Aiseya 52:3 - ALLALA KUMƐ

³ Ma Tigi Mari ko wole, ata mɔgɛnu donta yɔɔnyɛ rɔ tumɛ min, mɔgɔ-wo-mɔgɔ ma sɔn wo sanna wodi la, ado mɔgɔ ti wo kunka fanan wodi la.

Aiseya 52:3 ပူးပေါင်းရင်းမြစ်များ

Yaburi 44:12

I ma ila mɔgɛnu dɛ lagbɛlɛya. I ya ma mayira ka ma ma iko fan min dɛ ma gbɛlɛ.

Yaburi 44:13

I ya min ma ma la, ma dan-masa-nyɔgɛnu ya wo yen min kɛ, anu ya ma manyini ka yɛlɛn ma ma.

Aiseya 1:27

Bawo Mari telennɛ, a si Yerusalɛm kisi anubɛ wole minnu bara wo kan-kɔ sɔ wo hakɛ la.

Aiseya 45:13

A ko ale le nyɛrɛ-nyɛrɛ ya Sairasi lawuli ko a ni ale Marita wɔlɛ kɛ anubɛ ka koenu natelen. Mari si kilɛnu matelen Sairasi yarɔ. A si sɔn Mansa Sairasi ni Yerusalɛm sɔ tun a kurɛ la. Wo kɔma, ale Sairasi ni ata mɔgɛnu kunyɛ bɔ birɛ rɔ. A ko mɔgɔ ma wodi di Sairasi ma wola ko la, mɔgɔ ma dogonta-fan di a ma. Mari Sɛnbɛ-Bɛɛ-Tigi kan le kɛ la.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 62:12

Wole, ata mɔgɛnu si kele ko, “Allata Mɔgɔ-Sɛnimɛnu.” Mɔgɛnu si wo kele fanan ko, “Marita Mɔgɔ-Kunkanɛnu.” Anu si ile Yerusalɛm kele ko, “Alla Diyana-Soe.” Anu si i kele fanan ko, “Alla Ma A Ban Soe Min Na.”

Aiseya 63:4

A ko ala mɔgɛnu tayili-sara-wati ara ke. Anu yogenu-tɔrɔ-wati ara ke.

Yɛrɛmaya 15:13

Wodi anubɛ fen-kolomɛ minnu bi wole, Yuda kɛnu bolo, Mari ko a si wonu don wo yogenu bolo, hali anu ma tɔrɔ wo la. A ko a si wo ma ka a tɛgɛ wole, Yuda kɛnu hakɛ ma, wo ye min mala kan-tinɛ bɛɛ rɔ.

Isikiyɛli 16:31

I ya bɛsi-kɔ-tinɛnu nadan ka yɛlɛnya-kɛ-tinɛnu fanan nadan kila-kunyɛnu na. Kɔnɔ ile sa nyinina ila yɛlɛnya-sarɛ ma iko yɛlan doinu.

Isikiyɛli 34:27

Anuna kɔlɔmanu si gbɔ, anuna sɛnɛnu si sabati. Bɛɛ si sigi a halala-dugi rɔ lafɛrɛ rɔ. N ba yɔlɔkɛnu tatɛgɛ nta mɔgɛnu ma tumɛ min ka anu hɔrɔya yɔɔn-tiginu ma, anu bi a lɔnna wo le ma ko Mari le nde la.

Saraka-Masɔlɛnuta Tɔnnu 25:54

Kɔnɔ ni Isirɛla mɔgɛ wo ma ke a nyɛrɛ kunkala, ado mɔgɔ sa a bolo min si a kunka sibolo-gbɛrɛ wo ma, Mɔgɔ-Halala-Fan-Lasɛgi-San wa ke tumɛ min, anu si bɔ kei wo kɔrɔ ka to anu nyɛrɛ ma.

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.