Aiseya 54:5 - ALLALA KUMƐ

⁵ I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 54:5 ပူးပေါင်းရင်းမြစ်များ

Yobu 19:25

Kɔnɔ n ya a lɔn serr, ko n kunkalɛ ye nyɔ Arinyɛni tɔ. Nta wati wa ke, a si ma nna kiti-fɔlɛ la.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:14

Isirɛlata Alla-sɛnimɛ min bi ma kisila, wo ko a si kɛlɛ-den-siyamɛnu natugu Babilɔn kɛnu kan ma alako anu ni ma kunyɛ bɔ gbaran rɔ. A ko a si nyɔ tarɛ dɛnu keri. A ko nyɔ-mɔgɛnuna tolon si yɛlɛma anu bolo diyi la.

Aiseya 45:11

Isirɛlata Mari Alla-sɛnimɛ, yarɔ-koenu mabɛnnɛ ale min bolo, kɔni, wo ko yo sa wole bolo ka a manyinika ala dannuna ko ma. A bɛnnɛ a ni min ma, a ma bɛn wo ni wo fɔ a ye.

Aiseya 48:17

Wo Kunkalɛ, Isirɛlata Alla-sɛnimɛ ko wota Mari Alla le ale la. A ye a fɛ ka wo karan wo munanfaga-koe ma ka wo hɛnkili labila wo tagama nya ma.

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Aiseya 65:16

Nba, min ya duwɛ sɔrɔn dugi ma, wo tigi ara duwɛ sɔrɔn Alla, tonya-tigi le bolo. Ni min ya a gboro dugu-kole kuma, wo tigi ara gboro Alla tonya-tigi le tɔ. Kɛnu bara ma bawo ma la ara nyina tɔrɔya-kɔrɔmɛnu na. A ko a si tɔrɔyɛ wonu masɛgi wo la.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 3:14

Mari ko wole telenbɛlɛnu ni na a ma tun. A ko wo ye ale le bolo. A si mɔgɔ kelen-kelen bi soe bɛɛ rɔ ka mɔgɔ fila-fila bi kebilɛ bɛɛ la. A ko a si na wonu na Yerusalɛm soe burɔ tun.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Hoseya 2:16

Wo wati rɔ, a si n kele ko, “N buin.” A ti n kele tun ko, “N tigi.”

Hoseya 2:18

Wo wati rɔ, sogo wo, koni wo, sagan-fen wo, nde, Alla ko anubɛ wonu si sarama-kan kiri anu nyɔgɔn tɛma alako wonu kana ko-yogoma fenfen ma nta mɔgɛnu na. N si kɛlɛ-kɛ-fannubɛ kɛlɛ wara-koe bɛɛ ka-a-la nyamanɛ rɔ, a faan wo, a kalabɛn wo. Nta mɔgɛnu si to yisi-kimɛ anubɛ lafɛrɛ rɔ wulɔn.

Sakaraya 14:9

Wo wati rɔ, Mari si ma duninya-mumɛ-mansɛ la. Duninya-mɔgɛ bɛɛ si Mari kelan kele a tɔgɔ kelan la ka a bato.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Luka 1:32

A si ma mɔgɔ-gbiliyanɛ la. Anu si a kele ko Alla Min Bi Fan Bɛɛ Kun Na, wota Dan. A benba Mansa Dawuda ya mansayɛ min sɔrɔn, Mari Alla si wo di a ma.

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

Ɛfɛsa 5:32

Tonya-ba ara bɔ gbɛ rɔ kan-tina-kelan wo rɔ. Wo ye Kirasiti anubɛ ata mɔgɛnuna ko fɔla.

Yasowa 3:11

Saraka-masɔlɛnu si ta tɔn-kenkirɛ la yi rɔ wo yarɔ ka anu sɔ nyɔ. Wole si a lɔn wo rɔ ko Mari-nimɛ ye wo tɛma.

Yasowa 3:13

Saraka-masɔlɛnu ba anu kian sɔ yi rɔ tumɛ min, yi wo si gbala. Yorodan-ba-yi la si dɛn anu nyɔgɔn kuma,”

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”