Aiseya 54:9 - ALLALA KUMƐ

⁹ Nɛbi Nowata wati rɔ, Mari ko a ara lanyiri kiri ko a ti duninya halaki yi la tun. A ye wo nya na le fanan, a ko a ara a keli ko a fonde ti bɔ i kan ma tun ka i tɔrɔ.

Aiseya 54:9 ပူးပေါင်းရင်းမြစ်များ

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

Yobu 11:16

Tɔrɔyɛ min bɛɛsi ye i ma, i si i sɔrɔn wonu na. Ila tɔrɔyɛ wo si ma iko yi min bi tenbila suyi rɔ.

Yaburi 104:9

I ya dan sa anu ye, anu ti tenbi min kun na mumɛ alako yi wonu kana na dugi mumɛ yamatogon tun!

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 51:6

Wo ni san-kole anubɛ dugu-kole mafɛlɛn. Anu si na tunu yen, iko ta-sisi. Dugu-kole la si murun iko kura-kore. Mɔgɛnu si to yalanna ale dugu-kole ma ka faga iko sisɛnu. Kɔnɔ Marila kunka-koe si to a la habadan! Ala nɔlɛ si ma ko-laban la.

Aiseya 51:8

bawo wonu bara-koe ye nala kala-a-la iko kisinu ba kurɛ dɔn. Kɔnɔ a ko ata lakisi-koe si to nyɔ habadan! Ata nimayɛ si to nyɔ burubukai!

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Isikiyɛli 16:42

Wo wa ma tumɛ min, nta diminyɛ si ban. N yisi si kimɛ worɔ poi! N yisi ti bɔ tun. N ti i makeliya tun.

Isikiyɛli 39:20

A kɛlɛ-den wo, a so wo, a so-laburila wo, sogenu si fa suyi kɛnu na ladɛn wo kuma dɔgɔma-ma-de! Nde, i Tigi Mari kan le kɛ la.”

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”