Aiseya 51:19 - ALLALA KUMƐ

¹⁹ Kasara fila ara bui i ma nya-kun-kelen. Kɛlɛ ara ila nyamanɛ tinya, kɔnkɔ-fitinɛ ara ila mɔgɛnu bira, ado mɔgɔ-wo-mɔgɔ ma kinikini i ma.

Aiseya 51:19 ပူးပေါင်းရင်းမြစ်များ

Yobu 2:11

Yobu diyana-mɔgɔ sawa ya a lamɔɛn min kɛ ko ale Yobu ye tɔrɔyɛ rɔ, anu nara a kɔndɔn tinɛ. Mɔgɔ sawɛ wonu tɔgɛ le kɛnu na, Ɛlifasi ka bɔ Timan soe burɔ wo, Bilidadi ka bɔ Suwa nyamanɛ rɔ wo, anubɛ Sofari ka bɔ Neyama nyamanɛ rɔ.

Yobu 42:11

Yobu tirisan-musu wo, a na-kelen-nyɔgɔ wo, wonubɛ a diyana-mɔgɛnu nara a kɔndɔn tinɛ. Anu ya fen-dɔn-kɛ ala bɔn la. Anu ya a wui bɔ ka a tɛgɛ tɔrɔyɛ wo ma Mari ya min sigi a ma. Wo kɔma, wonu kelen-kelennamɛ-bɛɛ ya sɛnɛ anubɛ wodi-gbɛ-dɛɛn-kɔlɔnɛ di a ma.

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Makawandili Kumɛnu 4:1

N sigira ka n miri. Telenbɛlitayɛ min bi duninya rɔ, n ya wo lakɔrɔsi. Minnu bi kɔndɔfili rɔ, wonu bi dila kɔnɔ anu denkunna-wo-denkuna sa. Anu denkunna sa bawo minnu bi anu tɔrɔla, sɛnbɛ ye wonu denu bolo.

Aiseya 14:30

Nde, Marita mɔgɛ minnu bi bolo-kolonyɛ rɔ, n si wonu kumafunfan iko saga-fɛ-biralɛ si sagɛnu kumafunfan nya min. N si kɔnkɔ-fitinɛ lana Filisitinu ma, min ti anu do-wo-do to anu niyi la.

Aiseya 22:4

Wo ni nde, Aiseya kelan to, woletɔ n si di biribiri nna mɔgɛnuna ko la minnu bara faga nun kɔrɔma la. Hali wo ma n madiya.

Aiseya 47:9

Ko fila si sigi i ma anu nyɔgɔn fɛ nya-kun-kelen, i si foo ila dannubɛ ila kei la filili! Ado nfan, ila duruyɛ anubɛ ila kofo-denyɛ ti ke i lakisila muk!

Aiseya 54:11

Mari ko ile Yerusalɛm makinikininɛ iko min dɛnbɛna sa, i manugu-nɛgɛla sa nyɔ de! A ko a si kuru-da-gbɛlɛnu ma i kurukɛ-fan la.

Aiseya 60:18

Karagbɛlɛya fenfen ti taran wola nyamanɛ rɔ tun. Fenfen ti ke nyɔ tinyana. Fenfen ti ke a kasarala. Wo si wola tarɛ kele ko, “Kisi-koe.” Wo si wola tarɛ don-dɛnu kele ko, “Tantolɛ.”

Aiseya 61:2

Mɔgɛnu bi hɔrɔyala san min na, Mari ya n sɔ ka wo le wara-koe fɔ anu ye. Wo wati wa ke, Alla si karagbɛlɛnu tɔrɔ. Min bɛɛsi kɔrɔtɔnɛ, a ya n sɔ ka wonu manugu-nɛgɛ.

Aiseya 8:21

Mɔgɛnu si to yilan-yilanna nyamanɛ rɔ bawo anu kɔnkɔtoe, anu yigi la ara tɛgɛ. Wo si a ma, anu ni anuta mansɛ anubɛ anuna bɛsɛnu danka yisi-bɔɛ bolo. Hali anu ya anu yɛ sigi san-kole kɔrɔ

Aiseya 9:20

Anu tara kan-bo-kan, anu si dugu-matɔnbɔn-kɛ kɔnɔ hali wo, anu buyi ti fa. Hali anu sɔrɔn-den-bɛrɛ, anu si a dɔn.

Yɛrɛmaya 15:5

Mari ko, “E, Yerusalɛm kɛnu, yon si kinikini wo ma? Yon yisi si tinya wola ko la ka di? Yon si ka kilɛ ma ka wo manyinika ni wo kɛndɛ?”

Yɛrɛmaya 24:10

A ko a si kɛlɛ anubɛ kɔnkɛ anubɛ kirayɛ latugu wo ma. Hali wo mɔgɔ-den-kolo-kelan, wo ti to a niyi la nyamanɛ wo rɔ a ya min di wobɛ wo benbanu ma.

Nimisa Koe 1:12

Yerusalɛm soe ya a fɔ ko, “Wole minnu bi tenbi-tenbila, wola ko sa nna ko rɔ. Ha bi, wo ara mɔgɛ yen tɔrɔla mintɛ tenbira ndetɛ la, wa? Mari diminyara n ma lunyɛ min, a ya tɔrɔyɛ sigi n ma wulɔn le.

Nimisa Koe 1:9

Ala sɛninyabɛlitayɛ wo mani de iko musi min wulita ala kurɛ ratinyana kɔnɔ a ma a miri nun ko a si a laban wo nya na. A labui-koe ya mɔgɛnu tɛrɛna. Mɔgɔ-den-kelen sa nyɔ min si a madiya. A ye dila ko, “E, Mari, i wara n nɔ-nya yen n yogenu bolo, wa? N dɛnbɛ.”

Nimisa Koe 3:47

Kasarɛ anubɛ tinyɛ siginɛ ma kuma sodo! Fenfen ma to fɔ kilan anubɛ kumakɔɛ.

Isikiyɛli 14:15

“Tumado n si sogo-feremɛnu natugu nyamanɛ wo ma ka mɔgɛnu wara-koe ka-a-la. Nyamanɛ wo ma si kilan, mɔgɔ-wo-mɔgɔ ti sisi tala nyɔ.

Isikiyɛli 14:21

Ma Tigi Mari kan le kɛ la ko, “N si nta tɔrɔya-su nanɛ kɛnu nana Yerusalɛm kɛnu ma min tenbira tɔrɔyɛ bɛɛ la, kɛlɛ wo, kɔnkɔ-fitina wo, sogo-feremɛnu wo, anubɛ wuka. Wonu si mɔgɛnu anubɛ sogenu nato dogbe!

Emɔsi 7:2

N ya a yen ko anu bara dɔn-fen-fɛrannu dɔn sa! N ya Alla madiya ko, “I yandi, ila mɔgɛnu makoto. Mɔgɛ kɛnu si ke anu beli-fan sɔrɔnna kama? Fanka sa anu na, ado anu ma siya.”

Nehami 3:7

Mɔgɔ-wo-mɔgɔ wa i yen, a si sɛgi a kɔma kilɛ la kilan bolo. Anu si a fɔ ko, “Ninɛfa ara yɛlɛma sundu-kunyɛ la.” Mari ko a ma mɔgɔ-wo-mɔgɔ yen a kolan la min si di Ninɛfa soe kɛla ko la. A wu-bɔ-sɔgɔ ti mɔgɔ-wo-mɔgɔ bira.

2 Kɔrɛnti 7:13

Wo le ya a to, ma yisi kimara. Min sanɛ mala yisi-kimɛ kuma, wo ya Taita lasewa nya min, wo ara male fanan nasewa wo nya na le. Wo damasi ara a dɛnbɛ ka a yisi sa lɛp!