Aiseya 53:5 - ALLALA KUMƐ

⁵ Ala tanban bɛɛ tɛgɛra ma sɔn-yogomɛnu denu ma. Ma hakɛnu denu ya a ma, a ramɔsɔkɔn-mɔsɔkɔnta. A gbesira alako male ni yisi-kimɛ sɔrɔn. Ala bosa-gbɛ le ya a ma, ma ara kɛndɛyɛ sɔrɔn.

Aiseya 53:5 ပူးပေါင်းရင်းမြစ်များ

Ko-Dabirɛnu 3:15

N si kɛlɛ-nyɔgɔnyɛ ladon wobɛ musi kɛ tɛma. Wo bɔnsɔnnu si to kɛlɛ-nyɔgɔnyɛ wo rɔ. Ile si a tanban boloko-yogomɛ-kɛ kɔnɔ a bɔnsɔn-mɔgɛ do si i kunyɛ ratɛrɛgbɛn.”

Yobu 33:24

Melika wo si kinikini a ma, A si a fɔ Alla ye ko, “A boloka. A kana ta lakira. I ma a kunka-fan yen n bolo?”

Yaburi 30:2

Nta Mari Alla, n ya i rakele n dɛnbɛn-koe ma, ado i ya n nakɛndɛya.

Hɛnkilimaya-Kumɛnu 20:30

Min si karagbɛlɛyɛ bɔ mɔgɔ bolo ma, fɔ gbesili anubɛ tanban. Wo si a ma, a ni ko-yogomɛ boloka ka sɔn-nyimɛ bi.

Aiseya 40:2

N ni Yerusalɛm kɛnu manugu-nɛgɛ. Anu bara tɔrɛ min kɛ, wo da ra ara kolo, ado anu hakɛ ma ara koto le gbɛ! Mari ko a bɛnta, tɔrɔya sufa min ni sigi anu ma, a ara ban wo sigila anu ma.

Aiseya 57:18

A ko hali wo ye wo sɔn-yogomɛ da kun tɔ, a ko hali wo, a si to wo lakɛndɛyala. A ko a si wo bila kila-telennɛ fɛ ka wo lafɛrɛ.

Aiseya 6:7

A ya ta-wɔlɔn wo tugu n da-gbole la. A ko, “Kɛ tugi i da-gbole la, i hakɛ bɛɛ ma ara koto, i yulumu ara ban.”

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Sakaraya 13:7

Mari Sɛnbɛ-Bɛɛ-Tigi ya a fɔ ala faan ye ko a la ni wuli a wɔli-kɛ-nyɔgɛ saga-fɛ-biralɛ kan ma. A wa ban a fagala, ala sagɛnu ta si nyɛnsɛn. Mari ko a si bui ala mɔgɛnu ma, ala sagɛnu, kɔni.

Matiyu 20:28

ado nde, Hadama-dan ma na ko mɔgɛ ni wɔlɛ kɛ n ye, fɔ ka wɔlɛ kɛ mɔgɛnu ye ka n niyi ni mɔgɔ siyaman kunka-koe la.”

Romu 4:25

Yisa fagara alako ma hakɛnu ma ni koto. A wulita alako ma la ni telen Alla ye.

1 Kɔrɛnti 15:3

N bara sarakanɛ min sɔrɔn, n bara wo latenbi wo ma, ado ko-belebele-wa le kɛ la ko Kirasiti fagara ma hakɛnuna ko la iko a sɛbɛnɛ Allala kitabu rɔ nya min.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Tɔn-Fɔɛ-Fila-Nyɔgɛ 11:2

Wo ara a yen Mari ara kabana-ko-siyamɛ minnu kɛ wo yala. Wo nyɛrɛ-nyɛrɛ le kɛ sereyɛ la, wola dannu ma de! Nba, bi, wo ara hɛnkili min sɔrɔn Allata koe rɔ, ado wo ara ko-tenbinɛ minnu tayen wo yɛ la, wo ni wo miri wonu ma. Wo ya a lɔn ko a dan sa, ata fanka kolo.

Hiburunu 10:10

Yisa Kirasiti ya a fa Alla sako kɛ min kɛ, ma dama sɛninyara ka bɔ hakɛ rɔ wo le fɛ. A ya a nyɛrɛ fɛrɛ-bɔnkɛ ni sarakayɛ la iko kelen pe ka dan wo ma.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 5:8

Hali Allala dan le ale la, ala tɔrɔyɛ fɛ, a ya a fala kuma-birɛ makaran,

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,