Aiseya 54:13 - ALLALA KUMƐ

¹³ A ko ale Mari nyɛrɛ si ila mɔgɛnu karan ka yisi-kimɛ di anu ma.

Aiseya 54:13 ပူးပေါင်းရင်းမြစ်များ

Yaburi 119:165

Ita tɔnnu di minnu ye, wonu yisi-kimani de poi! Fenfen sa nyɔ min si anu nabui.

Yaburi 119:33

Mari, ita tɔnnu kɔrɔ-bɛrɛbɛrɛnu yira n na alako n ni to anu birala burubukai!

Yaburi 147:14

Dan minnu bi ila nyamanɛla foolɛ rɔ, a si wo kandan i ye ka i hɛnɛ dɔn-fen-hakikɛnu na.

Yaburi 71:17

I ya n nabila kebi n dennɛ, ado ha bi, n bi ila kabana-koe rakaranna.

Aiseya 11:9

Kɛnu fenfen ti ko ma anu nyɔgɔn na. Anu ti anu nyɔgɔn kasara Yerusalɛm kɔnkɔ-sɛnimɛ ma. Iko kɔgɔ-yi siya nya min, nyamanita-mɔgɛnu hɛnkili ye siyayala wo nya na le.

Aiseya 2:3

Anu si na a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni. Ma si tagama nya min, Mari si wo yira ma la iko a ye nyinina a ma nya min. Marita karan si bɔ Yerusalɛm. A si kuma ata mɔgɛnu ye nyɔ le.’

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 28:9

Anu bi gbunyala nde, Aiseyata kumɛ kɔrɔ. Anu bi a fɔla ko, “Kei kɛ miri ko a ye yon karan tinɛ? Mɔgɔ-wo-mɔgɔ sa nyinina kɛta kawandili ma. Ala kumɛ kɛ bɛnnɛ denni da-ka-san denu ma.

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Aiseya 48:18

A ko alako dɔrɔn wo ya wo tole masɔ ala kumɛnu na nun, yisi-kimɛ si wo rabɔ nun iko yi min ti gbala. Telenbagayɛ si to nala wo ma nun iko wasɛ tenbi tugula a rɔ.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Aiseya 54:12

A si ila kan-tina-layan-bɛnu sɔ kuru-da-gbɛlɛnu na minnu wulennɛ pui! A ko a si i don-dɛnu nadan kuru-da-gbɛlɛnu na minnu silɛ ye tiila a ma iko tɛ. A si ila tarɛ sɔ kuru-da-gbɛlɛ-su bɛɛ la.

Aiseya 55:12

Wo kunyɛ sewanɛ si bɔ biralɛ rɔ ka nyɔ boloka yisi-kimɛ rɔ. Kɔnkɛnu anubɛ gburukulinu si bara sigi-sa-tinɛ wo yala. Kɔlɔma bɛɛ si lɛnkɛ gbesi.

Aiseya 66:12

Mari ko a si to yisi-kimɛ dila wo ma iko bɛ ye yigila nya min beyabeya! Duninya-nɔnfulinu si anu kun sa wo ma iko bɛ. Wo si to wo susunna iko den-pulan. Wo si to sigini Mari kɔnkɔn tɔ. Mari si to den-pulan wo radɔnna a tontɛ kuma.

Yɛrɛmaya 31:34

Mɔgɔ-wo-mɔgɔ ti a ta-nyɔgɛ karan Mari wara-koe ma tun bawo ka a bi dennɛ ma ka a sigi kina la, bɛɛ si a lɔn. A ko a si wo hakɛ makoto. A ti a fonde lamiri wo sɔn-yogomɛnu ma. Mari kan le kɛ la.

Yɛrɛmaya 33:6

Kɔnɔ a ko a si Yerusalɛm soe dandan anubɛ ala mɔgɛnu ka anu nasɛgi anu gbɛ rɔ. A si yisi-kimɛ di anu ma duk, ka anu nakanan.

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 34:28

Sibole minnu ma nde, Alla lɔn, wonu ti anu kankan wo rɔ tun, ado sogo-nyɛɛnɛnu ti anu faga tun ka anu dɔn. Anu si to lafɛrɛ rɔ. Mɔgɔ-wo-mɔgɔ ti anu kumakɔ.

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Hoseya 2:18

Wo wati rɔ, sogo wo, koni wo, sagan-fen wo, nde, Alla ko anubɛ wonu si sarama-kan kiri anu nyɔgɔn tɛma alako wonu kana ko-yogoma fenfen ma nta mɔgɛnu na. N si kɛlɛ-kɛ-fannubɛ kɛlɛ wara-koe bɛɛ ka-a-la nyamanɛ rɔ, a faan wo, a kalabɛn wo. Nta mɔgɛnu si to yisi-kimɛ anubɛ lafɛrɛ rɔ wulɔn.

Maika 4:2

Anu si a fɔ ko, ‘Ma ni Marita kɔnkɛ yɛlɛ wona ka ta ke Marita Bon-Sɛnimɛ ma, Isirɛla mɔgɛnuta Alla, kɔni.’ Anu si a fɔ fanan ko, ‘Ma si tagama nya min, Mari si wo yira ma la iko a ye nyinina a ma nya min.’ Anu si a fɔ tun ko, ‘Marita karan si bɔ Yerusalɛm, a si ata mɔgɛnu karan kan min.’

Sakaraya 10:7

A ko Isirɛla mɔgɛnu ta si gbɛlɛya iko kɛlɛ-kurugba-bananu. Anu si sewa iko baantoenu. Anu kegeyɛnu fanan si anu miri nɔ-ko-sɔrɔn-koe kɛ ma. Anu si sewa ka a tɛgɛ ale ara min ma.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Luka 24:45

A ya anu hɛnkili ya-maka alako anu ni Allata kitabu nya-yen.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Yɔni 6:45

Nɛbinu ya a sɛbɛ ko, ‘Alla si mɔgɛ bɛɛ karan.’ Min bɛɛ wa a tole masɔ n Fa Allala kumɛ la ka a karan, wo si na n bara.

Kɛwɔlɛnu 2:39

Alla ya lanyiri wo kiri wobɛ wola dannu ye hali minnu bi wula-yan la, ma Mari Alla ye min bɛɛ kelela a wara, kɔni.”

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 15:13

Ma yigi siginɛ Alla min tɔ, alamɛ wo ya wo lafa sewɛ anubɛ yisi-kimɛ la wola dɛnkɛninyɛ fɛ. Wola yigi min bi Yisa rɔ, wo ni to warala Allata Ni-Sɛnimɛ baraka rɔ.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

1 Kɔrɛnti 2:10

Alla ara male lalɔn ala gbundu-koe ma ata Ni-Sɛnimɛ baraka rɔ, ado ata Ni-Sɛnimɛ ye koe bɛɛ nya-nyinina a kilɛ fɛ, hali Allata ko-dogonnɛnu.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Ɛfɛsa 4:21

Wo ya a wara-koe lamɔɛn tumɛ min ka ma aletɛ la, wo ya ata tonyɛ le karan, wo ma?

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.

1 Tɛsalonaika 4:9

Wo ni wo nyɔgɔn keni nya min, wo nyɛrɛ ara wo karan Alla bolo. Hali ma ma kɛdi sɛbɛ ka wo ta-nyɔgɛ dɛnkɛninya-mɔgɛnu keni-koe fɔ wo ye.

Hiburunu 8:10

“Nba, mabɛ Isirɛla mɔgɛnu bi sarama-kan-kurɛ min kirila, wo le kɛ la.” Mari ko, “Wo telenu ba ke tumɛ min n si nna tɔnnu sa anu hɛnkili rɔ. N si anu sɛbɛ anu yisi rɔ. N si ma anuta Alla la. Anu si ma nta mɔgɛnu na.

Hiburunu 8:11

Ado nfan, hali anu ma anu sigi-nyɔgɛnu karan nde, Mari wara-koe ma. Anu fenfen ti a fɔ anu kebila-nyɔgɛ ye ko a ni na Mari lɔn bawo anu dama si a wara-koe lɔn tɛrr! Ka a dabira a dɔgɔmɛnu ma ha ka a sigi a kinamɛnu ma, bɛɛ si nde, Mari lɔn a kila-bɛrɛbɛrɛ fɛ.”

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

1 Yɔni 2:27

Kirasiti ara ata Niyi labon wole kuma. Fananta ala Niyi ye wo rɔ wo mako sa karan-mɔgɔ la tun, ado ata Ni-Sɛnimɛ ye wo karanna koe bɛɛ la. A ye karan min kɛla, tonyɛ le, foninya ma de! Wo ni ata Ni-Sɛnimɛla karan bira worɔ iko a ya wo karan nya min ko wo ni to Kirasiti rɔ.