Aiseya 51:15 - ALLALA KUMƐ

¹⁵ Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 51:15 ပူးပေါင်းရင်းမြစ်များ

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yobu 26:12

Ata sɛnbɛ ye kɔgɔ-yi kuma. Hali ninkinankɛ min bi kɔgɔ-yi rɔ, a ya wo lato dogbe!

Yaburi 107:25

Alla wa kuma, mankana-fɔn-belebele ni wuli. A si a ma, kɔgɔ-yi ni to magala-a-rɔ tangbon-tangbon!

Yaburi 136:13

A ya Kɔgɔ-Yi-Wulan fara fila la. Ala keninteyɛ dan sa.

Yaburi 74:13

I ya yi fara fila la i sɛnbɛ-makawanɛ la. Ninkinankɛ min tɔgɛ Lifayatan, i wara wo kunyɛnu tatii pɔ!

Bɔ-Koe-Iyipiti 6:7

N si Isirɛla mɔgɛ wonu ma nta mɔgɛnu na. Nde si ma anuta Alla la. N ba anu nabɔ yɔɔnyɛ rɔ Iyipiti kɛnu kɔrɔ tumɛ min, anu si n lɔn anuta Mari Alla la.

Aiseya 47:4

Ma kunkalɛ le Mari Sɛnbɛ-Bɛɛ-Tigi la. A tɔgɛ le Isirɛlata Alla-sɛnimɛ.

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 51:5

Hali Isirɛla mɔgɛnu anubɛ Yuda mɔgɛnu bara hakɛ kɛ Mari-Sɛnimɛ la, ale anuta Mari Alla Sɛnbɛ-Bɛɛ-Tigi ko a ma a ban anu na.

Saraka-Masɔlɛnuta Tɔnnu 11:44

Nde le wota Mari Alla la min bi a fɔla wo ye ko, ‘Wo ni wo nyɛrɛ mara sɛninyɛ rɔ bawo nde sɛnima.