Aiseya 51:22 - ALLALA KUMƐ

²² ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 51:22 ပူးပေါင်းရင်းမြစ်များ

Yaburi 35:1

Mari, minnu sɔnɛ n na, i ni wuli wonu kan ma. Minnu bi n kɛlɛla, wonu kɛlɛ.

Yaburi 60:3

I wara a ma, ita mɔgɛnu bara tɔrɔ kosɛbɛ! Ma ye tonko-tankanna iko gbɛɛtoe si tonko-tankan nya min.

Hɛnkilimaya-Kumɛnu 22:23

Mari le si anuna kɛlɛ kɛ anu ye ka wo niyi ragbɛrɛn.

Aiseya 29:9

Nba, i raya, i ni ma iko kuntan. I nyɛrɛ ma fiyɔn la alako i kana fen yen. Hali i ma i min, i ni to tonko-tankanna iko gbɛɛtoe.

Aiseya 3:12

Kemini-mɛsɛnu bi nna mɔgɛnu tɔrɔla. Musinu bi kun-tigiyɛ kɛla anu kuma. Anuna mɔgɔ-banu bi anu bolo labirala, ado anu ma a lɔn anu si anu ya-lamunun kun-tigi minnu na.

Aiseya 3:13

Mari ara ala sɔ-tinɛ bi kiti fɔ tinɛ. A ara a lakɔɛnma ala mɔgɛnu kiti-koe rɔ.

Aiseya 49:25

Mari ko wo ye nala mala le yati! Mɔgɔ-biranɛ si a porokɔlɔ kɛlɛ-nyana bolo. Kɛlɛ-dannu ya min bi kɛlɛ kuma, wo si toronde anu na. Mari ko mɔgɔ-wo-mɔgɔ ya ile Yerusalɛm kɛlɛ, ale fanan si wo tigi kɛlɛ. A si to ila dannu kunyɛ bɔla gbaran rɔ.

Aiseya 51:17

Ile Yerusalɛm soe, kunden. I rasagan ka i lawuli. Mari fonde bɔnɛ ya tɔrɔya-yi-lafɛ min di i ma, i wara i min wo la. I ya i min a la tumɛ min, i ya yi-lafɛ ragbala todo! Wo ya a ma, i tora tonko-tankanna.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Yɛrɛmaya 25:15

Isirɛlata Mari Alla ya a fɔ nde, Yɛrɛmaya ye ko n ni yi-lafɛ bi a kɔɛn rɔ min nafanɛ ata fondo-bɔɛ la. A ko a ye n sɔla sibolo-gbɛrɛ minnu bara, n ni ta yi-lafɛ kɛ la wo bɛɛ warɛ. Anu ni anu min a la.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 51:36

Nba, Mari ya a fɔ Yerusalɛm kɛnu ye ko a si anu tayili sara anu yogenu na ka a tɛgɛ Babilɔn ya anu bira boloko-yogomɛ min kɛ. Bɛ minnu bi yigila Babilɔn nyamanɛ rɔ, Mari ko a si wonu kunyɛ gbala.

Nimisa Koe 3:15

A ara a ma, n bara tɔrɔ iko bɛsi-kuna-minnɛ.

Nimisa Koe 3:58

“E, n Tigi Mari, i ni n niyi kumafunfan kiti kɛ rɔ.

Isikiyɛli 39:29

N si duwa nta mɔgɛnu ye ka n niyi labɔn Isirɛla mɔgɛnu kuma, ado n ti anu boloka wo nya tun! Nde, anu Tigi Mari le wara kɛ fɔ.”

Yowɛli 3:2

A ko a si sibole bɛɛ kundɛn lɛɛ do rɔ min tɔgɛ Kiti Sa Lɛɛ. A ko a si anu kiti nyɔ rɔ ka a tɛgɛ anu bara min ma wole, ata mɔgɛnu na. A ko anu bara wole, Isirɛla mɔgɛnu tanyɛnsɛn duninya-tonko-nanɛ bɛɛ rɔ ka wola nyamanɛ tala anu nyɔgɔn na.

Hɔbadaya 1:16

Ata mɔgɛnu ya tɔrɔya-yi min Yerusalɛm soe burɔ. Kɔnɔ wole minnu bi Yerusalɛmna foolɛ rɔ, wole si tɔrɔya-yi min min, a ko yi wo si kunaya ka tenbi ata mɔgɛnuta tɔrɔya-yi la pirr! Wole ata mɔgɛnu, wo yogenu ya wo tɔrɔya kɔnkɔ-sɛnimɛ kuma Yerusalɛm soe burɔ kɔnɔ wo yoge minnu bi Yerusalɛmna foolɛ rɔ, a ko wonu fanan si tɔrɔyɛ sɔrɔn ka tenbi wole la ka tunu tɔrɔyɛ bolo!

Maika 7:9

Ma ara hakɛ kɛ Mari la. Fɔ ma ni ma munyu ata diminyɛ kɔrɔ wati-kundu-ni kɔrɔ. Wo wati wa ban, a si ma fɛka ka ma tayili sara ma yogenu na. A si ma labɔ pinpi rɔ ka ma kun nayere.

Sakaraya 12:2

A ko a si Yerusalɛm ma iko gbɛɛ. Sibole minnu bi ala foolɛ rɔ, wonu si a min ha anu ni to tonko-tankanna. A ko anu si bui Yerusalɛm soe anubɛ soe donu ma Yuda nyamanɛ rɔ.

Matiyu 20:22

Yisa ya a fɔ anubɛ ala dannu ye ko, “I ye n tarala min ma, i ma wo lɔn. N bi nala tɔrɔyɛ minnu sɔrɔnna, wo si kɛ wo munna wonu kɔrɔ?” Anu ya a yabi ko, “Ɔn, ma si ke le.”

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.