Aiseya 52:15 - ALLALA KUMƐ

¹⁵ Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Aiseya 52:15 ပူးပေါင်းရင်းမြစ်များ

Yobu 21:5

Wo ni n mafɛlɛn dɔrɔn, wo si a ma, wo ni kawa n ma ka wo bole sa wo dɛ la.

Aiseya 49:23

A ko mansɛnu si ma iko i fanu. Mansɛnuna musinu si ma iko i nanu. Anu si anu maburun i kɔrɔ ka i gbiliya. Anu si ila sanbarɛ bɔ i kian rɔ i gbiliya tinɛ. A ko kɛnu ba ma tumɛ min, i ni na to Mari lɔnna ita Mari la. Mɔgɔ-wo-mɔgɔ wa ala dɛnbɛnɛ Mari makɔni, wo tigi ti baya.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 51:5

A ko a si na tiriya ka wo lakisi. Lakiti-tumɛ ara gbɛrɛn a bolo. A ko ale nyɛrɛ si mansayɛ kɛ sibolenu kuma. Wula-yanna-nyamanɛnu bi a makɔnɔ tinɛ le. Anu bi a makɔnɔna anu kisi-koela ko la.

Aiseya 55:5

Wo ma sibole minnu lɔn kɔrɔma la, wo si wonu kele kan-tina-kelen, ado sibole minnu ma wo lɔn, wonu burimatoe si na wo wara. Kɛ damasi si ma bawo wole Isirɛlata Mari Alla-sɛnimɛ le wara gbiliyɛ di wo ma.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Yilan-Yilan Koe 19:18

Mɔgɛ min sɛninyanɛ iko tɔn ya a fɔ nya min, wo si kɔlɔma-wurumɛ wo kelen tɛgɛ a la min tɔgɔ hisɔpu. A si kɔlɔma wo bi ka a sungban sɔ yi wo rɔ. Wo kɔma, a si yi wo sosa mɔgɔ-sɛninyabɛlɛ wo ma kɔlɔma wo la.

Yilan-Yilan Koe 8:7

Ka anu tabɛn, i ni nde, Marita sɛninya-yi doni bi ka a purupuru anu ma, wo le si anu hakɛ bɔ anu ma. Wo kɔma, anu ni anu nyɛrɛ fɛrɛ mumɛ masii, anubɛ ka anuna kurɛnu ku. Wo ko sawɛ wa ban tumɛ min, anu si sɛninya nde, Mari yala wo rɔ.

Matiyu 28:19

Nba, wo ni ta mɔgɛ bɛɛ wara ka anu ma nna karan-dannu na. Wo ni anu batasi Fa Alla anubɛ ala dan anubɛ ale Ni-Sɛnimɛ tɔgɔ rɔ.

Kɛwɔlɛnu 2:33

A yɛlɛta ka sigi Alla kɔɛn-nyimɛ rɔ. A ya Allala Ni-Sɛnimɛ sɔrɔn iko a Fa Alla ya lanyiri kiri a ye nya min, ado Alla ara ata Ni-Sɛnimɛ wo labɔn ma kuma iko wo ye min yenna kaka ka a lamɔɛn nya min.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 11:28

Dɛnkɛninyɛ le fɛ, a ya Kanan-Ko-Ladiyɛ dabira mɔgɛnu tɛma ka yele purupuru bonda-dɛnu ma alako niyi-tɛgɛ-melika kana Isirɛla mɔgɛnuna sarɛnu faga.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.