Aiseya 51:9 - ALLALA KUMƐ

⁹ Mari, i yandi, kunden. I ni ma dɛnbɛ. Ita sɛnbɛ lawɔli ka ma kisi. Wɔli iko i duruta a mala kɔrɔma la nya min. Ile le ya ninkinankɛ ratɛgɛtɛgɛ fɔlɔ nun.

Aiseya 51:9 ပူးပေါင်းရင်းမြစ်များ

Yobu 26:12

Ata sɛnbɛ ye kɔgɔ-yi kuma. Hali ninkinankɛ min bi kɔgɔ-yi rɔ, a ya wo lato dogbe!

Yobu 9:13

Allata diminyɛ dan sa. Hali kɔgɔ-yi-nyinɛ minnu bi ninkinankɛ dɛnbɛna, wonu si anu madu a kɔrɔ.

Yaburi 21:13

E, Mari, ma si i tanto ila sɛnbɛ-makawanɛla ko la. Ma si bɛtinu bɔ ka ita sɛnbɛ matɔgɔ.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 44:23

Kunden, Mari. Nfenna ile ye kinɔgɔla? I lakɔɛnma. Ma bolokanɛ kana to i bolo tɛban!

Yaburi 44:24

Nfenna i ye i kolan dogonna ma ma? I yandi, i kana nyina mala tɔrɔyɛ anubɛ mala yakɔrɔ-mamɔɛ ko.

Yaburi 59:4

Bɛɛ burumatoe ye tala anu sɔ tinɛ rabɛnna n kan ma hali fɛɛ sa n na.

Yaburi 7:6

Mari, i lakɔɛnma. Ila fondo-labɔɛ yira n yogenu na. N yogenuna yisi-bɔɛ min kɛnɛ n kan ma, i ni tɔn sigi wo la. I ni tonyɛ di tonya-tigi ma.

Yaburi 77:5

N sa n mirila tele-tenbinɛnu dɔrɔn ma de kɔnɔ n bi n mirila san-tenbinɛnu fanan ma.

Yaburi 78:65

Kɔnɔ tɔ-a-la, Mari kundenta iko a ye kinɔgɛ le tɔ nun. A manɛ iko kei-ragbɛlɛ wa baan min, wo ye kerinteyala nya min.

Yaburi 87:4

Alla ko sibole minnu bi a kan tola a gbɛ rɔ, a wa wonu tɔgɛ rakele, Iyipiti anubɛ Babilɔn si taran wonu tɛma. Filisitinu wo, Sudan kɛnu wo, anubɛ Taya kɛnu, a si wonubɛ Yerusalɛm kɛnu dan anu nyɔgɔn fɛ.

Yaburi 89:10

Ninkinankɛ min tɔgɛ Rehabi, i ya wo gbesi a rɔ ka a faga. I ya i yogenu tanyɛnsɛn i kɔɛn-sɛnbɛmɛ la.

Yaburi 89:11

Ile letan ye san-kole anubɛ dugu-kole la. Ile le ya duninya anubɛ fan bɛɛ dan a rɔ.

Yaburi 93:1

Mari le mansɛ la. A makirinɛ mansaya-mirannu tɔ, ado a makawara. Duninya ara balan gben a gbɛ rɔ, ado a la ti maga mumɛ!

Bɔ-Koe-Iyipiti 6:6

“Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Aiseya 27:1

Ninkinankɛ min bi kɔgɔ-yi rɔ, hali a ye a mamagala a buri tinɛ, wo wulɔn nyɛrɛ rɔ, Mari si wo tɔrɔ ata faan-damɛ sɛnbɛmɛ la.

Aiseya 30:7

Iyipiti kɛnu bi wo dɛnban min kɛla, fufafuyi le wo la. Woletɔ Mari ko a ya anu kele ko, “Ninkinanka-rakolɔn.”

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 51:5

A ko a si na tiriya ka wo lakisi. Lakiti-tumɛ ara gbɛrɛn a bolo. A ko ale nyɛrɛ si mansayɛ kɛ sibolenu kuma. Wula-yanna-nyamanɛnu bi a makɔnɔ tinɛ le. Anu bi a makɔnɔna anu kisi-koela ko la.

Aiseya 52:1

Ile Yerusalɛm, i ragbɛlɛya. Ile Allata so-sɛnimɛ, i nyɛrɛ makiri, i mafɛlan ni diya tun. Alla-batobɛlɛnu ti don so-tarɛ don-dɛnu na tun.

Aiseya 52:10

Mari si ata sɛnbɛ-sɛnimɛ lawɔli ala mɔgɛnu kisi tinɛ. Kɛ si ma duninya-mɔgɛ bɛɛ ya la.

Aiseya 53:1

Mɔgɛnu bi a fɔla ko, “Ma ara min namɔɛn Alla bolo kɛ la, yon bi lala wo la? Yon bara Marita fanka yen koe kɛnu tɔ?”

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Isikiyɛli 29:3

Nde, i Tigi Marita kilayɛ kɛ latenbi a ma ko a yogo-finyɛ le nde la. Mɔgɔ-dɔn-banbɛ le ale mansɛ la min sanɛ bɛ rɔ. A ye a fɔla ko atɛ le Nayɛli bɛ la iko ale le ya a ladan.

Maika 7:15

Mari, i yandi, i ni ko-makawanɛ kɛ ma ye iko i ya a ma mala mɔgɛnu ye nya min nun anu bɔɛ Iyipiti nyamanɛ rɔ.

Habakuku 2:19

Wole karagbɛlɛnu, wo si wota nondɔn sɔrɔn de serr! Wo ye a fɔla kɔlɔma-kundi ye ko, “Kunden!” Wo ye a fɔla kuru-kundi ye ko, “I lasɔ!” Bɛsɛ kɛnu si a ma, wo ni ko-rayen kɛ, wa? Hali bɛsɛ wo makirinɛ sɛnɛ anubɛ wodi-gbɛ la kɔnɔ a niyi sa a rɔ.

Habakuku 3:13

I tara ila mɔgɛnu nakanan-tinɛ ka ta ila mansa-yabɔnɛ kisi. Mɔgɛ minnu karagbɛlɛ, i wara wonuna kun-tigi kasara ka a gba-fɛ-bilalɛnu halaki pɔ!

Sakaraya 10:11

Ala mɔgɛnu ba wuli tɔrɔya-yi tɛgɛla, Nayɛli bɛ ye tugi min kɛla a rɔ anu kan ma, a ko ale nyɛrɛ si bɛ wo bira a rɔ a daga rɔ. A ni gbala todo! Asiriya min wasinɛ, a si wonu makimɛ. Iyipiti min kolo gbɛlɛ, a si wonu fanka latɛgɛ.

Sakaraya 2:13

Bɛɛ ni a rade Mari yala bawo a ye bɔla ata kan-tina-sɛnimɛ rɔ ka na.

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

Yɔni 12:38

Wo mara alako Nɛbi Aiseya ya min sɛbɛ, wo ni bɔ-a-la ko, “Mari, yon bara la mala kumɛ la? I wara ila sɛnbɛ-makawanɛ mayira yonnu ye?”

Kɛwɔlɛnu 7:7

Alla ko anu si wɔli mɔgɛ minnu ye, a si wonu kiti. Wo kɔma, anu si bɔ nyamanɛ wo rɔ ka na a bato kan tinɛ kɛ rɔ.

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Lankɛnimayɛ 11:17

Anu bi a fɔla ko, “Mari Alla Sɛnbɛ Bɛɛ Tigi, min bi nyɔ kaka, min bi nyɔ kebi fɔlɔn, ma ye baraka birala i ye bawo i wara ila sɛnbɛ-wɛ mayira. I wara wuli mansayɛ kɛla gbɛ!

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”