Aiseya 51:7 - ALLALA KUMƐ

⁷ Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Aiseya 51:7 ပူးပေါင်းရင်းမြစ်များ

Yaburi 37:31

A si ata Allata tɔn bira a yisi rɔ. A ti ala kumɛ radu muk!

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Aiseya 25:8

Ma Tigi Mari si tɔn sigi sayɛ la burubukai! A si bɛɛ ya-yi firan a ya-denkɛ rɔ. Ata mɔgɛnu bara yarabiyi min bɛɛ sɔrɔn duninya rɔ, a si miliyɛ wo bɔ anu yɛ la. Mari nyɛrɛ kuman-kan le kɛ la.

Aiseya 33:22

Fenfen ma kulun-matelen-fannu na. Kurɛ min si kulɔn lata, wonu ta ma fulen. Ma si ma yogenu bolo-fannu toronde anu na. Wo si siyaya ma bolo, hali namarɛnu si do sɔrɔn anu tɔ. Mari nyɛrɛ si ma mala mansɛ la. Ale si ma lamara ka ma lakanan.

Aiseya 37:6

nde fanan ya n sara Mansa Hɛsakaya wara. N ko, “Ni Asiriyanu bi a fɔla ko Mari ti ke anu kisila, hali kumɛ wo ma a rakilan.

Aiseya 51:1

Mari ko telenbagaya-sɔgɛ ye wole min na, wo ni wo tole masɔ, wole minnu bi Mari-lɔn-koe rɔ, kɔni. Wo ni wo hɛnkili to wo bakuri ko. Wo mani de iko kuru-mɛsɛ minnu bɔra fara-gbaran-kɔnkɛ ma.

Aiseya 54:4

Mari ko i kana kilan bawo i ti miliyɛ sɔrɔn tun. Yarabi-wo-yarabi ti taran i ma tun. Miliyɛ min bi i kuma nun wo tumɛ i pose, i si nyina wo la feu! I ye kelengbɛyɛ min tɔ nun iko kɛɛ-nyaganɛ, i si nyina wo ko salon!

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 5:11

“Mɔgɛnu ba wo mɔɛn ka wo bira boloko-yogomɛ-kɛ ka tɔgɛ sa wo la ndela ko la, wo tigi ni sewa.

Luka 6:22

“Mɔgɛnu ba wo kɔn ka anu ban wo la, mɔgɔ-sewanɛ le wole la. Anu si wo manyini ka a fɔ ko mɔgɔ-yogomɛ le wole la ka a tɛgɛ nde, Hadama-dan la ko ma!

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

Tɔn-Fɔɛ-Fila-Nyɔgɛ 6:6

Woletɔ n bara tɔn min takaran wo ye nun, wo kana nyina wonu ko.

Filipai 3:10

N bi nyinina min ma gbɛ, wo le ko n ni Kirasiti lɔn anubɛ a lawuli-sɛnbɛ. N bi a fɛ, n ni tɔrɔ iko ale tɔrɔta nya min anubɛ ka faga iko ale fagara nya min.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

Hiburunu 10:16

“N bi sarama-kan min kirila yarɔ, wo le kɛ la. N si nna tɔnnu sa anu yisi rɔ. N si wonu sɛbɛ anu hɛnkili rɔ.”

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.

1 Pita 4:4

Nba, kaka Alla-batobɛlɛnu bara kawa bawo wo sa kofula anu ma tun kisimiriya-sufa wonu tɔ. Woletɔ anu bi wo lafɛyala.