Aiseya 54:11 - ALLALA KUMƐ

¹¹ Mari ko ile Yerusalɛm makinikininɛ iko min dɛnbɛna sa, i manugu-nɛgɛla sa nyɔ de! A ko a si kuru-da-gbɛlɛnu ma i kurukɛ-fan la.

Aiseya 54:11 ပူးပေါင်းရင်းမြစ်များ

1 Mansɛnu 5:17

Anu ya kuru-kinama-wɛ siyaman nabɔ kɔnkɛ rɔ ka wonu ma Bato-Bɔn-kurukɛ-fan la iko Mansa Silamɛni ya a fɔ nya min.

1 Mansɛnu 6:30

Anu ya sɛnɛ sa bon-kole bɛɛsi ma.

1 Ko-Kɔrɔta-Karan 29:2

N bara n se-koe-bɛɛ kɛ ka n taya Bato-Bon-mirannu-nyinɛ ma. Sɛnɛ wo, wodi-gbɛ wo, sila wo, nɛgɛ wo, kɔlɔma-lɔngbɔn wo, dugu-kɔrɔ-nɔnfulu-su bɛɛsi wo, kuru-lɛsɛtɛnu wo, n bara wonu nadɛn Bato-Bon sɔ-ko-wɔlɛ kɛla ko la.

2 Ko-Kɔrɔta-Karan 3:6

Ale mansɛ ya Bato-Bon-burɛ wo lakinya kuru-da-gbɛlɛnu anubɛ sɛnɛnu na minnu bɔra Parafeyim nyamanɛ rɔ.

Yobu 28:16

Hali sɛnɛ-bɛrɛ anubɛ kuri minnu dɛ gbɛlɛ ha ka a dan-natenbi, wonu mɔlɔn ti ke hɛnkilimayɛtɛ rɔ.

Yaburi 34:19

Mɔgɔ-nyimɛ si tɔrɔya-siyamɛ sɔrɔn kɔnɔ hali wo, Mari si a kisi tɔrɔyɛ wo bɛɛsi ma.

Bɔ-Koe-Iyipiti 2:23

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Bɔ-Koe-Iyipiti 24:10

Anu ya anuta Alla yen. Alla sɔra kan min, anu ya nyɔ fanan yen, a matɛgɛnɛ iko safaira. Safaira wo, kuru-da-gbɛlɛ do le wo la min matɛgɛnɛ iko san-kolo-bilolamɛ.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Bɔ-Koe-Iyipiti 3:7

Mari ya a fɔ ko, “Nta mɔgɛ minnu bi Iyipiti, n bara wonuna tɔrɔyɛ yen yati! Anuna wɔli-kunyɛnu bi min mala anu na, n bara wo lɔn ka anu di-kɛ-kannu namɔɛn. N bara anuna yisi-lafinyɛ lɔn.

Keninteya-Siginu 5:14

Kuru-da-gbɛlɛnu bi ala dɛɛn-kɔlɔnɛ minnu tɔ wonu denu donnɛ a bole la. A fɛrɛ-bɔnkɛ kin iko sogo-ba-nyin, kuru-wulan tenbi wo tɛma.

Aiseya 14:32

Ma si Filisitinuna kilayɛ yabi kama? Ma si anu yabi ko Mari ara ban Yerusalɛm kian banbanna. Ata mɔgɔ-tɔrɔnɛ si sigi lafɛrɛ rɔ nyɔ.

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Aiseya 44:28

A ko a si a fɔ Babilɔn Mansa Sairasi ye ko a ni ma mansɛ la ale ye, wo ni a sako bɛɛ kɛ. A ko Yerusalɛm soe ni sɔ a kurɛ la tun. A ko fanan, Bato-Bɔn kuru ni kɛ tun.

Aiseya 49:14

Kɔnɔ Yerusalɛm kɛnu bi a fɔla ko Mari ara a ban anu na. A ara nyina anu ko salon!

Aiseya 51:21

Wole Yerusalɛm mɔgɔ-tɔrɔnɛnu, wole min tulantulan iko gbɛɛtoe, kɔni,

Aiseya 51:23

A ko a si yi-lafɛ wo di wo tɔrɔlɛnu ma, anu denu minnu ya wo boloka belenna lu-kolenu ma, kɔni. Anu denu denu taranta wo ratɛntɛnna iko bore.

Aiseya 54:12

A si ila kan-tina-layan-bɛnu sɔ kuru-da-gbɛlɛnu na minnu wulennɛ pui! A ko a si i don-dɛnu nadan kuru-da-gbɛlɛnu na minnu silɛ ye tiila a ma iko tɛ. A si ila tarɛ sɔ kuru-da-gbɛlɛ-su bɛɛ la.

Aiseya 54:6

Ile Yerusalɛm makinikininɛ iko nyaganɛla kei wa a boloka, a ya min biri-musi furu. Kɔnɔ Mari si sɔn ile la tun ka a fɔ i ye ko

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Yɛrɛmaya 30:17

Mari ko hali wo yogenu bi a fɔla ko, “Yerusalɛm lakɛnɛ a rɔ. Mɔgɔ mako sa a la tun.” A ko a si wo lakɛndɛya tun. A si wo tanban-tinɛnu dandan wo ye. Ale Mari le ya kɛ fɔ.

Nimisa Koe 1:21

“E, Mari, i wɔlɔ matɔlɔ n kurun kan la. Mɔgɔ sa min si n madiya alako n ni fara di-kɛ la. N yoge bɛɛ ara sewa ka a tɛgɛ nna kasarɛla ko ma. I ya n yili-madiya tele min tɔ, wo tele ni na alako n yogenu ni tɔrɔ iko nde tɔrɔyanɛ nya min.

Isikiyɛli 1:26

N ya fan do yen fan wo fanan kuma nyɔ rɔ. Wo mani de iko mansaya-waganɛ min nadannɛ kuru-da-gbɛlɛ-bilolamɛ la. Min siginɛ waganɛ wo rɔ, wo mani de iko hadama-dan.

Isikiyɛli 10:1

Fan min bi nima-fannu kuma iko telekɔnɛ, n ya n yɛ lata nyɔ rɔ. Fan do ye wo kuma min manɛ iko mansaya-waganɛ. Waganɛ wo ladannɛ kuru-da-gbɛlɛ-bilolamɛ la.

Maika 7:11

Wo wati wa ke, wole Yerusalɛm kɛnu, wo si wola so-tarɛ sɔ a gbɛ rɔ tun. Nyamanɛ do si sa wola nyamanɛ kuma ka koloya.

Matiyu 8:24

A ma mɛ, fɔn-belebele kerita anu kun na. Nba, yi burunda lunku-lankana ka kɛ kulɔn rɔ. Kɔnɔ wo ya a taran, Yisa ye kinɔgɔ rɔ nun.

Yɔni 16:33

N bara kɛ fɔ wo ye woletɔ wo si yisi-kimɛ sɔrɔn nde baraka rɔ. Duninya-mɔgɛnu si wo tɔrɔ kɔnɔ wo ni wo wakila! N bara anu nɔ!”

Kɛwɔlɛnu 14:22

Anu ya nyɔ-dɛnkɛninya-mɔgɛnu sɛnbɛ don ka anu makawandi ko anu ni to dɛnkɛninyɛ rɔ yiri! Anu ya anu karan ko, “Yanni ma ni don Allala mansayɛ rɔ, fɔ ma ni tɔrɔya siyaman sɔrɔn.”

Ɛfɛsa 2:20

Kilayɛnu anubɛ nɛbinu mara bon-kurukɛ-fan la min kɛ, wole ara ma a bon-dagɛ la, ado Kirasiti nyɛrɛ le bɔn wo sɛbɛna-kuru-tɔnɔnamɛ la.

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.