Aiseya 52:11 - ALLALA KUMƐ

¹¹ Wole Bato-Bon-miran-madununɛnu, wo kana wo bole tugu fen-sɛninyabɛli fenfen na. Wo sɛninyanɛ ni bɔ gbaran rɔ. Wo ni to sɛninyɛ rɔ.

Aiseya 52:11 ပူးပေါင်းရင်းမြစ်များ

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

Bɔ-Koe-Iyipiti 30:19

Yanni anu ni don nna Fani-Bɔn la, Aruna anubɛ ala den-keinu si to anu bolenu anubɛ anu kiannu makula yi wo la

Aiseya 1:16

A ko wo ni wo nyɛrɛ ku ka wo sɛninya. A ya wo yen karagbɛlɛyɛ minnu kɛla, a ko wo ni wo bole bɔ wonu tɔ. Wo fara ko-yogoma-kɛ la

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 66:20

Wonu tenbi sɛgila, anu si sɛgi wo ta-nyɔgɛ Isirɛla mɔgɛnu na anu bolo. Anu si to nala ata kɔnkɔ-sɛnimɛ kuma Yerusalɛm. Minnu bi nala anu dununa, wo le kɛnu na, soee wo, kirindi wo, maka wo, sofɛlɛ wonubɛ nyomɛ. Anu si ma iko fui-fen-sarakɛ mɔgɛnu bi nala min na miran-sɛnimɛ rɔ Mari Bato-Bɔn la.

Yɛrɛmaya 31:21

Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yɛrɛmaya 50:8

Mari ko, “Wole Isirɛla mɔgɛnu, wo ni wo buri bɔla Babilɔn nyamanɛ rɔ. Wo ni nyamanɛ boloka tiriya! Wole ni ma mɔgɔ fɔlɛ la ka bɔ nyɔ.

Yɛrɛmaya 51:45

Mari ko Isirɛla mɔgɛnu ni bɔ anu burila Babilɔn. Anu ni anu buri Marita fondo-bɔ-wɛ kɛ kɔrɔ.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Isikiyɛli 44:23

“Saraka-masɔlɛnu bɛnta, anu ni nna mɔgɛnu karan ka ko-sɛninyanɛ anubɛ ko-sɛninyabɛlɛ dan-natɛgɛ lɔn iko tɔn ya a fɔ nya min. Anu ni a lɔn Allatɛ ye min na anubɛ mɔgɛnutɛ ye min na.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 11:45

N ya wo labɔ Iyipiti nyamanɛ rɔ alako n ni ma wota Alla la. Wo ni ma mɔgɔ-sɛnimɛnu na iko nde, Mari.’

Saraka-Masɔlɛnuta Tɔnnu 11:47

Wo si a ma wo fɛrɛma ka fen-sɛninyanɛ anubɛ fen-sɛninyabɛlɛ dan-nafarɛ lɔn. Wo ni a lɔn wo tanɛ ye soge min na anubɛ wo tana ma minnu na.”

Saraka-Masɔlɛnuta Tɔnnu 21:6

Mari ko saraka-masɔlɛnu sɛninyanɛ ni to. Anu kana ko-wo-ko ma min si Mari tɔgɔ lafɛya bawo anu bi sarakɛnu dila Mari ma. Fɔ wo sɛninyanɛ ni to.

Sakaraya 2:10

Mari ya a fɔ tun ko wole Yerusalɛm kɛnu ni sigi sa sewɛ bolo. A ko ale si na a mayigi wo tɛma.

Sakaraya 2:11

Wo wati wa ke, sibolo-gbɛrɛ mɔgɔ-siyaman si yɛlɛma ka na ale Mari ma. Ale si a mayigi wo tɛma. Wo ye a lɔnna wo le ma ko ale Mari Sɛnbɛ-Bɛɛ-Tigi ya n kilaya wo ma.

Yilan-Yilan Koe 19:11

“Mɔgɔ-wo-mɔgɛ min bi a bole tugula furi la, wo tigi ma sɛninya tele wɔrɔnfila kɔrɔ iko tɔn ya a fɔ nya min.

Yilan-Yilan Koe 19:16

Wo kɔma, mɔgɔ-sɛninyanɛ si kɔlɔma wo bi ka a sɔ nde, Marita sɛninya-yi wo rɔ ka wo pusen fani-bɔn wo ma anubɛ mɔgɛ minnu bi bɔn wo burɔ anubɛ bonna-miran bɛɛsi. A tele wɔrɔnfila nyɔgɛ wo ma, mɔgɔ-sɛninyabɛlɛ wo si ala kurɛnu ku ka a bagbuyi fanan ku. Tele-kolo-wulan wati wa tenbi, a si sɛninya. “Ni mɔgɛ ya a bole tugu a hadama-den-nyɔgɛ furi do la hali min fagara a nyɛrɛ ma, ni wo ma, min fagara setanɛ bolo, wo tigi ma sɛninya. A hadama-den-kole wo, a kaburu-kɔrɛ wo, ni a bole tugura wo fenfen na, wo tigi fanan ma sɛninya tele wɔrɔnfila kɔrɔ. Mɔgɛ min sɛninyanɛ si nde, Marita yi-sɛnimɛ wo bi ka a pusen mɔgɔ-sɛninyabɛlɛ wo ma kɔlɔma la.

Yilan-Yilan Koe 8:6

“I ni a ma, Lifayi bɔnsɔn ni bɔ Isirɛla bɔnsɔn-toenu tɛma ka anu tabɛn nta wɔlɛla ko la.

Kɛwɔlɛnu 10:14

Kɔnɔ Pita ya a sɔsɔ, a ko, “Ade, Mari! N ma fenfen dɔn bɛ n tanɛ ye min na. N ti fen-kɔsɔnɛ dɔn mumɛ!”

Kɛwɔlɛnu 10:28

A ya a fɔ anu ye ko ala Yahudiya-dinala ko la, a kana sibolo-gbɛrɛnu kɔndɔn, ado a kana ta-nyɔgɔnyɛ kɛ anu fɛ. Kɔnɔ Alla ara a yira a la ko a kana a miri mɔgɔ-wo-mɔgɔ ma ko mɔgɔ-sɛninyani ma, a kɔsɔnɛ.

Romu 14:14

N bi Mari Yisa rɔ min kɛ, wo ara a yira n na yati, ko dɔn-fen wo dɔn-fen sa min natinyanɛ Alla yala. Kɔnɔ ni mɔgɛ do lanɛ a la ko dɔn-fan do latinyanɛ le, a la ara tinya ale ye worɔ.

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

1 Pita 2:5

Wo ni wo nyɛrɛ yira iko kuru-nimɛnu alako wole nyɛrɛ ni ma Allala bon-sɛnimɛ dandan la. Wo si wɔlɛ kɛ bɔn wo la ka ma saraka-masɔla-sɛnimɛnu na. Wo si saraka-sɛnimɛnu bɔ min si Alla hɛnɛ Yisa Kirasiti baraka rɔ,

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!