Aiseya 54:14 - ALLALA KUMƐ

¹⁴ Telenbagayɛ si ile Yerusalɛm tagbɛlɛya gben! Bumalɛ anubɛ kilan fɛ si yanya i la.

Aiseya 54:14 ပူးပေါင်းရင်းမြစ်များ

Hɛnkilimaya-Kumɛnu 3:24

I wa i sa suyi rɔ, i ti kilan. I si kinɔgɔ i fanbolo.

Aiseya 1:26

A ko a si mɔgɔ-banu anubɛ hɛnkili-kɔlɛnu di wo ma iko fɔlɔ. Wo kɔma, bɛɛ si Yerusalɛm lɔn telenbaga-soe anubɛ lanaya-soe la.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 14:4

Mari wa wo ma tumɛ min, anu si Babilɔn mansɛ mayɛlɛn ko, “Mansa-karagbɛlɛ ara faga. A ti mɔgɔ-wo-mɔgɔ niyi ragbɛrɛn a ma tun!

Aiseya 16:4

A sɔgɛ ye ma la, ma ni sigi wo fɛ wola nyamanɛ rɔ alako wo ni ma lakanan ma yogenu ma.” Lunyɛ do, tɔrɔyɛ anubɛ kasarɛ si bɔ nyamanɛ wo kun na, yɔ! Nyamani-tinyanɛnu si bɔ nyɔ kuma lunyɛ do.

Aiseya 2:4

“Mari si kɛlɛ-nyɔgɔnyɛ ban duninya-sibolenu tɛma. Mari si yisi-kimɛ lana anu tɛma ha anu si anuna faannu yɛlɛma sɛnɛ-kɛ-dɛɛnu na. Anu si tanbɛnu yɛlɛma wɔrɔtɛnu na. Woletɔ duninya-mɔgɛnu ti anu tabɛn kɛlɛ-kɛ-koe ma anu nyɔgɔn kan ma. Anu ti anu nyɔgɔn kɛlɛ tun.”

Aiseya 26:2

Wo ni soe tarɛ-don-dɛ laka. I ni a ma, sibolo-telennɛ ni don, sibole minnuna mɔgɛnu bi ko-latelennɛ kɛla, kɔni.

Aiseya 32:17

Yisi kimɛ anubɛ lafɛrɛ si taran nyamanɛ wo tɛngbɛnya bɛɛ rɔ bawo mɔgɛnu bi ko-telennɛ mala.

Aiseya 33:18

Wo kilannɛ sibolo-gbɛrɛ duti-makelelɛ anubɛ ko-lakɔrɔsilɛ minnu na nun, wo si to wo hɛnkili ma dɔrɔn!

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 49:26

A ko i niyi ragbɛrɛnnɛ min bolo, a si a ma, wonu ni to anu nyɔgɔn dɔnna kedeku! Anu yele si a ma, anu kun ta ni fin iko gbɛɛtore. Wo wa ma tumɛ min, a ko mɔgɛ bɛɛ ni na to ale Mari lɔnna Mari la. Ale le kelen pe si i lakisi ka i to i fanbolo. A ko anu si ale Mari lɔn Isirɛlata Alla-Sɛnbɛmɛ la.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Aiseya 60:21

Ila mɔgɛnu si to ko-telennɛ mala. Duninya si ma anutɛ la tɛban! Mari ko ata ki-fan le ile la bi ko ma min ki a bolo. A ko a ya ile dan a nyɛrɛ kɔɛn le la ka ata fanka mayira mɔgɛnu na.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Aiseya 62:1

Yerusalɛm di n ye min kɛ, n ti fara a wara-ko-fɔɛ la. N si to a matɔgɔla ha ale Marita nyimaya-silɛɛ ni to tiila a ma iko tele. N si to a tantola ha ata kisi-koe ni malan iko tɛ.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 30:10

A ko wole, ata mɔgɛnu, wo kana kilan. Wole Isirɛla mɔgɛnu, wo kuma kana kɔ. A ko a si wo kunyɛ bɔ nyamani-yan wo rɔ wo ye biralɛ rɔ kan min nun, kɔni. A ko wo si sɛgi wo warɛ. Wo ni sigi nyɔ wo fanbolo. Wo si to sigini lafɛrɛ rɔ. Mɔgɔ ti wo rakilan.

Yɛrɛmaya 30:20

A ko a si wola fanka-sɛnbɛ don iko wo ye nya min kɔrɔma la. A si wola fanka banban iko a ye nya min nun. A ko min bɛɛ ye wo tɔrɔla nun, a si wo bɛɛ tɔrɔ.

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Hoseya 10:12

Wo ni dugu-kurɛ rasin wo nyɛrɛ ye ka telenbagayɛ ki a rɔ. Tɔ-a-la, wo si duwɛ tɛgɛ a rɔ iko wo ye tɔnɛ min sɔrɔnna wo nyɛrɛ latenbi rɔ nde, Mari ma. Wo ya-lamunun-wati ara ke nde, wota Mari la. Wo kɔma, n ni to nna duwɛ labɔnna wo ma.

Sakaraya 8:3

A ko a si a ya-lamunun Yerusalɛm soe la ka ta a mayigi ata so-sɛnimɛ wo rɔ tun. A ko mɔgɛnu si to soe wo kelela ko Soe Min Telennɛ a ye. A ko anu si Mari Sɛnbɛ-Bɛɛ-Tigita kɔnkɛ kele ko Kɔnkɔ-Sɛnimɛ.

Sakaraya 9:8

Kɔnɔ Mari si ala mɔgɛnu anubɛ a Bato-Bɔn kanan sibolo-gbɛrɛnu masibɛ ma. Ala mɔgɛnu yogo-wo-yogo ti anu nɔ tun bawo ale Mari ara a yen anu tɔrɔta anu bolo nya min.

2 Pita 3:13

Kɔnɔ Alla ara lanyiri kiri san-kolo-kurɛ anubɛ dugu-kolo-kurɛla ko la, telenbagayɛ si sigi kan min, ado male ye wo le makɔnɔna.