babilɔn nyamanɛ rɔ ka sɛgi Yerusalɛm soe burɔ.

Sakaraya 9:15

Mari Sɛnbɛ-Bɛɛ-Tigi si ma wo matanka-fan la. Wo si wo kɛlɛ-nyɔgɛnu nɔ lenfiran-kuri la. Wo si gbele-gbelen kɛlɛ-kɛ-tinɛ iko gbɛɛtoe. Wo si yele labɔ wo yogenu ma. Yele si yigi anu ma iko saraka-yele ye yigila nya min saraka-mintan-tinɛ tonko nanɛ ma.

Matiyu 10:8

Wo ni kirayatoenu nakɛndɛya ka furinu nawuli. Wo ni kunatoenu nakɛndɛya ka nyinɛnu fanan gben. N bara sɛnbɛ wo di wo ma. Wo ma a sɔnkɔ bɔ, wo don ka a sɔnkɔ makele.

Matiyu 13:44

Yisa ko, “Alla min bi Arinyɛni tɔ, ata mansayɛ mani de iko nɔnfuli min dogonnɛ gbɛkole do rɔ. Kei do ya a yen ka a yamatogon tun. A sewara kati! A tara a bolo-fan bɛɛ feri. Wo kɔma, a sɛgira ka gbɛkole wo san.”

Matiyu 26:29

N ni a fɔ wo ye, n ti nɔnbɔ-gbɔ-yi kɛ min tun, fɔ n ba a min a kurɛ la wo fɛ n Fa Allala mansayɛ rɔ.”

Matiyu 5:6

Mɔgɔ-sewanɛ le wo mɔgɛ la Alla sako-kɛ-koe di min ye bawo Alla si wo tigi wasa feu!

Kɛwɔlɛnu 8:20

Kɔnɔ Pita ya a fɔ a ye ka a gbɛ ko, “I mirinɛ ko i si Allala kɔ-fan san wodi la min kɛ, wobɛ ila wodi ni halaki nyahanama rɔ!

Romu 3:24

Bɛɛ ara telen Alla ye ata keninteya-wɛ baraka rɔ. Sanbɛ le wo la mɔgɔ ti ke min sanna. Ma bɛɛ si na hɔrɔya hakɛ bolo Yisa, Allata-Mɔgɔ-Yabɔnɛ baraka rɔ.

1 Kɔrɛnti 3:2

N ya kin-yi di wo ma bawo wo ma ke bɛ dɔn-fen-bɛrɛ-dɔn ma nun. Hali kaka, wo ti ke a dɔnna

1 Pita 2:2

Wo ni ma iko den-sɔrɔn-sannu susun-sɔgɛ si minnu bira tuma-wo-tuma. Kin-yi-sɛnimɛ-sɔgɛ ni male bira wo nya na le. Woletɔ wo tenbi wo susunna, wola dɛnkɛninyɛ si to koloyala,

Lankɛnimayɛ 21:6

Nba, a ko, “A ara ban! A fɔlɔtɛ anubɛ a laban le nde la, ado a dabirɛ anubɛ a kundɔn le nde la fanan. Mɔgɔ-wo-mɔgɔ kan lagbalanɛ, n si nimaya-tenke-yi di wo ma min sɔnkɔ sa.

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.

Ruti 4:1

Bowasi tara anuna kundɛn tinɛ soe tarɛ-don-dɛ dafɛ. A ya a sigi mɔgɔ-banu tɛma nyɔ. Kei min gbɛrɛnta Ruti benba Ilimilɛki ma ka tenbi Bowasi la, wo tenbimatoe, Bowasi ya wo kele, a ko, “N bɔ, na i mayigi yan de!”